-

செருப்படி வாங்கியும் திருந்தாத இந்து முன்னனியினர்!

2012-02-12T15:05:00.003+05:30

சமீபத்தில் பேச்சுவார்த்தைக்கு சென்ற கூடன்குளம் அணுமின் நிலைய எதிர்ப்பாளர்களை மாவட்ட ஆட்சியர் அலுவலகம் என்று கூட பாராமால் தாக்கி பின்னர் பெண்களிடம் செருப்படி வாங்கி சிறையில் கம்பி எண்ணிக்கொண்டு இருக்கின்றனர் சில இந்து முன்னனி நிர்வாகிகள்.

தற்போது இது தொடர்பாக தனது இணையதளத்தில் செய்தி வெளியிட்டிருக்கும் இந்து முன்னனி கூடன்குளம் அணு உலை எதிர்ப்பாளர்களை கலவரக்காரர்கள் என்றும் தங்களை அப்பாவிகள் என்று கூறியுள்ளது. மத்திய மாநில குழுவிடம் ஆதரவு கடிதத்தை கொடுக்க வந்த‌ இந்து முன்னனியினரிடம் வேண்டுமென்றே அணு உலை எதிர்ப்பாளர்கள் வாக்குவாதத்தில் ஈடுபட்டு தாக்கினார்கள் என்றும் கூறுகிறது. காவல்துறையினர் ஒருதலைப்பட்சமாக நடந்து கொண்டு இந்து முன்னனியினரை கைது செய்துவிட்டதாகவும், உடனே முதலைமைச்சர் இதில் தலையிட்டு இதனை தீர்த்துவைக்க வேண்டும் என்று கேட்டுக்கொண்டுள்ளது.

செருப்படி பட்டும் திருந்தாத இந்து முன்னனியினர் கீழ் கண்ட கேள்விகளுக்கு பதில் அளிக்க வேண்டும்.

1. அணு உலையை உருவாக்குவதற்கு இந்து முன்னனியும் ஆதரவு அளிக்கிறது என்ற செய்தியை ஏற்கனவே வெளியிட்டிருந்த போதும் பேச்சு வார்த்தை நடக்க இருந்த நாளில் அதுவும் அதே இடத்தில் சென்று ஆதரவு கடிதம் அளிப்பதற்கான காரணம் என்ன?

2. பேச்சுவார்த்தைக்கு வந்த அணு உலை எதிர்ப்பாளர்களுக்கு நீங்கள் இந்து முன்னனி இயக்கத்தினர்கள் என்றும் அவர்களுக்கு எதிராக ஆதரவு அளிக்க வந்தவர்கள் என்பதும் அவர்களுக்கு தெரியாத நிலையில் எப்படி அவர்களாகவே வந்து உங்களிடம் வாக்குவாதம் செய்தார்கள்?

3. அணு உலையால் மக்களுக்கு எந்த வித பாதிப்பும் ஏற்படாது என்று நிரூபித்தால் கோடி ரூபாய் பரிசு என்று மக்கள் ஜனனாயகக் கட்சி அறிவித்திருந்ததே! அப்படியானால் அணு உலையை ஆதரிக்கும் இந்து முன்னனியினர் ஏன் அதனை நிரூபிக்க முன் வரவில்லை?

4. அணு உலையை ஏற்படுத்தாவிட்டால் தமிழகமே இருளில் மூழ்கி விடும் அபாயம் இருப்பதாக கூறும் இந்து முன்னனியினரே அணு உலை மூலம் சொற்ப சதவிகிதமே மின்சாரம் தயாரிக்க இயலும் என்றும் முழுக்க முழுக்க மனித இனத்தையே அழிக்கக்கூடிய வெடி பொருட்களைத்தான் தயாரிக்க முடியும் என வல்லுனர்கள் கூறியது தெரியாதோ?

5. காங்கிரஸ் அரசாங்கம் எந்த ஒரு நல்ல திட்டத்தை செயல்படுத்த நினைத்தாலும் அதற்கு முதல் முட்டுகட்டையாய் இருப்பது பா.ஜ.க, ஆர்.எஸ்.எஸ், இந்து முன்னனி போன்றவர்கள் தான். அப்படி இருக்க அணு உலை விசயத்தில் மட்டும் காங்கிரஸ் அரசாங்கத்திற்காக பரிந்து பேசுவது ஏன்?

6. அணு உலை எதிர்ப்பாளர்கள் இதுவரை எந்த ஒரு வன்முறை சம்பவத்திலும் ஈடுபட்டதில்லை. மாறாக ஜனநாயக முறையிலும் அமைதியான முறையிலும் உண்ணாவிரதம் இருந்து வரும் அவர்களை கலவரக்காரர்கள் என்றும் வன்முறையை மட்டுமே நம்பிக்கொண்டு தேசத்தில் பிரிவினையை ஏற்படுத்தும் உங்களைப் போன்றவர்களை உத்தமர்களாக காட்டிக்கொள்ள நினைப்பது ஏன்?

7. இந்துக்களுக்காக போராட, வாதாட, பரிந்து பேசவே இந்து முன்னனி இயக்கம் உருவாக்கப்பட்டுள்ளதாக விவரிக்கும் இந்து முன்னனியினரே உங்களது பார்வையில் அணு உலை எதிர்ப்பாளர்கல் இந்துக்கள் இல்லையா? இதே போராட்டத்தை பிராமணர்கள் செய்திருந்தால் ஆதரித்திருப்பீர்கள்தானே?

Thanks

Muthu

முஸ்லீம்களின் உரிமையை உறுதி செய்வேன்: சல்மான் குர்ஷித்!

2012-02-12T14:28:00.003+05:30

ஃபரூக்காபாத்,பிப்.11- காங்கிரஸ் கட்சி தலைவர்களில் ஒருவரான சட்ட துறை அமைச்சர் சல்மான் குர்ஷித் தனது மனைவி போட்டியிடும் ஃபரூக்காபாத் தொகுதியில் தேர்தல் பிரச்சாரம் மேற்கொண்டார்.

அப்போது பிற்படுத்தப்பட்ட வகுப்பினருக்காக ஒதுக்கப்பட்டுள்ள 27 சதவிகிதத்தில் சிறுபான்மையினருக்கான உள் ஒதுக்கீடு 9 சதவிகிதமாக உயர்த்தப்படும் என கூறியுள்ளார்.

இந்த வாக்குறுதிக்காக தேர்தல் ஆணையம் அவருக்கு கண்டனம் தெரிவித்துள்ளது.

இதனையடுத்து அவர் கூறியிருப்பதாவது:

பஸ்மந்தா முஸ்லீம்களின் உரிமையை நிலைநாட்டுவேன். தேர்தல் ஆணையம் என்னை தூக்கில் இட்டாலும் இவர்களின் உரிமையை பெற உறுதி செய்வேன் என கூறியுள்ளார்.

குஜராத் கலவரம் தொடர்பான ஆதார ஆவணங்களை அரசு அழித்து விட்டது'' காவல்துறை உயர் அதிகாரி புகார்!!!

2012-02-12T14:26:00.000+05:30

ஆமதாபாத், பிப். 12- குஜராத் இனக் கலவரம் தொடர்பான தும், நரேந்திரமோடிக்கு எதிரா னதுமான ஆவணங்களை மாநில அரசு அழித்து விட்ட தாக அஞ்சுவதாக சஸ்பெண்டு ஆன அய்.பி.எஸ்.அதிகாரி, நானாவதி ஆணையத்திடம் புகார் செய்துள்ளது.
இனக் கலவரங்கள்

குஜராத்தில் கடந்த 2002-ஆம் ஆண்டு பிப்ரவரி 27-ஆம் தேதி நடந்த கோத்ரா ரெயில் எரிப்பு சம்பவத்தை தொடர்ந்து பெருமளவில் இனக்கலவரங் கள் மூண்டன. இவற்றில் ஆயிரத்துக்கும் மேற்பட்டோர் உயிரிழந்தனர். நாடு முழுவதும் பெரும் பதற்றத்தை ஏற்படுத் திய இந்தச் சம்பவங்கள் குறித்து விசாரணை நடத்துவதற்கு நீதி பதி நானாவதி தலைமையில் இரு நபர் விசாரணை ஆணையம் நியமிக்கப்பட்டது.

அய்.பி.எஸ். அதிகாரி கடிதம்

மேலும் இந்தச் சம்பவங்கள் தொடர்பாக ஆர்.கே. ராகவன் தலைமையில் ஒரு சிறப்பு புலனாய்வு குழுவை உச்சநீதிமன்றம் அமைத்தது. இந்த சிறப்பு புலனாய்வு குழு, முதல் அமைச்சர் நரேந்திரமோடி குற்றமற்றவர் என தனது இறுதி அறிக்கையில் சான்று வழங்கி உள்ளது.

இந்த நிலையில் விசாரணை ஆணைய நீதிபதிகள் நானாவதி, அக்ஷய் மேத்தா ஆகியோருக்கு, இடைநீக்கம் செய்யப்பட்டுள்ள அய்.பி.எஸ். அதிகாரி சஞ்சீவ் பட் ஒரு கடிதம் எழுதி உள்ளார். அந்தக் கடிதத்தில் அவர் கூறி இருப்பதாவது:-

இனக்கலவரங்கள் தொடர் பான ஆவணங்கள் குஜராத் மாநில அரசாலும், ஆர்.கே. ராகவன் தலைமையிலான சிறப்பு புலனாய்வு குழுவினரா லும் நேர்மையற்ற முறையில் மறைக்கப்பட்டு விட்டன அல்லது அழிக்கப்பட்டு விட் டன என கருதுகிறேன்.

செல்வாக்குமிக்க நபர்களை காப்பாற்ற

செல்வாக்குமிக்க நபர் களை சட்டத்தின் தண்டனை யிலிருந்து காக்க வேண்டும், தொடர்புடைய ஆதார ஆவணங்கள் நீதிமன்றங்களின் முன் வரக்கூடாது என்ற கொடூரமான எண்ணத்தின் காரணமாக இது செய்யப் பட்டுள்ளது.

கலவரம் தொடர்பான பதிவேடுகளையும், ஆவணங் களையும் கேட்டு வரவழைப்பதில் விசாரணை ஆணையம் காட்டிய தாமதம், குஜராத் முதல் அமைச்சர் மற்றும் பிற அமைச்சர்களுக்கு எதிரான ஆதார ஆவணங்களை அழிக்க வழி வகுத்து விட்டது. இந்த நிலையில், தீய சக்திகளால் கலவரம் தொடர்பான ஆவணங்கள் அழிக்கப்படவில்லை என்பதை விசாரணை ஆணையம் உறுதி செய்ய வேண்டும். இவ்வாறு அதில் கூறப்பட்டுள்ளது.

ஐ.பி.எஸ். அதிகாரி சஞ்சீவ் பட், குஜராத்தில் உளவுத்துறை துணை ஆணையராக பணியாற்றிய வர், முதல் அமைச்சர் நரேந்திர மோடிக்கு எதிராக ஒரு காவலரை வாக்குமூலம் அளிக்க நிர்ப்பந்தம் செய்த குற்றச்சாட்டுக்கு ஆளானவர் என்பது குறிப்பிடத்தக்கது.

காவி தீவிரவாதம்!!!

2012-02-12T14:24:00.001+05:30

இது தமிழக மக்களை மிரட்டுவதற்காக எழுதப்பட்ட கட்டுரை அல்ல, மாறாக இன்றைய காலச்சூழ்நிலைகளை உண்ணிப்பாக கவனித்து, இன்றைய அரசாங்கத்தின் செயல்பாடுகளை உற்று நோக்கிய பின்னர் தமிழக மக்களுக்கு ஒரு விழிப்புணர்வை ஏற்படுத்துவதற்காகவே இந்த சிறு கட்டுரை.

இந்திய சுதந்திர போராட்டத்தின் போது தமிழக மக்களின் பங்களிப்பை அவ்வளவு எளிதில் இந்திய வரலாற்றிலிருந்து விலக்கி வைத்து விட முடியாது. இந்திய சுதந்திர போராட்டத்தின் போது ஜாதி, மத பேதமின்றி தேசத்தின் சுதந்திரத்திற்காய் இன்னுயிர் நீத்தவர்கள் ஏராளாம். கான் சாஹிப் (மருதநாயகம்), கட்டபொம்மன், வ.ஊ. சிதம்பரனார், மருது சகோதரர்கள் என அடுக்கிக்கொண்டே போகலாம். அதே போன்று தமிழகத்தை மிகப்பெரும் சக்தியாக மாற்றிய அமைத்த பெருமை தந்தை பெரியாருக்கும் உண்டு. தீண்டாமைக்கொள்கையை தகர்த்தெரிய, பார்ப்பணிய மத வெறியை மாய்ப்பதற்கு தமிழக மக்களை மடமைத்தனத்திலிருந்து விடுவிக்க அறும்பாடுபட்டவர் தந்தை பெரியாராவார்.

திராவிடக்கழகம் உருவாக்கப்பட்டு தமிழகத்தில் வேரூன்றி இருந்தகாலத்தில் பார்ப்பண வெறியர்களால் தங்களது ஆரியக்கொள்கையை தமிழகத்தில் தடம் பதிக்க முடியாமல் தவித்தனர். தந்தை பெரியார் காலத்தின் போதும் சரி அதன் பின்னர் திராவிடக்கட்சிகள் உருவாக்கப்பட்ட பின்பும் சரி ஆரியர்களால் பெரிய அளவில் தமிழகத்தில் கால் பதிக்க இயலவில்லை.

தமிழகத்தை பொறுத்தவரை மற்ற மாநிலங்களைக்காட்டிலும் அதிக அளவில் மதக்கலவரங்களோ, குண்டுவெடிப்புகளோ, தீவிரவாத தாக்குதல்களோ நடைபெற்றதில்லை. இதற்கான காரணத்தை உற்று கவனிக்கும் போது ஃபாசிஸ பயங்கரவாதிகளின் செயல்பாடுகள் தமிழகத்தில் குறைந்து காணப்படுவதால் தான் என்று தெளிவாக புலப்படுகிறது.

தமிழக வரலாற்றில் ஒரு சில இடங்களில் நடைபெற்ற அசம்பாவித சம்பவங்களை காணும் போது தேச விரோதிகளான சங்கப்பரிவார கும்பல்களின் கைவரிசை தான் அதில் பதிந்து இருக்கிறது. மண்டைக்காடு கலவரமாகட்டும், கோயமுத்தூர் கலவரமாகட்டு, தென்காசி குண்டுவெடிப்பு சம்பவமாகட்டு இவை அனைத்திலுமே சங்கப்பரிவார ஃபாசிஸ்டுகளின் ஈடுபாடுகள் இருந்திருக்கிறது.

ஆர்.எஸ்.எஸ், இந்து முன்னனி, பா.ஜ.க, இந்து மக்கள் கட்சி போன்றவர்கள் தமிழகத்தில் செல்லா காசாகிப்போயிருந்தாலும் தமிழகத்தில் தங்களது பாதங்களை பதிப்பதே அவர்களுக்கு பெரும் சவலாக இருந்தது. அதற்கான கால அவகாசம் தற்போது அவர்களுக்கு கிட்டியுள்ளதோ என்று எண்ணும் அளவிற்கு தற்போது தமிழகத்தை ஆட்சி செய்து வரும் ஜெயலலிதாவின் செயல்பாடுகள் அமைந்துள்ளது. சமீபத்தில் பத்திரிக்கையில் வெளிவந்த செய்தியை வைத்தும், ஜெயலலிதா பதவியேற்பு விழாவின் போது சம்பந்தமே இல்லாமல் குஜராத் முதலமைச்சர் நரேந்திர மோடியை வரவழைத்ததும், ஃபாசிஸ சிந்தனை கொண்ட பிராமண வெறியனான "துக்ளக்" சோவிற்கு தலையாட்டுவதை பார்க்கும்போது ஃபாசிஸ பயங்கரவாதிகளுக்கு தமிழகத்தில் கால்பதிக்க அவகாசத்தை முதல்வர் ஏற்படுத்தி கொடுத்திருப்பதாகவே தோன்றுகிறது.

தற்போது இந்த ஐந்து வருடகாலகட்டத்தை நன்கு பயன்படுத்திக்கொண்ட ஆர்.எஸ்.எஸ் தமிழகத்தில் மிகப்பெரும் நிகழ்ச்சிற்கு ஏற்பாடு செய்திருப்பது தெரியவருகிறது. குமரி மாவட்டத்தில் சீருடை அணிந்து 25,000 உறுப்பினர்கள் என மொத்தம் 1 லட்சம் பேர் கூடுகின்ற "ப்ராந்த சாங்கிக்" என்னும் நிகழ்ச்சிற்கு ஏற்பாடு செய்திருக்கிறது ஆர்.எஸ்.எஸ். இதற்கு அவர்களின் சர்சங்சாலக்கான மோகன் பகவத் பங்கேற்க இருக்கிறாராம். இவை அனைத்தையும் பார்க்கும்போது ஜெயலலிதா ஆட்சி செய்ய இருக்கும் இந்த ஐந்து வருடக்காலத்தை இறுதி அவகாசமாக ஆர்.எஸ்.எஸ் ஊழியர்கள் தமிகத்தில் உறுப்பினர் சேர்க்கும் பணியில் ஈடுபட்டுள்ளனர்.

இவர்களை நாம் அனுமதித்தால் அமைதிப் பூங்காவாக இருக்கின்ற தமிழகத்தில் அமைதியின்மை ஏற்படும் அபாயம் இருக்கிறது. எனவே உஷாராக இருந்து கொள்ளுங்கள் என கேட்டுக்கொள்கிறோம்.

Thanks

Pearl Ahamed

உலகில் செல்வாக்குள்ள 50முஸ்லிம்கள் - 2011!

2012-02-10T22:35:00.000+05:30

உலக சனத்தொகையில் 1.6 பில்லயின் பேர் முஸ்லிம்களாவர். உலக சனத்தொகையில் 5 பேரில் ஒருவர் முஸ்லிமாவார். சர்வதேச மட்டத்தில் மிக வேகமாக வளரும் மார்க்கம் இஸலாம் என்று கடைசியாக மேற்கொள்ளப்ட்ட சுயாதீன ஆய்வுகளின் மூலம் உறுதிப்படுத்தப்பட்டுள்ளதை எவராலும் மறைக்க முடியாது. சர்வதேச மட்டத்தில் புகழ்பெற்ற துறைசார் இஸ்லாமிய பிரபலங்கள் இதில் தெரிவு செய்யப்பட்டுள்ளனர்.

உலகில் செல்வாக்குள்ள 500 முஸ்லிம்கள் என்ற தரப்படுத்தலில் கல்வி,மதம், அரசியல், நிர்வாகம், கலை உட்பட 14 துறைகளை அடிப்படையாக கொண்டு இத்தரப்படுத்தல் இடம்பெற்றுள்ளது. ஜோர்தான் ஹாசிமீய்ய ராஜ்யத்தின் Royal Islamic Strategic Studies Center இந்தப் பதிப்பை வெளியிடுகிறது. முஸ்லிம் உலகம் முதல் 50 பிரபலங்களின் விபரங்களை தொகுத்துத் தருகிறது.

1.அப்துல்லாஹ் பின் அப்துல் அஸீஸ் பின் அல்-ஸவ்த்

நாடு : சவூதிஅரேபியா
துறை : அரசியல்
பிறப்பு : 1923 ஓகஸ்ட் 1(88வயது)
சிந்தனைப்பிரிவு : ஸலபி

26மில்லியன் சவூதிஅரேபியா மக்களின் மன்னர்.இவரது அரசாங்கத்தின் வழங்கியுள்ள புலமைப்பரிசில்களினால் 70,000 சவூதி அரேபிய மாணவர்கள் வெளிநாடுகளில் கல்விகற்கிறார்கள்.

2. மன்னர் 6ஆம் முஹம்மத்

நாடு: மொரோக்கோ
துறை : அரசியல்,நிர்வாகம்,அபிவிருத்தி
பிறப்பு: 1963 ஓகஸ்ட் 21 (48வயது)
சிந்தனைப்பிரிவு : சுன்னி - மாலிக்கி மத்ஹப்

32மில்லியன் மொரோக்கோ மக்களின் மன்னர்.வட ஆபிரிக்காவில் ஏற்பட்ட புரட்சி வெற்றிகரமான முறையில் கையாண்ட பெருமை மன்னர் 6ஆம் முஹம்மத்தைச் சாரும்.

3. ரிசப் தையிப் எர்தோகன்

நாடு: துருக்கி
துறை : அரசியல்,
பிறப்பு : 1954 பெப்ரவரி 24 (57வயது)
சிந்தனைப்பிரிவு : சுன்னி

75.7 மில்லியன் துருக்கிய மக்களின் பிரதமர். நீதிக்கும், அபிவிருத்திக்குமான கட்சியின் தலைவர் நாட்டின் பணவீக்கத்தைக் கட்டுப்படுத்தி பொருளாதாரத்தை வலுப்படுத்த எர்தோகன் நடவடிக்கை எடுத்தார்.

4 .மன்னர் அப்துல்லாஹ் II அல் ஹூசைன்

நாடு: ஜோர்தான்
துறை : அரசியல்
பிறப்பு : 1962 ஜனவரி 30 (49வயது)
சிந்தனைப்பிரிவு : சுன்னி

6.4 மில்லியன் ஜோர்தான் குடிமக்களின் மன்னர். சர்வதேச மட்டத்தில் முஸ்லிங்களுக்கும் கிறிஸ்தவர்க்குமிடையிலான உறவை மேம்படுத்த பல்வேறு முயற்சிகளை மேற்கொண்டுவருகிறார்.

5 .ஆயதுல்லாஹ் ஸையித் அலி கமய்னி

நாடு: ஈரான்
துறை : அரசியல், நிர்வாகம்
பிறப்பு : 1939 ஜூலை 17(72வயது)
சிந்தனைப்பிரிவு : ஷீஆ - இஸ்னா அஷரி

ஈரான் இஸ்லாமியக்குடியரசின் ஆன்மீகத்தலைவர். 75 மில்லியன் ஈரானியர்களுக்கு தலைமை தாங்குகிறார் வட ஆபிரிக்கப் புரட்சியைஇஸ்லாமிய எழுச்சி என்று வர்ணித்தவர்.

“நாங்கள் அணுஆயுதத்தை தயாரிக்க எதிர்பார்பதில்லை என்பதை மேற்கு உலகம் நன்கு அறிந்துள்ளது. அணுஆயுதம் எமது பொருளாதார,அரசியல் நலன்கள் மற்றும் இஸ்லாமிய நம்பிக்கை என்பனவற்றிக்கு முரணானது”. - ஆயதுல்லாஹ் ஸையித் அலி கமய்னி

6.ஹம்மாத் பின் கலீபா அல் தானி

நாடு : கட்டார்
துறை : அரசியல், நிர்வாகம்
பிறப்பு : 1952 ஜனவரி 1(59வயது)
சிந்தனைப்பிரிவு : ஸலபி

1.5 மில்லியன் கட்டார் மக்களின் தலைவர், அல் ஜஸீராஊடகவலையமைப்பின் ஸ்தாபகப் பங்குதாரர்களில் ஒருவர். அரேபியப் புரட்சிக்கு பகிரங்கமாக ஒத்துழைப்பு வழங்கினார். அல்ஜஸீரா ஊடக வலையமைப்பையும் கலீபா தானி புரட்சிக்காக பயன்படுத்தினார்.

7.பேராசிரியர்,கலாநிதி செய்க் அஹமத் முஹம்மத் அல் தையிப்

நாடு : எகிப்து
துறை : நிர்வாகம்
பிறப்பு : 1946(65வயது)
சிந்தனைப்பிரிவு : சுன்னி

உலக முஸ்லிம்களின் கௌரவத்திற்கு பாத்திரமான “செய்ஹூல் அஸ்ஹர்”என்ற பதவியை வகிக்கிறார். சமகால முஸ்லிம் உலகில் மதிப்பிற்குரிய அறிஞராவார். 4இலட்சம் மாணவர்கள் கல்வி கற்கும் அல் அஸ்ஹர் பல்கலைக்கழகத்தின் வேந்தராகப் பதவிவகிக்கிறார்.

8. கலாநிதி முஹம்மத் பாதி

நாடு : எகிப்து
துறை : நிர்வாகம்,அரசியல்,
சர்வதேச இஸ்லாமிவலையமைப்பு

பிறப்பு: 1943 ஆகஸ்ட் 7 (65வயது)
சிந்தனைப்பிரிவு : இஸ்லாமிய சகோதரத்துவம்

மத்திய கிழக்கை ஆட்டிப்படைத்து அரபுப் புரட்சிக்கு உரமூட்டி வரும் இஸ்லாமிய சகோதரத்துவ அமைப்பின் தலைவர்.ஆட்சியாளர்களுடன் ஏற்பட்ட முறுகல்நிலையினால் பல முறை சிறைவாசம் அனுபவித்துள்ளார்.

9. சுல்தான் கபூஸ் பின் ஸைத் அல் ஸைத்

நாடு : ஓமான்
துறை : அரசியல்,அபிவிருத்தி
பிறப்பு : 1940 நவம்பர் 18 (70வயது)
சிந்தனைப்பிரிவு : ஷீஆ- இபாழி

2.9 மில்லியன் ஓமானியர்களின் தலைவர். 40 வருடங்களாக ஓமானின் சுல்தானாக பதவிவகிக்கிறார். மத்திய கிழக்கில் மிக நீண்ட காலமாக ஆட்சி செய்த அரச குடும்பம் ஒமான் சுல்தான் குடும்பமாகும்

10. ஆயதுல்லாஹ் செய்யத் அலி ஹூசைன் சிஸ்தானி

நாடு : ஈராக்
துறை : கல்வி
பிறப்பு : 1930 ஆகஸட் 04 (70வயது)
சிந்தனைப்பிரிவு : ஷீஆ - இஸ்னா அஷரி

ஈராக்கின் 17 மில்லியனுக்கும் அதிகமான மக்களின் ஆன்மீகத்தலைவர், ஈரானைச் சோந்த 50 ஆயிரம் மாணவர்களின ஆதரவு இவருக்கு உண்டு. இவரின் ஆறு புத்தகங்கள் ஆங்கிலத்தில் மொழிபெயர்க்கப்பட்டுள்ளன.

11 .சுசிலோ பம்பங் யாதூயோனோ

நாடு : இந்தோனேசியா
துறை : அரசியல், அபிவிருத்த
பிறப்பு : 1949 செப்டம்பர் 09 (70வயது)
சிந்தனைப்பிரிவு : சுன்னி

உலகில் கூடுதான முஸ்லிம்கள் வசிக்கும் இந்தோனேசிய மக்களின் ஜனாதிபதி. சராசரி மக்கள் தொகை235.5 மில்லியன். பயங்கரவாதத்திற்கு எதிரான நடவடிக்கை மற்றும் ஊழலுக்கு எதிரான நடவடிக்கைகளுக்காக இவர் சர்வதேச மட்டத்தில் பாரட்டுக்களை பெற்றுவருகிறார்.

12. கலாநிதி செய்க் அலி ஜும்ஆ முஹம்மத்

நாடு : எகிப்து
துறை : கல்வி, அரசியல்,
பிறப்பு : 1953 மார்ச் 03 (58வயது)
சிந்தனைப்பிரிவு : சுன்னி

80 மில்லியன் எகிப்திய மக்களின் தலைமை முப்தியாக விளங்குகிறார். அனைத்து கொள்கைகளைப் பின்பற்றுவர்களாலும் கௌரவமாக மதிக்கப்படுகிறார். 2003ம் ஆண்டு முதல் தலைமை முப்தியாக பணியாற்றுகிறார். கலாநிதி ஜூம்ஆவின் பிரத்தியேக நூல்நிலையம் 30ஆயிரம் புத்தகங்களைக் கொண்டதாகும். சமகால பிரச்சினைகளுக்கு பத்வா வழங்கும் தார் அல் இப்தா அல் மஸ்ரியாவின் தலைவராகவும் இவர் பணியாற்றுகிறார். தாருல் இப்தா வாராந்தம் 5ஆயிரம் பத்வாக்களைவழங்குவதோடு, 2010ம் ஆண்டில் தார் அல் இப்தா அல் மஸ்ரியா 4லட்சத்து அறுபத்து ஐயாயிரம் பத்வாக்களை வெளியிட்டமை சிறப்பம்சமாகும்.

13. கலாநிதி செய்க் யூசுப் அல் கர்ளாவி

நாடு : கட்டார்.
துறை : கல்வி
பிறப்பு : 1926 செப்டம்பா 09 (85வயது)
சிந்தனைப்பிரிவு : முஸ்லிம் ககோதரத்துவம் - ஸலபி

உலகளாவிய முஸ்லிம் சகோதரத்துவ இயக்கத்தின் தலைமை அறிஞர். அல் ஜஸீரா தொலைக்காட்சியில் ஒளிபரப்பாகும் இஸ்லாமிய சட்டமும் வாழ்வும் என்ற இவரது நிகழச்சியை 40மில்லியன்பேர்பார்வ்வையிடுகிறார்கள்.கர்ளாவி அவர்கள் பஹ்ரைனைத்தவிரந்த அரபுநாடுகளின் புரட்சிக்கு ஆதரவு வழங்கினார்.இவர் லிபியாவின் முன்னாள் தலைவர் கேணல் முஅம்மர் கடாபியை சுட்டுக்கொல்லுமாறு லிபிய இராணுவத்துக்கு அழைப்புவிடுத்து பத்வா வழங்கினார் என்பதும் குறிப்பிடத்தக்கது.

14. செய்க் அப்துல் அஸீஸ் ஆல் அல் செய்க்

நாடு : . சவூதிஅரேபியா
துறை : கல்வி,நிர்வாகம்
பிறப்பு : 1941 (70வயது)
சிந்தனைப்பிரிவு: ஸலபி

26.2மில்லியன் சவூதிமக்களின் தலைமை முப்தியாக விளங்குகிறார். சர்வதேச ஸலபி வலையமைப்பின் தலைவராவர்.தனது 20ஆவது வயதில் கண்பார்வையை இழந்தவராவார்.

அரபுப்புரட்சிக்கு அமைவாக சவூதிஅரேபியாவில் இடம்பெற்ற ஆர்ப்பாட்டங்களுக்கு இவர் கடுமையான முறையில் எதிர்ப்பை வெளியிட்டார்சவூதி அரேபியா அரசுக்கு எதிராக ஆர்ப்பாட்டம் நடத்துவது தடுக்கப்பட்டது என பத்வா வழங்கினார்.

15. ஹோட்ஜா எபின்தி பத்ஹூல்லாஹ் குலான்

நாடு : துருக்கி
துறை : கல்வி
பிறப்பு : 1941 ஏப்ரல 27 (70வயது)
சிந்தனைப்பிரிவு: சுன்னி

உலகின் முன்ணணி இஸ்லாமிய பிரசாகரர்.துருக்கி மற்றும் உலகலாவியரீதியில் சமூகதலைமைத்துவத்தை வழங்கிவருகிறார்.ஏழு இலட்சம்பேர் வாசிக்கும் ஸிஸின்தி என்ற மாதந்த சஞ்சிகையின் தலைமை ஆசரியர்.இவர் 82க்கும் அதிகமான புத்தகஙகளை எழுதியுள்ளார்.

16.அமீர் ஹாஜி முஹம்மத் அப்துல் வஹ்ஹாப்.

நாடு: பாகிஸ்தான்
துறை : கல்வி,சர்வதேச இஸ்லாமிய வலையமைப்பு,
நிர்வாகம்

பிறப்பு : 1923 (88வயது)
சிந்தனைப்பிரிவு : சுன்னி- தேவ்பந்தி

120நாடுகளில் இயங்கும் தப்லீக் ஜமாத் அமைப்பின் தலைவராவார் பங்களாதேஷில் இடம்பெறும் தப்லீக் ஜமாத்தின் வருடாந்த மகாநாட்டில் 30இலட்சம் பேர் பங்கேற்கிறார்கள்.

17. கலாநிதி ஸைத் ஆகில் ஸிராஜி

நாடு : இந்தோனேசியா
துறை : கல்வி,அரசியல் ,நிர்வாகம்
பிறப்பு : 1953 ஜூலை 3(58வயது)
சிந்தனைப்பிரிவு : சுன்னி

கலாநிதி ஸைத் ஆகில் இந்தோனேசியாவின் சுயாதீன முஸ்லிம் அமைப்பாக விளங்கும் உலகப்புகழ்பெற்ற நத்ஹதுல் உலாமாவின் தலைவராவார்.5வருட தலைமைத்துவத்துக்காக 2010ஆம் ஆண்டில் தெரிவுசெய்யப்பட்டார். இலட்சக்கணக்கானவர்கள் இவ் அமைப்பினால் நன்மை பெற்று வருகிறார்கள்.இந்தோனேசியாவில் 6,830 பாடசாலைகளும் 44 பல்கலைக்கழகங்களும் நத்ஹதுல் உலமாவின் கீழ் இயங்குகின்றன.

18. முஹம்மத் பின் ஸைத் அல் நஹ்யான்

நாடு : ஐக்கிய அரபு ராச்சியம்
துறை : அரசியல்,நிர்வாகம்,அபிவிருத்தி,இராணுவம்
பிறப்பு : 1961 ஒக்டோபர் 3 (50வயது)
சிந்தனைப்பிரிவு : சுன்னி

அபூதாபியின் முடிக்குரிய இளவரசர். ஐக்கிய அரபு இராச்சிய இராணுவத்தின் உயர்நிலைப் பிரதி கட்டளைத் தளபதி. ஐக்கிய அரபு இராச்சியத்தின் அடுத்த ஜனாதிபதியாக பதிவியேற்கவுள்ளார்.

19. கலாநிதி செய்க் ஸல்மான் அல் அவ்தா

நாடு : சவூதிஅரேபிய
துறை : கல்வி,ஊடகம்
பிறப்பு : 1955 (56வயது)
சிந்தனைப்பிரிவு : ஸலபி

இவர் 53புத்தகங்களை எழுதியுள்ளளர். Islamtoday.net இணையதளத்தின் ஸ்தாபகர் . பேஸபுக் இணையதளத்திவ் ஆரம்பிக்கப்பட்டுள்ள ஸல்மான் அவ்தாவின் Facebook பக்கத்தை 559,708 பேர் பின் தொடர்கின்றனர். 53 புத்தகங்களை எழுதியுள்ளார்.

20. பேராசிரியர்,கலாநிதி செய்க் ஸஈத் ரமழான் அல் பூத்தி

நாடு : சிரியா
துறை : கல்வி
பிறப்பு : 1929 (82வயது)
சிந்தனைப்பிரிவு: சுன்னி

முஸ்லிம் உலகில் கௌரவத்திற்குப் பாத்திரமான அறிஞர். டமஸ்கஸ் பல்கலைக்கழக இஸ்லாமிய சட்டக்கல்லூரியின் ஓய்வுநிலை பீடாதிபதியாவார். தற்போது டமஸ்கஸ் பல்கலைக்கழகத்தில் பேராசிரியராகப் பணியாற்றுகிறார். கலாநிதி பூத்தி 60 புத்தகங்களை எழுதியுள்ளதுடன்,இவரது கயஉநடிழழம பக்கத்தை 29 ஆயிரத்திற்கும் அதிகமானோர் தொடர்கின்றனர்.

21. கலாநிதி அம்ர் காலித்

நாடு : எகிப்து
துறை: ஊடகம்
பிறப்பு : 1967 செப்டம்பர் 5( 44வயது)
சிந்தனைப்பிரிவு : சுன்னி

இஸ்லாமிய உலகில் கூடுதல் செல்வாக்குள்ள அறிஞராவார். அரபு உலகில்,இளைஞர்,யுவதிகளால் கூடுதலாக விரும்பப்படும் பேச்சாளர். உலகின் கூடுதல் செல்வாக்குள்ள தொலைக்காட்சி பிரசாhரகர்களில் ஒருவர் என நியூ யோர்க் டைம்ஸ் சஞ்சிகையால் தெரிவு செய்ததோடு TIMEசஞ்சிகை 2007ம் ஆண்டில் இவரை உலகின் கூடுதல் செல்வாக்குள்ள நபர்களில் ஒருவராகவும் தேர்ந்தெடுத்தது. அம்ர் காலித் Facebook பக்கத்தை 3.5 மில்லியன் பேர் பின் தொடர்கின்றனர். தஹ்ரீர் சதுக்கத்தில் இவர் ஆர்ப்பாட்டக்காரர்களுடன் இணைந்துகொண்டார்.

22 . சாஹ் கீரீம் அல் ஹூசைனி

நாடு : பிரான்ஸ்
துறை: நிர்வாகம்
பிறப்பு : 1937 டிசம்பர் 13( 75வயது)
சிந்தனைப்பிரிவு : ஷீஆ - இஸ்மாயிலி

50 லடசம் நிஸாரி இஸ்மாயிலி பிரிவவின் தலைவராவார்.
இவருக்குச் சொந்தமான Aga Khan அபிவிருத்தி வலையமைப்பில் ஏழுலட்சம் பேர் தொழில்புரிகின்றனர்.

23 . செய்யத் ஹஸன் நஸ்ரல்லாஹ்.

நாடு : லெபனான்
துறை: நிர்வாகம்,அபிவிருத்தி
பிறப்பு: 1960 ஆகஸ்ட் 31(51வயது)
சிந்தனைப்பிரிவு : ஷீஆ - இஸ்னா அஷரி

ஹிஸ்புல்லாஹ் அமைப்பின் செயலாளர் நாயகமாவார். ஹஸன் நஸ்ரல்லாஹ் மத்திய கிழக்கில் வலுவான நபராகக் காணப்படுகிறார். அரபுப்புரட்சிக்கு பகிரங்கமாக ஆதரவு வழங்கிவருகிறார். எனினும் அவர் சிரியாவில் பஷர் அல் அஸாத்தின் அரசாங்கத்துக்கு தொடர்ந்தும் ஆதரவு வழங்கிவருகிறார்.

24 . செய்க்கா முனீரா குபைஸி

நாடு: சிரியா
துறை : கல்வி
பிறப்பு : 1939 31(51வயது)
சிந்தனைப்பிரிவு : சுன்னி

செய்க்கா முனீரா குபைஸி முஸ்லிம் உலகில் செல்வாக்கு மிக்க பெண் அறிஞராவார். குபைஸி அமைப்பின் தலைவராகவும் விளங்குகிறார். குபைஸி அமைப்பு மகளிருக்காக மாத்திரம் அமைக்கப்பட்டதாகும். டமஸ்கஸ் நகரில் குபைஸிக்கு சொந்தமான 80 பாடசாலைகள் உள்ளதோடு, 75 ஆயிரத்துக்கும் அதிகமான மாணவர்கள் கல்வி கற்கின்றனர்

25 . அமீருல் முஃமினீன் செய்க் அல்சுல்தான் முஹம்மது சஅது அபூபக்கர்III

நாடு: நைஜீரியா
துறை : நிர்வாகம்
பிறப்பு : 1956 ஆகஸ்ட் 24 (55வயது)
சிந்தனைப்பிரிவு : சுன்னி – மாலிகி மத்ஹப் – காதிரிய்யா தரீக்கா

ஆபிரிக்க நாடான நைஜீரியாவின் செகோடோ பகுதியின் 20வது சுல்தான் ஆவார்.75.7 மில்லியன் நைஜீரிய முஸ்லிம்களின் ஆன்மீக தலைவராவார். நைஜரீயாவின் சனத்தொகையில் அரைவாசிப்பேர் முஸ்லிம்ங்களாவர். முஸ்லிம்களுக்கும் - கிறிஸ்தவர்களுக்குமிடையில் சமாதானத்தை ஏற்படுத்த இவர் பாரியளவிலான முயற்சிகளை மேற்கொண்டு வருகிறார்.

26 . செய்க் அஹமத் திஜானி அலி ஸிஸ்ஸி

நாடு : செனகல்
துறை : கல்வி
பிறப்பு : 1955 (56வயது)
சிந்தனைப்பிரிவு : சுன்னி – திஜானிய்யா தரீக்கா

திஜானிய்யாத் தரீக்காவின் ஆன்மீகத் தலைவராவார். மேற்கு ஆபிரிக்காவின் மிகப்பெரிய சூபி தரீக்கா அமைப்பாகும். திஜானிய்யா தரீக்காவைப் பின்பற்றும் 100மில்லியன் மக்களை செய்க் திஜானி வழிநடத்துகிறார்.

27 . அப்துல்லாஹ் குல்

நாடு : துருக்கி
துறை : அரசியல்
பிறப்பு: 1950 ஒக்டோபர் 29 (61வயது)
சிந்தனைப்பிரிவு : சுன்னி – நக்ஷபந்தி தரீக்கா

அப்துல்லாஹ் குல் துருக்கிக் குடியரசின் 11வது ஜனாதிபதியாவார். 75.7 மில்லியன் துருக்கி மக்களின் ஜனாதிபதி. ஆர்மேனியாவுக்கு விஜயம் செய்த துருக்கியின் முதலாவது அரசதலைவர்.

28 . முப்தி முஹம்மத் அக்தர் ராஸா கான் காதிரி

நாடு : இந்தியா
துறை : கல்வி,நிர்வாகம்
பிறப்பு : 1943 நவம்பர் 23 (68வயது)
சிந்தனைப்பிரிவு: சுன்னி- ஹனபி மத்ஹப் - சூபி

முப்தி முஹம்மத் அக்தர் கான் இந்திய பரேலவி அமைப்பின் தலைவராவார்.2 மில்லியன் மக்களின் ஆன்மீகத்தலைவர். 2006ம் ஆண்டில் இவர் இந்தியாவின்பிரதம முஸ்லிம் நீதியரசராக நியமிக்கப்பட்டார்.

29 . ஹாஜி ஹசன் அல் பல்கிய்யா

நாடு: புருணை தாருஸ்ஸலாம்
துறை : அரசியல்,நிதி
பிறப்பு : 1946 ஜுலை 15 (65வயது)
சிந்தனைப்பிரிவு: சுன்னி- ஷாபிஈ மத்ஹப்

உலகின் கோடிஸ்வரர்களுள் ஒருவர். 4லட்சம் புருணை மக்களின் தலைவராவார். புருணையின் 5வது சுல்தான் ஆவார்.

30 . முஹம்த் பின் முஹம்மத் அல் மன்ஸூர்

நாடு : யெமன்
துறை : கல்வி
பிறப்பு : 1917 (94வயது)
சிந்தனைப்பிரிவு : ஷீஆ- ஸைதி

யெமன் நாட்டின் பத்து மில்லியன் ஸைதி மக்களின் ஆன்மீகத்தவைராவார். சவுதி அரேபியாவின் சனத்தொகையில் 3 சதவீதமானோர்.ஸைதிகளாவர்.

31 . பேராசிரியர்,கலாநிதி அப்துல்லாஹ் பின் பைய்யாஹ்

நாடு : முர்தானியா
துறை : கல்வி
பிறப்பு : 1935 (76வயது)
சிந்தனைப்பிரிவு : சுன்னி – மாலிக்கி மத்ஹப்

21ம்நூற்றாண்டின் தலைசிறந்த நீதிதிதுறை அறிஞராவார். முர்தானியாவின் உப ஜனாதிபதியாகவும்,பிரதமநீதியரசராகவும் பணியாற்றினார். சர்வதேச முஸ்லிம் அறிஞர்கள் ஒன்றியத்தின் உப-தலைவராகப் பதவி வகிக்கிறார்.மேற்குநாடுகளில் வாசிக்கும் முஸ்லிம்கள் தொடர்பான விடயங்களிலும் தொடர்ந்து கவனம் செலுத்திவருவதோடு, மன்னர் அப்துல் அஸீஸ் பல்கலைக்கழகத்தில் பேராசிரியராக் கடமையாற்றுகிறார்.

32 . நீதியரசர் செய்க் தக்கி உஸ்மானி

நாடு : பாகிஸ்தான்
துறை : கல்வி
பிறப்பு: 1943 (68வயது)
சிந்தனைப்பிரிவு : தேவ்பந்தி

பாகிஸ்தானை சோந்த தகி உஸ்மானி பிரபலமான நீதித்துறை அறிஞராவார். இதேவேளை இவர் இஸ்லாமிய நிதித்துறை நிபுணராவார். 2010ம் ஆண்டில் இடம் பெற்ற சர்வதேச இஸ்லாமிய பொருளாதார மன்றத்தின் வருடாந்த மாநாட்டில் பங்குபற்றினார்.

33. கலாநிதி ஆஇத் அல் கர்னி

நாடு : சவுதி அரேபியா
துறை : கல்வி
பிறப்பு : 1960 (51வயது)
சிந்தனைப்பிரிவு : ஸலபி

கலாநிதி ஆஇத் அல் கர்னி சவுதி அரேபியவின் பிரபலமான அறிஞராவார்.அத்துடன் பிரசாரகராகவும், எழுத்தாளராகவும் விளங்குகிறார். கலாநதி கர்னி எழுதிய கவலைப்பட வேண்டாம் என்ற புத்தகம் புகழ்பெற்றதாகும். 2மில்லியன் புத்தகப் பிரதிகள் விற்பனை செய்யப்பட்டுள்ளன.

34 .ராணிய்யா அல் அப்துல்லாஹ்

நாடு : ஜோர்தான்
துறை : அரசியல்,கல்வி,ஊடகம்,பெண்கள் பிரச்சினை
பிறப்பு: 1970 ஆகஸ்ட் 31 (41வயது)
சிந்தனைப்பிரிவு: சுன்னி

ஜோர்தானிய ஹாசிமிய்யாக்குடியரசின் ராணி. மன்னர் அப்துல்லாஹ்வின் மனைவி. ஜோர்தானில் புரட்சிகரமான கல்வி சீர்திருத்த நடவடிக்கைகளில் ஈடுபட்டுவருகிறார்.

35 . செய்க் முஹம்மத் அலி அல் சபூனி

நாடு : சிரியா
துறை : கல்வி
பிறப்பு : 1930 ஜனவரி 01 (81வயது)
சிந்தனைப்பிரிவு : சுன்னி- ஹனபி மத்ஹப்

தப்ஸீர் துறை அறிஞர். சிரியப் புரட்சியின் போது இவர் இராணுவத்திற்கு வழங்கிய பத்வா பின்வருமாறு “ இராணுவத்தினர் தமது உடன்பிறந்தோருடன் போராடுவது தடைசெய்யப்பட்டுள்ளது”

36.மஹ்மூத் அப்பாஸ்

நாடு: பலஸ்தீன்
துறை : அரசியல்
பிறப்பு : 1935 மார்ச் 26 (76வயது)
சிந்தனைப்பிரிவு : சுன்னி

பலஸ்தீன அதிகார சபையின் ஜனாதிபதி பதாஹ் அமைப்பின் இணை-ஸ்தாபகர். பலஸ்தன விடுதலை அமைப்பின் தலைவர்.ஐக்கிய நாடுகள் சபையில் உறுப்பு நாடகாக பலஸ்தீனை இணைக்க இவர் மேற்கொண்ட பகீரதப்பிரயத்தனம் தோல்வியடைந்தாலும், யுனெஸ்கோ அமைப்பில் பலஸ்தீனை இணைத்துக் கொள்வதற்கான இவரது முயற்சி வெற்றியளித்தது.

37. ஹபீப் உமர் பின் ஹபீஸ்

நாடு : யெமன்
துறை : கல்வி
பிறப்பு : 1962 (49வயது)
சிந்தனைப்பிரிவு : சுன்னி- ஷாபிஈ மத்ஹப் - பாஅலவி தரீக்கா

சமகால உலகில் வாழும் தலைசிறந்த அறிஞராவார். பேராசிரியர் அலவி அல் மாலிகி அவர்களுக்கு வாழும் தலைசிறந்த அறிஞராக இவரைக்கருத முடியும். ஹழரமவுத் தார் அல் முஸ்பா கற்கை நிறுவகத்தின் ஸ்தாபகர். மேற்குநாடுகளின் பல்கலைக்கழகங்களிலும் இவர் விரிவுரைகளை நிகழ்தியுள்ளார். யெமன் புரட்சியின் போது அவரது கருத்து பின்வருமாறு அமைந்திருந்தது.

“ இறைவனின் தூதரின் வழியில் அனைவரையும் அறிஞர்கள் வழிநடத்த வேண்டும். முஸ்லிம்கள் இரத்தம் சிந்த அனுமதிக்கக்கூடாது. நீ ஓரு ஆட்சியாளனாகவோ குடிமகனாகவோ இருக்கலாம். ஆனால் முஸ்லிம்களை காயப்படுத்தவற்கு,கொலைசெய்வதற்கு அனுமதியளிப்பது தடை
செய்யப்பட்டதாகும்” -ஹபீப் உமர்

38 . செய்க்கா மூஸா பிந்த் நாஸர் அல் மிஸ்னத்

நாடு: கட்டார்.
துறை : ஊடகம், அரசியல்,பெண்கள்பிரச்சினை
பிறப்பு: 1959 ஆகஸ்ட் 08 (52வயது)
சிந்தனைப்பிரிவு: ஸலபி

கட்டார் அமீரின் மனைவி.பெண்கள் முகங்கொடுக்கும் நெருக்கடிகள் தொடர்பாக தேசிய மற்றும் சர்வதேச மட்டத்தில் விரிவாக கவனம் செலுத்திவருகிறார்.2003ம் ஆண்டில் கல்விக்கான தூதுவராக யுனெஸ்கோ அமைப்பினால் நியமிக்கப்பட்டார். அமெரிக்காவின் முன்ணணி பல்கலைக்கழகங்களின் பாடநெறிகள் மற்றும் நிகழ்சிகளை கட்டார் பல்கலைக்கழகங்களில் ஆரம்பித்தார்.

39 . காலித் மஷ்அல்

நாடு : பலஸ்தீன்
துறை : அரசியல்
பிறப்பு : 1956 (55வயது)
சிந்தனைப்பிரிவு : சுன்னி- முஸ்லிம் சகோதரத்துவம்.

ஹமாஸ் அமைப்பின் ஸ்தாபகர் செய்க் அஹமத் யாஸீன் கொலைசெய்யப்பட்டதன் பின்னர் அவரது இடத்திற்கு மஷ்அல் நியமிக்கப்பட்டார். ஹமாஸ் அமைப்பின் சிரிய பணியத்தின் தலைவராகவும் பணியாற்றுகிறார்.

40 .பேராசிரியர் கலாநிதி தீன் முஹம்மத் சம்ஸூத்தீன்

நாடு : இந்தோனேசியா
துறை : கல்வி,நிர்வாகம்,அபிவிருத்தி
பிறப்பு : 1958 ஆகஸ்ட் 31 (53வயது)
சிந்தனைப்பிரிவு : சுன்னி

இந்தோனேசியாவின் மிகப்பெரிய அமைப்பான முஹம்மதிய்யாவின் தலைவராவார். இந்தோனேசிய உலமா பேரவையின் தலைவராகவும் பணியாற்றுகிறார்.

41 .மௌலானா மஹ்மூத் மதனி

நாடு : இந்தியா
துறை : கல்வி,அரசியல்,நிர்வாகம்
பிறப்பு : 1956 மார்ச் 3 (47வயது)
சிந்தனைப்பிரிவு: தேவ்பந்தி

மௌலானா மஹ்மூத் மதனி இந்தியாவின் முன்ணணி அரசியல்வாதியாவார். ஜம்இயத் உலமா ஏ ஹிந்த் அமைப்பின் தலைவர். 10 மில்லியன் இந்திய முஸ்லிம்கள் ஜம்இயத் உலமா ஏ ஹிந்த் அமைப்பில் அங்கம் வகிக்கின்றனர்.

42 .ஹபீப் அலி ஸைன் அல் ஆப்தீன் அல் ஜிப்ரி

நாடு : ஐக்கிய அரபு ராச்சியம
துறை : கல்வி
பிறப்பு : 1971 ஏப்ரல் 16 (40வயது)
சிந்தனைப்பிரிவு: சுன்னி அஷ்அரி -ஷாபிஈ மத்ஹப்- பாஅலவி தரீக்கா

ரஸூலுல்லாஹி ஸல்லல்லாஹூ அலைஹி வஸல்லம் அவாகளின் தலைமுறையைச்சோந்ந்த அஹ்லுல் பைத் குடும்பத்தில் பிறந்ததவர் . முஸ்லிம் உலகில் புகழ்பெற்ற பேச்சாளராகவும்,மதப்பிரசாரகராகவும் விளங்குகிறார். கற்கைக்கும் ஆய்வுக்குமான தாபா மன்றத்தின் செயலாளர் நாயகமாக பதவிவகிக்ப்பதோடு, இஸ்லாமிய கற்கைகளுக்கான ஜோர்தானிய அரச அஹ்ல் அல்பைத் நிறுவகத்தின் சபை உறுப்பினராக பணியாற்றுகிறார்.

43. செய்க் ஹம்ஸா யூசுப்

நாடு: ஐக்கியஅமெரிக்க குடியரசு
துறை : கல்வி
பிறப்பு : 1960 (51வயது)
சிந்தனைப்பிரிவு : சுன்னி அஷ்அரி -மாலிகி மத்ஹப்

மேற்கு உலக முஸ்லிம் அறிஞர்களுக்கு மத்தியில் செய்க் ஹம்ஸா யூசுப் அவர்களின் செல்வாக்கு அதிகரித்து வருகிறது.அமெரிக்காவின் முதலாவது இஸ்லாமிய உயர்கல்வி நிறுவனமான ஸைதுனா கல்லூரியை ஆரம்பித் பெருமை செய்க் ஹம்ஸ்வை சாரும். 1977ம் ஆண்டு தனது 17 வயதில் இஸ்லாத்தை ஏற்றுக் கொண்டார். பேராசிரியர் அப்துல்லாஹ் பின் பையா உட்பட முன்ணணி அறிஞர்களிடம் கல்வி கற்றார்.சர்வதேச மாநாடுகளில் விஷேட பேச்சாளராவும் கலந்துகொண்டார்.

“புரட்சிகளும் ஆட்சி மாற்றங்களும் பிரச்சினைகளுக்கு இறுதிதத்தீர்வாக அமையாது. வீடுகளில் இருந்தே மாற்றங்கள் உருவாக வேண்டும். அரசியல் அமைப்புக்கு உட்பட் முடியாட்சியை வரவேற்கும் செய்க் ஹம்ஸா இதற்கு உதாரணமாக மெரோக்கோவை சுட்டிக்காட்டுகிறார்." -
ஹம்ஸா யூசுப்

44. செய்க் பேராசிரியர் கலாநிதி முஸ்தபா செரிச்

நாடு : பொஸ்னியா
துறை: கல்வி,அரசியல்
பிறப்பு: 1952 (59வயது)
சிந்தனைப்பிரிவு: சுன்னி

ஐரோப்பிய முஸ்லிம்களின ஒளிவிளக்காக செயற்பட்டுவரும் கலாநிதி முஸ்தபா பொஸ்னியாவின் தலைமை முப்தியாவார். ஐரோப்பிய முஸ்லிம்களின் அரசியல் விவகாரங்களில் கூடுதலாக கவனம் செலுத்துவதோடு கலாசரங்களுக்கிடையிலான உறவுகளிலும் கவனம் செலுத்திவருகிறார்

“ஒவ்வொரு முஸ்லிம் அறிஞரும் அரசியல்வாதியாக மாறவேண்டும் ஏனெனில் அரசியல் ரீதியாக முஸ்லிம் முஸ்லிம்கள் எதிர்நோக்கும் பிரச்சினைகளுக்கு தீர்வுகான இது வழிவகுக்கும் ." - கலாநிதி முஸ்பா செரிச் - Riz Khan - Al Jazeera English

45.பேராசிரியர் கலாநிதி எக்மலித்தீன் இஹ்ஸான்ஒக்லு

நாடு: துருக்கி
துறை: நிர்வாகம்,அரசியல்
பிறப்பு : 1943 டிசம்பர் 26 (68வயது)
சிந்தனைப்பிரிவு : சுன்னி

இஸ்லாமிய மகாநாட்டு அமையத்தின் (OIC) பொதுச்செயலாளராக இஹ்ஸான்ஒக்லு பதவி வகிக்கின்றார். உலகின் மிகப்பெரிய முஸ்லிம் அமைப்பாகவும்,ஐக்கியநாடுகள் சபைக்கு அடுத்ததாக உலகின் இரண்டாவது பொதுஅமைப்பபாகவும் இஸ்லாமிய மகாநாட்டு அமையம் (OIC) காணப்படுகின்றது.

46. கலாநிதி சைய்யிதினா முஹம்மத் புர்ஹானுத்தீன் ஸாஹிப்

நாடு : இந்தியா
துறை : நிர்வாகம்
பிறப்பு: 1915மார்ச் (96வயது)
சிந்தனைப்பிரிவு: ஷீஆஇஸ்மாயீல், தாவூதி போரா( Bhora)

உலகில் வாழும் பத்து இலட்சம் தாவூதி போராக்களின் (Bhora) தலைவர்.

47.பேராசிரியர் கலாநிதி சைய்யித் ஹூஸைன் நாஸர்

நாடு : அமெரிக்கா
துறை: கல்வி
பிறப்பு : 1933 ஏப்ரல் 13 (78வயது)
சிந்தனைப்பிரிவு : ஷிஆ

அமெரிக்காவின் ஜோர்ஜ் வொஷிங்டன் பல்கலைக்கழகத்தின் இஸ்லாமியத்துறை பேராசிரியராக கலாநிதி நாஸர் கடமையாற்றுகின்றார்.வாழும் மெய்யியலாளர்களுக்கு மத்தியில் ஒரே முஸ்லிம் மெய்யியலாளர் என்ற பெருமை கலாநிதி நாஸரைச் சாரும். 50க்கும அதிகமான புத்தகங்களை இவர் எழுதியுள்ளார்.

48. செய்க் நாஸிம் ஆதில் அல்ஹக்கானி அல் கிப்ரீசி

நாடு: சைப்ரஸ்
துறை : கல்வி
பிறப்பு : 1922 ஏப்ரல் 25 (89வயது)
சிந்தனைப்பிரிவு சுன்னி: நக்ஷபந்தி தரீக்கா

நக்ஷபந்தி தரீக்காவின் ஆன்மீகத்தலைவராவர். நக்ஷபந்தி தரீக்கா உலகின் பல பாகங்களிலும் பின்பற்றப்படுகிறது.

49 .கலாநிதி அப்துல் அஸீஸ் பின் உத்மான் அத்தவ்ரிஜி

நாடு : சவுதி அரேபியா
துறை : நிர்வாகம் ,அபிவிருத்தி
பிறப்பு : 1950 ஏப்ரல் 03 (61வயது)
சிந்தனைப்பிரிவு : சுன்னி

இஸ்லாமிய கல்வி, விஞ்ஞான மற்றும் கலாசார அமைப்பின் (ISESCO) செயலாளர் நாயகமாவார். உறுப்பு நாடுகளில் கல்வி அபிவிருத்தியை மேற்கொள்ளும் பணிகளில் ஈடுபட்டுள்ளார். முஸ்லிம் நாடுகளுக்கும் அமெரிக்காவுக்கும் இடையிலான உறவை மேம்படுத்த எதிர்பார்பதாக கூறும் கலாநிதி அஸீல் பயங்கரவாத நடடிவடிக்கைகளை வன்மையாக கண்டித்துவருகிறார்.

50. கலாநிதி அலி நயித்

நாடு : லிபியா
துறை : கல்வி,அரசியல் ,இராஜதந்திரம்
பிறப்பு : 1962 (49வயது)
சிந்தனைப்பிரிவு: சுன்னி

கலாநிதி நயித் லிபியாவின் அரசியல்செயற்பாட்டாளராகவும், கல்விமானாகவும் விளங்குகிறார். தேசிய நிலைமாற்றுப் பேரவை அரசாங்கத்தின் ஐக்கிய அரபு ராச்சியத்திற்கான தூதுவராக நியமிக்கப்பட்டுள்ளார். இஸ்லாமிய- கிறிஸ்தவ உறவு தொடர்பில் ஆரோக்கியமான நடவடிக்கைகளை எடுத்துஎடுத்துவருவதோடு கலம் ஆய்வு மற்றும் ஊடக நிறுவகத்தின் ஸ்தாபக பணிப்பாளராகவும் பதவி வகிக்கிறார்.

“கடாபியின் ஆட்சிக்கு எதிராக குரல் கொடுத்ததோடு, சுயாதீன உலமாக்களின் வலைமைப்பு என்ற அமைப்பையும் ஏற்படுத்தினார். கலாநிதி நயித் தேசிய நிலைமாற்றுப் பேரவை அரசாங்கத்தினால் நியமிக்கப்பட்ட முதலாவது தூதுவராவார்”.

குஜராத்:மனித உரிமை கமிஷனின் அறிக்கையை சட்டசபையில் ஏன் தாக்கல் செய்யவில்லை? – உயர்நீதிமன்றம் கேள்வி

2012-02-10T14:01:00.002+05:30

அஹ்மதாபாத்:குஜராத் இனப்படுகொலை தொடர்பான தேசிய மனித உரிமை கமிஷனின் அறிக்கையை ஏன் சட்டசபையில் தாக்கல் செய்யவில்லை? என குஜராத் மாநில உயர்நீதிமன்றம் மோடி அரசுக்கு கேள்வி விடுத்துள்ளது.

மனித உரிமை கமிஷனின் அறிக்கையை சட்டப்பேரவையில் தாக்கல் செய்யாதது மனித உரிமை மீறல் என நீதிமன்றம் கருத்து தெரிவித்தது. அறிக்கையை பேரவையில் தாக்கல் செய்யாதது குறித்து மாநில அரசு எவ்வித விளக்கமும் அளிக்கவில்லை என ஆக்டிங் தலைமை நீதிபதி பாஸ்கர் பட்டாச்சார்யா, நீதிபதி ஜெ.பி.பர்திவாலா ஆகியோர் அடங்கிய டிவிசன் பெஞ்ச் கூறியது.

2005-ஆம் ஆண்டு என்.சி.ஹெ.ச்.ஆர்.ஒ(தேசிய மனித உரிமை கமிஷன்) அறிக்கை தாக்கல் செய்யப்பட்டது. அறிக்கை கிடைத்து இவ்வளவு காலம் கழிந்த பிறகும் சட்டசபையில் அதனை தாக்கல் செய்யாதது 1993-ஆம் ஆண்டு மனித உரிமை பாதுகாப்பு சட்டத்தை மீறிய செயலாகும் என பெஞ்ச் சுட்டிக்காட்டியது. கலவரத்தில் கொல்லப்பட்ட 500 க்கும் அதிகமான மத நிறுவனங்களுக்கு இழப்பீடு வழங்கவேண்டும் என கடந்த புதன்கிழமை உயர்நீதிமன்றம் உத்தரவிட்டது குறிப்பிடத்தக்கது.

மதநிறுவனங்களை மட்டும் புறக்கணித்துவிட்டு வீடுகளுக்கும், வியாபார ஸ்தாபனங்களுக்கு மட்டும் இழப்பீடு வழங்குவதற்கான மோடி அரசின் தீர்மானம் அரசியல் சட்டத்தின் 14,25,26 பிரிவுகள் உறுதி அளிக்கும் அடிப்படை உரிமைகளை மீறிய செயலாகும் என நீதிமன்றம் தெரிவித்திருந்தது

திசை மாறிப் போகும் கல்வி

2012-02-10T12:09:00.002+05:30

‘படிப்பது- அறிவை பெறுவதற்கும், வாழ்க்கை தேவைகளை நிறைவுச்செய்ய ஒரு வேலையை தேடுவதற்கும்’ என்பது கல்விக்கு முன்பு கொடுக்கப்பட்ட வரைவிலக்கணம் ஆகும். ஆனால், இன்று நிலைமை மாறிவிட்டது. பணம் சம்பாதிப்பதே கல்வி கற்பதன் முக்கிய நோக்கமாக ஆகிவிட்டது. இதுதான் இன்றைய மாணவ சமூகத்தின் மூளையில் கட்டாயமாக பதிய வைக்கப்படுகிறது. இதற்கு பெற்றோர் மட்டுமல்ல, மாறி மாறி இந்நாட்டை ஆளும் அரசுகளும் அதற்கு காரணமாகும்.

கல்வி நிலையங்கள் எல்லாம் வர்த்தக மையங்களாகி விட்டன. மாணவர்கள் எல்லாம் அதன் தயாரிப்புகளாக மாறி வருகின்றார்கள். பெருந்தொகையை பலருக்கும் பங்கிட்டுக் கொடுத்து ஃப்ரொபஸனல் கல்லூரிகளுக்கு அனுமதியைப் பெறுவது நாட்டை சீர்திருத்த அல்ல என்பதை பகிரங்கமாகவே கல்வி குத்தகை முதலாளிகள் ஒப்புக்கொள்கின்றனர். இந்த கல்வி வியாபாரத்தில் ஆட்சியாளர்கள் பார்வையாளர்களா? பங்குதாரர்களா? என்பது குறித்து தனியாக ஒரு பட்டிமன்றமே நடத்தலாம்.

முன்பு பணம் படைத்தவர்கள் தங்கள் பிள்ளைகளை உரிய மதிப்பெண்களை பெறாவிட்டாலும் ஃப்ரொபஸனல் கல்லூரிகளில் பணத்தை கொடுத்தாவது சீட்டைப் பெற்றுவிடுவார்கள். ஆனால், இன்று பெரும்பாலான வங்கிகள் வியாபார தந்திரத்துடன் கல்விக் கடன் பெயரால் உதவி அளிக்க முன்வந்ததை தொடர்ந்து காசு கொடுத்து பிள்ளைகளை உயர் கல்விக்கு அனுப்புவோரின் எண்ணிக்கை அதிகரித்து வருகிறது.

பொருளாதார ரீதியாக பிற்பட்ட மாணவர்கள் பலர் உயர் பணிகளை பெற இது உதவுகிறது என்பது நல்லதுதான். ஆனால், பொருளாதார சுமையினால் தற்கொலைகளின் எண்ணிக்கையும் அதிகரிக்கிறது என்பது மற்றொரு உண்மையாகும். கடன் வாங்கியாவது பிள்ளைகளை ஃப்ரொபஸனல் கல்லூரிகளில் சேர்க்கும் பெற்றோர்கள், தங்கள் பிள்ளைகள் உயர் வேலையும், உன்னதமான வசதிகளையும் பெற்று தங்களது பொருளாதார சுமையை நீக்குவார்கள் என்று நம்புவதோ, கனவு காண்பதோ தவறில்லை. ஆனால், பணம் சம்பாதிப்பதற்கான ஒரே மார்க்கம் கல்வி என்ற சிந்தனை அறிந்தோ, அறியாமலோ மாணவர்களிடம் திணிக்கப்படுகிறது என்பதை பெற்றோர்களும் புரிந்துகொள்வதில்லை.

தாராளமயமாக்கல், உலகமயமாக்கல் கொள்கைகள் இந்தியாவில் சாதாரண மக்களின் வாழ்கையையும் தடுமாற வைத்துள்ளது என்பது மிகையான கூற்று அல்ல. கடன் வாங்காமல் சம்பாதித்ததை வைத்து மன நிம்மதியுடன் வாழலாம் என்பது நமது மூதாதையர்களின் பாணியாக இருந்தது. ஆனால், கடன் வாங்கியாவது வாழ்க்கையை அனுபவிக்க வேண்டும் என்பதுதான் இன்றைய சமூகத்தின் சித்தாந்தமாக மாறி உள்ளது.

வங்கியில் கடன் வாங்கி கனவு மாளிகைகளை கட்டுவதும், ஆடம்பர கார்களை வாங்குவதும் பின்னர் பணத்தை திரும்ப அடைக்க இயலாமல் கூட்டாக தற்கொலைச் செய்பவர்களின் மனோநிலையை நம்மால் புரிந்துக்கொள்ள முடியவில்லை.

வாழ்க்கையை அனுபவிக்கும் வேகத்தில் பல பெற்றோர்களுக்கும் தங்களது பிள்ளைகளுக்கு முன்மாதிரியாகவோ, அவர்களை நேரான வழியில் நடத்தவோ இயலவில்லை. வெளிநாட்டில் பணியாற்றும் பலர் தாயகத்தில் கல்வி பயிலும் தங்கள் பிள்ளைகளுக்கு தேவைக்கும் அதிகமான பணத்தை அனுப்பிக் கொடுத்து அன்பை வெளிப்படுத்துகின்றனர். எழுத்தறிவை கற்கும் முன்பே மொபைல் ஃபோனையும், கம்ப்யூட்டரை வாங்கிக் கொடுக்கும் பெற்றோர்கள், அவர்கள் வழி தவறுவதற்கும் காரணமாகின்றார்கள். நவீன மொபைல் ஃபோன்களுக்காகவும், ஆடம்பர பொருட்களுக்காகவும் தவறான வழிகளை பிள்ளைகள் தேர்ந்தெடுக்க துணியும்போது ஏற்படும் அவமானத்தின் கறையை பெற்றோர்கள் எங்கே சென்று கழுவ முடியும்?

மேற்கத்திய கலாச்சாரத்தை கண்மூடித்தனமாக ஆதரித்து, அவர்களால் அனுபவித்து வெறுத்து ஒதுக்கியதை எல்லாம் தங்களது வாழ்க்கைப் பாணியாக மாற்றுபவர்கள் தாம் இந்தியாவின் பெரும்பலான இளைய சமூகத்தினர்.

மதுவும், போதைப் பொருட்களும் ஃபேசனின் அடையாளமாக மாறின. டேட்டிங்கும், லிவிங் டுகெதரும் இன்றைய இந்திய பெற்றோர்களுக்கு புரியாத வார்த்தைகள் அல்ல. பொருளாதார நெருக்கடிக்கு முன்பு அமெரிக்காவும், மேற்கத்திய நாடுகளும் கடைப்பிடித்த வாழ்க்கை முறைகளைத்தாம் இந்திய சமூகம் முன்மாதிரியாக பின்பற்றுகிறது.

இன்றைய தினம், நல்ல குடும்பத்தைச் சேர்ந்த, பல்கலைக்கழகத்தில் பயிலும் பெண்களும், பட்டதாரிகளும் கூட ஆடம்பர வாழ்க்கைக்கு ஆசைப்பட்டு விபச்சார தொழிலில் ஈடுபட்டு வருவதை காண்கிறோம். அவர்கள் தாங்களாக விருப்பப்பட்டு இந்த தொழிலில் ஈடுபடுகிறார்கள் என்றால், அவர்களின் மறுவாழ்வுக்கு மத்திய அரசு சார்பில் என்ன நடவடிக்கை எடுக்கப்பட்டுள்ளது… என ஆதங்கப்படும் உச்சநீதிமன்றம்தான் முன்பு பாலியல் கொடுமையை தடுக்க விபச்சாரத்தை ஏன் சட்டரீதியாக அனுமதிக்க கூடாது என கேள்வி எழுப்பியது. இவ்வாறு நீதிமன்றம் கூட ஒரு தீமையை தடுக்க இன்னொரு தீமையை தீர்வாக முன்வைக்கும் முட்டாள் தனமும் இந்நாட்டில் அரங்கேறுவதை காண்கிறோம்.

பணம் சம்பாதித்தும் வாழ்க்கையை அனுபவிக்க முடியாத பலரும் நம்மில் உள்ளனர். வாழ்க்கை வசதிகள் ஏராளம் இருந்தும் அவர்களால் அவற்றை அனுபவிக்க முடியவில்லை. வாழ்க்கையில் நிம்மதியுமில்லை. மன அழுத்தமும், பதட்டமும் அவர்களை விடாமல் துரத்துகின்றன. இரவை பகலாக மாற்றித்தான் பல ஐ.டி ஃப்ரொபஸனல்களும் பணியாற்றுகின்றார்கள். கட்டுப்பாடுகளும், ஒழுங்கும் இல்லாத வாழ்க்கை முறையினால் இளம் வயதிலேயே பல நோய்களால் பாதிக்கப்பட்டோர் உண்டு.

பணத்திற்காக வாழ்க்கையா? வாழ்க்கைக்காக பணமா? என வாழ்க்கையின் தடமே தடுமாறிப்போய் நிற்கிறது. இதுதான் நமது பெரும்பாலான இளைய சமூகத்தினரின் இன்றைய நிலை!

சொந்த வாழ்க்கையில் சுத்தமில்லாத அரசியல்வாதிகளும், நடிகர்களும்தான் இன்றைய சமூகத்தின் ரோல் மாடல்களாக உள்ளனர். வன்முறையும், ஆபாசமும் இன்றைய திரைப்படங்களின் முக்கிய முதலீடாகும். சமூக விழுமியங்கள் குறித்து எந்த கவலையும் பெரும்பாலோருக்கு இல்லை. எல்லாவற்றையும் அனுபவிக்க வேண்டும் என்ற வெறி மேலோங்கி வருகிறது. ஒரு நாட்டின் முன்னேற்றத்திற்கு பொருளாதாரம் மட்டும் காரணி அல்ல.

நல்லொழுக்கமும், நற்சிந்தனையும் கொண்டதொரு சமூகமே நாகரீகமான ஒரு தேசத்தின் அடித்தளம் மட்டுமல்ல அடையாளமும் கூட அதனை உருவாக்க நமது கல்விமுறையால் இயலாது போனால் அதைவிட துரதிர்ஷ்டம் வேறு உண்டா?

Thanks.

அ.செய்யது அலீ.

இஹ்ஸான் ஜாஃப்ரி கொலை வழக்கு: எஸ்.ஐ.டி அறிக்கையை சமர்ப்பித்தது!!

2012-02-10T12:08:00.001+05:30

புதுடெல்லி:குஜராத் இனப்படுகொலை வேளையில் முன்னாள் காங்.எம்.பி இஹ்ஸான் ஜாஃப்ரி உள்ளிட்டவர்களை கூட்டுப் படுகொலைச் செய்த வழக்கில் விசாரணை நடத்த உச்சநீதிமன்றத்தால் நியமிக்கப்பட்ட சிறப்பு புலனாய்வு குழு தனது அறிக்கையை நீதிமன்றத்தில் சமர்ப்பித்துள்ளது.

உச்சநீதிமன்றத்தின் உத்தரவின் பேரில் அஹ்மதாபாத் மாஜிஸ்ட்ரேட் நீதிமன்றத்தில் எஸ்.ஐ.டியின் அறிக்கை சமர்ப்பிக்கபப்ட்டது. அறிக்கையின் விபரங்கள் வெளியிடவில்லை. ஆனால் மோடிக்கு எதிராக ஆதாரங்கள் இல்லை என அந்த அறிக்கையில் கூறியிருப்பதாக சில அதிகாரப்பூர்வமற்ற தகவல்கள் வெளியாகியுள்ளன.

மோடிக்கு எதிராக ஆதாரங்கள் இல்லை என்ற சிறப்பு புலனாய்வு குழுவின் அறிக்கை மிகவும் அதிர்ச்சியடையச் செய்துள்ளதாக சமூக ஆர்வலர் டீஸ்டா ஸெடல்வாட் கூறியுள்ளார். அறிக்கை வெளியான பிறகு எதனையும் கூறமுடியும் என அவர் கூறினார்.

2002-ஆம் ஆண்டு குஜராத் இனப்படுகொலையை தடுப்பதில் மோடி அரசு தோல்வியை தழுவிவிட்டதாக உயர்நீதிமன்றம் நேற்று தனது விமர்சனத்தை வெளியிட்டது. இந்நிலையில் எஸ்.ஐ.டியின் அறிக்கை தாக்கல் செய்யப்பட்டுள்ளது குறிப்பிடத்தக்கது.

இஹ்ஸான் ஜாஃப்ரியுடன் 60க்கும் அதிகமான நபர்கள் குல்பர்க் சொஸைட்டி கூட்டுப் படுகொலையில் கொடூரமாக கொலைச் செய்யப்பட்டனர். இவ்வழக்கில் மோடியிடம் விசாரணை நடத்தவேண்டும் என ஜாஃப்ரியின் மனைவி ஸாகியா ஜாஃப்ரி உச்சநீதிமன்றத்தில் மனு அளித்தார்.

உ.பி:தேர்தலில் ஹிந்துத்துவா தீவிரவாதிகள் உள்பட 30 கிரிமினல்கள் போட்டி!!!

2012-02-10T12:04:00.001+05:30

புதுடெல்லி:உத்தரபிரதேச சட்டப்பேரவை தேர்தலில் சிறையில் இருந்துக்கொண்டே ஹிந்துத்துவா தீவிரவாதிகள் உள்பட 30 கொடிய கிரிமினல்கள் போட்டியிடுகின்றார்கள்.

மலேகான் குண்டுவெடிப்பு வழக்கில் கைதான ஹிந்துத்துவா பெண் தீவிரவாதி பிரக்யாசிங் தாக்கூர், ஆர்தர் ரோடு சிறையில் அடைக்கப்பட்டுள்ள ஹிந்த்துவா தீவிரவாதி ரமேஷ் உபாத்யாயா ஆகியோர் உ.பி தேர்தலில் போட்டியிடுகின்றனர்.

ஜான்பூரில் பரிய்யா தொகுதியில் ஹிந்துத்துவா தீவிரவாத அமைப்பான ஹிந்து மகாசபா சார்பாக ரமேஷ் உபாத்யாயா போட்டியிடுகிறார். சிறையில் இருந்து கொண்டே போட்டியிடும் கிரிமினல் குற்றம் சாட்டப்பட்டவர்களில் முக்கிய அரசியல் கட்சிகளை சார்ந்தவர்கள் 2 பேர் மட்டுமே. சமாஜ் வாதி கட்சிதான் சிறையில் அடைக்கப்பட்டுள்ள 2 பேரை வேட்பாளர்களாக நிறுத்தியுள்ளது. திகார் சிறையில் அடைக்கப்பட்டுள்ள தாதா ப்ரேம் பிரகாஷ் சிங் ஆகா முனாபஜ்ரங்கி ஜான்பூரில் அப்னா தள் சார்பாக போட்டியிடுகிறார். அஹ்மதாபாத் சிறையில் அடைக்கப்பட்டுள்ள ப்ரிஜேஷ்சிங் சந்தவ்லி ப்ரகதிஷீல் தொகுதியில் போட்டியிடுகிறார். 1994-ஆம் ஆண்டு ஆஸம்கரில் 13 பேரை கொலைச்செய்த வழக்கில் குற்றம் சாட்டப்பட்டவர்தாம் ப்ரிஜேஷ். கொலை, பாலியல் வன்புணர்வு உள்பட 40 க்ரிமினல் குற்றவழக்குகளில் இவர் மீது குற்றம் சுமத்தப்பட்டுள்ளது.

அலகாபாத் மேற்கு தொகுதியில் போட்டியிடும் வேட்பாளர் ஆதிக் அஹ்மத் பஸ்தி சிறையில் உள்ளார். ஜிதேந்திர சிங் பப்லு ஃபைஸாபாத் சிறையில் உள்ளார். இவர் பிகாப்பூர் தொகுதியில் போட்டியிடுகிறார். இரண்டு வருடங்களுக்கு முன்பு உ.பி.காங்.தலைவர் ரீதா பகுகுணா ஜோஷியின் வீட்டை தாக்கிய வழக்கில் குற்றம் சாட்டப்பட்டவர் பப்லு. அன்று பகுஜன் சமாஜ் கட்சி எம்.எல்.ஏவான பப்லு பின்னர் அக்கட்சியை விட்டு விலகி அப்னா தளில் சேர்ந்தார். பாலியல் வன்புணர்வு வழக்கில் சிக்கி பாந்த சிறையில் அடைக்கப்பட்டுள்ள முன்னாள் பகுஜன் சமாஜ் கட்சி எம்.எல்.ஏ புருஷோத்தம் நரேஷ் திரிவேதி நரைனி தொகுதியில் போட்டியிடுகிறார்.

மதுமிதா கொலைவழக்கில் குற்றம் சாட்டப்பட்டுள்ள அமன் மணி திரிபாதி அவரது மாமா ஷியாம் நாராயண் திரிவேதி ஆகியோர் சிறையில் இருந்தே போட்டியிடுபவர்களில் அடங்குவர்.

நேற்று நடந்த முதல் கட்ட சட்டப்பேரவை தேர்தலில் 109 பேர் க்ரிமினல் வழக்குகளில் குற்றம் சாட்டப்பட்டவர்கள். கடந்த சட்டசபை தேர்தலை விட தற்போது 10 சதவீதம் க்ரிமினல் குற்றம் சாட்டப்பட்ட வேட்பாளர்கள் எண்ணிக்கை அதிகரித்துள்ளது.

இஸ்ரேலுடனான உறவை வலுப்படுத்த‌ மொஸாத் உள‌வாளிகளை விடுவித்த இந்தியா!!!

2012-02-09T23:49:00.001+05:30

மங்களூர்: தேசத்தின் பாதுகாப்பு என்ற கொள்கை கோட்பாடையெல்லாம் மூட்டை கட்டி விட்டு இஸ்ரேலுடனான் தன்னுடைய உறவை மேலும் வலுப்படுத்துவதற்காக இந்தியாவிற்கு வந்த மொஸாத் உள‌வாளிகள் மீது எவ்வித நடவடிக்கையையும் எடுக்காமல் திருப்பி அனுப்பியுள்ளது மத்திய அரசு.

கடந்த 2010 ஆம் வருடம் மார்ச் மாதம் 3ஆம் தேதி அன்று இஸ்ரேலின் உளவுப்பிரிவான் மொஸாதைச் சேர்ந்த இருவர்கள் (கணவன் மனைவி) உளவுப்பார்ப்பதற்காக‌ கொச்சியில் (கேரளா) தங்கியிருந்தனர். ஷினோர் ஜல்மன் மற்றும் அவனது மனைவி யஃபா சினோய் ஆகிய இருவரும் மல்டிபில் என்ட்ரி விசா (ஒன்றுக்கும் மேற்பட்ட முறை வரலாம்) மூலம் இந்தியா வந்து கொச்சி துறைமுகம் அருகே உள்ள ரோஸ் தெருவில் அதிக பணம் கொடுத்து வாடகைக்கு வீடு எடுத்து தங்கியிருந்திருக்கின்றனர்.

முக்கிய தகவலின் அடிப்படையில் 26/11 மும்பை தாகுதலுக்கு பிறகு இந்தியாவில் தாக்குதல் நடத்துவதற்காக மொஸாத் அமைப்பினரின் ஊடுருவல் அதிக அளவில் இருப்பதாக இரகசிய செய்தி கிடைத்ததும் மத்திய புலானாய்வு பிரிவு எச்சரிக்கை அடைந்தது. இருந்த போதிலும் இருந்த போதிலும் தெற்கு மும்பையில் நடைபெற்ற தாக்குதலில் யூத மத குரு மற்றும் அவரது கர்ப்பிணி மனைவி என மொத்தம் 6 யூதர்கள் கொல்லப்பட்டனர்.

இது தொடர்பாக எல்லா மாநிலங்களிலும் உஷார் நிலை அறிவிக்கப்பட்டது. இறுதியாக கேரளாவில் நமது புலனாய்வுப்பிரிவினரால் கொச்சி துறைமுகம் அருகே மொஸாத் அமைச்சேர்ந்த கணவன் மனைவி இருவர்கள் கைது செய்யப்பட்டனர் என உளவுத்துறை அதிகாரி ஒருவர் கூறினார்.

இவர்களின் பணம் பரிமாற்றங்களை நமது இந்திய உளவுத்துறையினர் சுலபமாக கண்டுபிடித்தனர். மேற்கொண்டு நடத்தப்பட்ட விசாரணையில் இன்னும் எண்ணற்ற மொஸாத் உளவாழிகள் நாட்டின் பல பகுதிகளிலும் ஊடுறுவியுள்ளதாக அதிர்ச்சி தகவல் கிடைத்துள்ளது. இவர்களுக்கு உரிய தண்டனை வழங்குவதை விட்டுவிட்டு இரு நாடுகளின் முக்கிய தலைவர்களின் ஆணையின் படி இருவர்களும் கடந்த திங்கட்கிழமை அன்று விடுவிக்கப்பட்டுள்ளனர்.

இதற்கு முன்பு இவர்களை கைது செய்த கேரள காவல்துறை இவர்களை உண்ணிப்பாக பின் தொடர்ந்து அவர்களை கைது செய்து விசாரணை நடத்தி அதற்கான அறிக்கைகளை எர்ணாகுளம் ஆட்சியரான ஷேக் பரீதிடம் ஒப்படைத்திருந்தது குறிப்பிடத்தக்கது.

அந்த அறிக்கையில் இவர்களைப்போன்று பலரும் இவ்வாறு வாடகைக்கு வீடு எடுத்து தங்கி அவ்வப்போது அவர்களுக்கு மத்தியில் சந்தித்துகொண்டு இரவு நேரங்களில் பல மணி நேரங்களுக்கு மேலாக‌ கூட்டம் நடத்தியிருப்பது தெரியவந்துள்ளது.

நாட்டை உளவு பார்க்க வந்தவர்கள் என்று தெரிந்திருந்தும் அவர்களை விடுவித்திருப்பதை பார்க்கும் போது இந்தியா இஸ்ரேலுடனான உறவில் எந்த பாதிப்பும் ஏற்பட்டு விடக்கூடாது என்ற ரீதியிலேயே நடவடிக்கை எடுக்காமல் விடுவித்திருக்கிறது.
thanks to chennaipopularfrontofindia.blogspot.com

பள்ளி ஆசிரியர் கத்தியால் குத்தி கொலை !!!

2012-02-09T23:46:00.001+05:30

சென்னை: பள்ளியில் நடத்தை குறித்து பெற்றோர்களுக்கு ரிப்போர்ட் அனுப்பியதால் ஆத்திரமுற்ற மாணவன் ஒருவன் சென்னையில் பள்ளி வளாகத்திலேயே பெண் ஆசிரியர் ஒருவரை கத்தியால் குத்தி கொலை செய்த சம்பவம் பரபரப்பை ஏற்படுத்தியுள்ளது.

சென்னை பாரிமுனை அரண்மனைக்கார தெருவில் செயின்ட் மேரீஸ் மேல்நிலை தனியார் பள்ளி செயல்பட்டு வருகிறது. இங்கு ஆயிரத்து 500 பேர் கல்வி பயின்று வருகின்றனர். இந்த பள்ளி 150 ஆண்டுகள் பழமையானவை. இங்குள்ள மாணவ, மாணவிகள் மீது மிகுந்த அக்கறையும், முழுக்கவனமும் எடுத்துக்கொள்ளப்படும். இந்நிலையில் இங்கு 9ம் வகுப்பு படிக்கும் மாணவன் (15 வயது ஆவதால் பெயர் குறிப்பிட வில்லை) . இவன் சென்னை ஏழுகிணறு பகுதியில் வசித்து வருகிறான். இவரது தந்தை ரபீக் துறைமுகத்தில் தொழிலாளியாக வேலை பார்த்து வருகிறார்.

வேதியியல் மற்றும் இந்தி பாடம் எடுக்கும் ஆசிரியை உமா மகேஸ்வரி (39 ) . மந்தைவெளியை சேர்ந்த இவருக்கு இரண்டு குழந்தைகள் உள்ளனர். இவர் வழக்கம் போல் பாடம் எடுத்து விட்டு 3 வது பாடவேளையின் போது மாற்று வகுப்புக்கு சென்று கொண்டிருந்தார். இந்நேரத்தில் மாணவன் ஆசிரியை நோக்கி ஆவேசமாக பாய்ந்தான். கையில் இருந்த கத்தியால் குத்தினான். இதில் 7 இடங்களில் குத்து விழுந்தது. மாணவன் கத்தியால் குத்தியதால் அதிர்ச்சியால் நிலைகுலைந்து ரத்த வெள்ளத்தில் விழுந்தார். மாணவர்கள் அக்கம், பக்கம் ஓட துவங்கினர். கொலை செய்த மாணவன் எங்கும் ஓடாமல் வகுப்பறைக்குள்ளேயே இருந்தான். பள்ளி நிர்வாகத்தினர் ஆசிரியை உமாவை ஆஸ்பத்திரிக்கு கொண்டு சென்றனர். ஆனால் சிகிச்சை பலன் அளிக்காமல் இறந்து போனார். இந்த சம்பவம் பள்ளியை சுற்றிஉள்ள பகுதியில் பெரும் பரபரப்பை ஏற்படுத்தியுள்ளது.மாணவனிடம் போலீஸ் விசாரணை: கைது செய்யப்பட்ட மாணவனிடம் போலீசார் தீவிர விசாரணை நடத்தி வருகின்றனர். இவனிடம் கேட்டதில் ; ஆசிரியை என்னுடைய பெற்றோருக்கு தகவல் கொடுத்துள்ளார். இதனால் என்னை பெற்றோர்கள் திட்டினர். எனவே எனக்கு பெரும் கோபம் ஏற்பட்டது. இதனால் குத்தி கொன்றேன் என்றான். இந்த மாணவன் அடிக்கடி பள்ளிக்கு வராமல் கட் அடிப்பான் என பள்ளி சக மாணவர்கள் கூறினர். கொலை வெறி., கொலைவெறி : சம்பவம் குறித்து பள்ளி நிர்வாகத்தை சேர்ந்தவ ஒருவர் கூறுகையில்: மாணவர்களின் ரிப்போர்ட் குறித்து அவ்வப்போது பெற்றோர்கள் பள்ளிக்கு வந்து விசாரித்து கொள்ள வேண்டும். அப்போதுதான் அவர்களது நிலைமை தெரிந்து அதற்கேற்ப பெற்றோர்கள் நடந்து கொள்ள முடியும். இப்போது வரும் சினிமாக்களை பார்த்து மாணவர்களின் மனம் மாறி விடுகிறது. கொலை வெறி., கொலைவெறி என்று பாடல்கள் எடுத்தால் நாட்டில் கொலை வெறிதான் தலை விரித்தாடும் என்றார்.
முன்னாள் போலீஸ் கமிஷனரின் உறவினர் ஆசிரியை :
கொலை செய்யப்பட்ட ஆசிரியை , சென்னையில் மாநகர போலீஸ் கமிஷனராக பணியாற்றி தற்போது ஓய்வு பெற்ற நாஞ்சில் குமரனின் உறவினர் ஆவார். ஆசிரியை கொலை சம்பவம் கேள்வி பட்டதும் அவர் ஆசிரியை வீட்டிற்கு சென்று அவரது குடும்பத்தினருக்கு ஆறுதல் தெரிவித்தார், ஆசிரியை கொலை சம்பவம் அடுத்து அவரது வீட்டில் உறவினர்கள் கதறி அழுதபடி இருந்தனர்.

கடந்த சில வாரங்களுக்கு முன்னர் சிகிச்சை அளிக்காத காரணத்தினால் தூத்துக்குடியில் டாக்டர் ஒருவர் கிளினிக் உள்ளேயே படுகொலை செய்யப்பட்டார். இந்த அதிர்ச்சி மறைவதற்குள் மாணவன் , ஆசிரியை ஒருவரை கொலை செய்திருப்பது பெரும் கவலை அளிப்பதாக மனித நேய விரும்பிகள் கருத்து கூறியுள்ளளனர்.

பாஜக ஆட்சி!!!

2012-02-09T23:26:00.001+05:30

கர்நாடகத்தில் பாஜக ஆட்சி அமைந்த நாள் முதலே, அந்தக் கட்சியின் ""புகழ்'' பல்கிப்பெருகிக் கொண்டே இருக்கிறது. முன்னாள் முதல்வர் எடியூரப்பா பதவி விலகியதோடு பாஜகவைப் பிடித்த சாபம் விலகிவிடவில்லை என்று நிரூபித்து இருக்கிறார்கள் பாஜக-வின் மூன்று அமைச்சர்கள். அவையில் விவாதம் நடந்துகொண்டிருந்த நேரத்தில் நீலப்படம் பார்த்ததாகக் குற்றச்சாட்டு எழுந்து, மூன்று அமைச்சர்களும் பதவி விலகியிருக்கிறார்கள்.

அவையின் புனிதத்தைக் கெடுத்ததற்காக, மக்களால் தேர்ந்தெடுக்கப்பட்ட பேரவை உறுப்பினர்களை அப்பதவியிலிருந்து நீக்க வேண்டும் என்று எதிர்க்கட்சித் தலைவர் சித்தராமையா கூறுவது சட்டப்படி சாத்தியம் இல்லை. ஆனால், விவாதம் இல்லாமல் விசாரணை நடத்திட பேரவைத் தலைவர் உத்தரவிட்டுள்ளார். ஆனால், இந்த விவகாரம் குறித்து அவையில் விவாதிக்கப்பட வேண்டும் என்று எதிர்க்கட்சித் தலைவர் சித்தராமையா வலியுறுத்துவதில் நியாயம் இருக்கிறது.

மூன்று பேரும் பதவி விலகி விட்டதால் இந்தப் பிரச்னையை விவாதிக்க வேண்டியதில்லை என்கிறார் முதல்வர் சதானந்த கெüடா. ஆனால், இந்தப் பிரச்னையை விவாதிப்பதுதான் சரியானதாக இருக்க முடியும் என்பது நமது கருத்து.

இந்த விவாதம் இரண்டு முக்கிய பிரச்னைகளுக்குத் தீர்வாக அமையும். இந்தச் சம்பவம் முன்கூட்டியே திட்டமிட்ட, எதிர்பார்க்கப்பட்ட ஒன்றா என்பதையும், மக்களால் தேர்வு செய்யப்பட்ட உறுப்பினர் சட்டப்பேரவையில் நடந்துகொள்ள வேண்டிய முறைகள் என்ன என்பதையும் தீர்மானிக்கும் கருத்துக்களமாக இந்த விவாதம் அமையும் என்பது நிச்சயம். பேரவையில் முக்கிய விவாதம் நடந்துகொண்டிருக்கும்போது அவர் நீலப்படம் பார்த்தாரா, அல்லது ஒரு திரைப்படத்தின் "ஐட்டம் சாங்' பார்த்தாரா, அல்லது பக்தப் பிரகலாதா படமா, இல்லை தன் குழந்தையின் பிறந்தநாள் விடியோ காட்சிகளைப் பார்த்துக்கொண்டிருந்தாரா என்பதல்ல பிரச்னை. அவை நடவடிக்கையில் பங்கேற்காமல், மக்கள் பிரச்னை விவாதிக்கப்படும்போது அதில் கவனம் செலுத்தாமல் அலட்சியமாக இருந்தார் என்பதுதான் கவனிக்கப்பட வேண்டிய விஷயம்.

மக்கள் வரிப் பணத்தைச் செலவழித்துத் தேர்தல் நடத்தித் தேர்ந்தெடுக்கப்பட்ட பிரதிநிதிகள், மக்கள் பிரச்னையில் கவனம் செலுத்தாமல் அலட்சியமாக இருக்கிறார்கள் எனும்போது, விவாதம் மிகவும் அவசியமாகிறது.

மிக முக்கியமான மக்கள் பிரச்னை குறித்து விவாதம் நடந்துகொண்டிருக்கும்போது ஓர் உறுப்பினர் அவையில் தூங்குகிறார். ஒருவர் எழுந்துபோய் கேண்டீனில் சாப்பிட்டுக் கொண்டிருக்கிறார். ஓர் உறுப்பினர் கையெழுத்துப் போட்டுவிட்டு, பேரவைக்குள் இன்னொரு உறுப்பினருடன் அரட்டை அடித்துக்கொண்டு, சிரித்துப் பேசிக்கொண்டிருக்கிறார். ஒருவர் புத்தகம் படித்துக்கொண்டிருக்கிறார். இவையும்கூட, மக்கள் பிரச்னையை அலட்சியப்படுத்தும் அணுகுமுறையாகத்தான் பார்க்கப்பட வேண்டும்.

மேற்சொன்னவை யாவும், ஓர் அவை நடவடிக்கையை பாதிக்காத, தனிப்பட்ட விவகாரம் என்று கருதப்படுமேயானால், இந்தக் காரணங்களுக்காக அந்த உறுப்பினர் மீது ஒழுங்கு நடவடிக்கை எடுக்க இயலாது என்று சொல்லப்படுமேயானால், அவையின் எந்தவொரு நடவடிக்கைக்கும் பாதிப்பில்லாமல், அடுத்தவருக்கும் தொந்தரவு இல்லாமல் தன் செல்போனில் ஏதோ ஒரு படம் பார்ப்பதை எப்படி ஒழுங்கீனம் என்று கருத முடியும்? எப்படி தண்டிக்க முடியும்?

ஆகவே, மக்கள் பிரச்னையில் பங்கேற்காமல், அவைக்குள் அலட்சியமாக எந்த வகையில் செயல்பட்டாலும், அந்த உறுப்பினர் யாராக இருந்தாலும் அவர் மீது எத்தகைய ஒழுங்கு நடவடிக்கை எடுக்கப்பட வேண்டும், என்ன தண்டனைகள் அளிக்கப்பட வேண்டும் என்பதைத் தீர்மானிக்கும் களத்தை அமைத்துக் கொடுப்பதாக கர்நாடக சட்டப்பேரவையின் இந்த விவாதம் அமைய வேண்டும். இதை சதானந்த கெüடா அனுமதிக்க முன்வர வேண்டும்.

அடுத்ததாக, கர்நாடக சட்டப்பேரவையில் செல்போன் பேச்சு குறித்து முதல்வரும் பேரவைத் தலைவரும் தொடர்ந்து கடுமையாகவே சாடி வருகின்ற நிலையில், இந்த நிகழ்ச்சி நடந்துள்ளதையும் கவனிக்க வேண்டியுள்ளது. அமைச்சர்களோ அல்லது எம்எல்ஏ-க்களோ இந்த நீலப்படத்தை செல்போனின் சேமிப்பிலிருந்து மீட்டெடுத்துப் பார்க்கவில்லை. ஓர் அமைச்சருக்கு வந்த விடியோ குறுந்தகவல், மற்றொரு அமைச்சருக்குப் "பார்வர்டு' செய்யப்பட, அதை இரண்டு அமைச்சர்கள் பார்த்தார்கள் என்பதோடு, அவையில் பல எம்எல்ஏ-க்களுக்கும் இதே குறுந்தகவல் வந்ததாகவும் அவர்களும் பார்த்ததாகவும் அந்த நேரத்தில் அவைக்குள் இருந்தவர்களால் கூறப்படுகிறது. அப்படியானால், இவர்களுக்கு இந்த நீலப்படம் எந்த செல்போனில் தொடங்கி, அவைக்குள் வந்து சேர்ந்தது என்பதைக் கண்டறிவது முக்கியம்.

இதைக் கண்டறிய வேண்டுமானால், அந்த நேரத்தில் அவைக்குள் இருந்த அனைவருடைய செல்போன்களிலும் அந்த வேளையில் வந்த, தகவல், அழைப்பு, குறும்படத் தகவல் அனைத்தையும் விசாரணைக்கு உட்படுத்தினால்தான், பல உண்மைகள் தெரியவரும். சுமார் 15 நிமிடங்களில் அவை நடவடிக்கை முடிவுற இருந்த நேரத்தில் வந்த குறுந்தகவலை வேறு சிலரும் பார்த்துக்கொண்டிருக்க, ஏன் அமைச்சர்கள் மட்டும் கேமராவில் பிடி(க்கப்)பட்டார்கள் என்பது தொடங்கிப் பல உண்மைகள் அம்பலமாகும். இத்தகைய விரிவான விசாரணை எந்தெந்த பொருண்மைகளை உள்ளடக்கியதாக இருக்க வேண்டும் எனும் கருத்துருவாக்கத்துக்கு விரிவான விவாதம் தேவை. விவாதம் இல்லாமல் வெறுமனே 3 கட்சிகளைச் சேர்ந்த 6 பேர் கொண்ட விசாரணைக் குழு அறிக்கை அளிக்கும் என்பது சரியல்ல.

இதை விவாதிப்பது சட்டப்பேரவைக்குக் களங்கம் என்று சதானந்த கெüடா கருதுவது நியாயம் என்றால், இதை மூடி வைக்க முயலுவதும் நியாயம் இல்லை. விவாதிக்கப்பட்டால்தான் புதிய விதிமுறைகள் உருவாகும்.

சட்டப்பேரவை என்பது மக்களால் மக்கள் பிரச்னைகளை விவாதிக்கவும், மக்களுக்காகச் சட்டங்கள் இயற்றவும் மக்களால் ஏற்படுத்தப்பட்ட அவை. அவையின் உரிமையும், வானளாவிய அதிகாரமும் மக்கள் பணியில் தடையில்லாமல் செயல்படுவதற்காகத்தானே தவிர மக்கள் வரிப் பணத்தில் பொழுதுபோக்குவதற்காக அல்ல. இதை உறுப்பினர்கள் மறந்துவிடக் கூடாது!

சங்கரன் கோவி கலவரம் - நடவடிக்கை எடுக்க பாப்புலர் ஃப்ரண்ட் வலியுறுத்தல்

2012-02-08T23:17:00.001+05:30

நெல்லை மாவட்டத்தில் (மேற்கு) சங்கரன்கோவில் கழுகுமலை ரோட்டில் முஸ்லிம்கள் மற்றும் தலித்கள் அதிகளவில் வசித்து வருகின்றனர். நட்புணர்வோடும், சுமூகமாகவும் வாழ்ந்து வரும் இவர்கள் மத்தியில் பகையை ஏற்படுத்த வேண்டும் என்று திட்டமிட்டு சில சமூக விரோத விஷமிகள் சமீபகாலமாக பிரச்சனைகளை ஏற்படுத்தி வந்துள்ளனர்.

அதன் ஒரு பகுதியாகத்தான் நேற்று (07.02.2012) தலித்கள் பகுதியில் நடந்த கோவில் திருவிழாவின் ஊர்வலம் கழுகுமலை ரோடு பள்ளிவாசல் அருகே வரும்போது ஊர்வலத்தில் இருந்த விஷமிகள் சிலர் பள்ளிவாசலின் உள்ளே செருப்புக்களை வீசியும், வெடிகளை வெடித்தும் பிரச்சனை செய்து விட்டு சென்றுள்ளனர். இதனைப் பார்த்த முஸ்ளிம்கள் காவல்துறையினரிடம் புகார் கொடுத்துள்ளனர். பிரச்சனையின் தீவிரத்தை உணராத காவல் துறையினரோ சில காவலர்களை மட்டும் சம்பவ இடத்திற்கு அனுப்பியுள்ளனர்.

பின்னர் மீண்டும் அந்த பகுதிக்கு ஊர்வலத்தினர் வரும்போது பிரச்சனை செய்துள்ளனர். அதனை தடுக்க வந்த காவல்துறையினரையும் தாக்கிவிட்டு பிரச்சனையை தொடரவே இருதரப்பிலும் மோதல் ஏற்பட்டுள்ளது. மோதல் கலவரமாக மாறி இருதரப்பிலும் நூற்றுக்கணக்கானோர் கூடி தாக்குதலில் ஈடுபட்டதோடு கண்ணில் பட்ட வாகனங்களை அடித்து நொறுக்கி தீயும் வைத்துள்ளனர்.

சில மணி நேரம் நீடித்த கலவரம் எஸ்.பி தலைமையிலான போலீஸ் படை வந்து கண்ணீர் புகை குண்டுகளை வீசிய பின்பு கட்டுக்குள் வந்துள்ளது. கலவரத்தில் திட்டமிட்டே முஸ்லிம்களின் கடைகள், வீடுகள் மற்றும் வாகனங்கள் சூறையாடப்பட்டு தீக்கரையாக்கப்பட்டுள்ளது.

இதனை பார்க்கும் பொழுது முஸ்லிம்களுக்கு எதிராக கலவரத்தை ஏற்படுத்த வேண்டும் என்று திட்டமிட்டே ஒரு குழு செயல்பட்டுள்ளது தெளிவாகின்றது.

நெல்லை மாவட்டம் மேற்கு பகுதியில் கலவரத்தை ஏற்படுத்த ஃபாசிஸ்டுகள் அவ்வப்போது முயன்று வருவதும், கடந்த காலங்களில் தென்காசியில் முஸ்லிம்கள் போன்று போலி தாடி, தொப்பி வைத்து குண்டு வைத்து கலவரம் ஏற்படுத்த முயன்றதும் குறிப்பிடத்தக்கது.

எனவே தான் சகோதரத்துவத்துடன் வாழ்ந்து வரும் தலித் - முஸ்லிம்கள் மத்தியில் பகையை ஏற்படுத்தி கலவரத்தை ஏற்படுத்த திட்டமிட்டுள்ளனரோ என்ற சந்தேகம் வலுவாக ஏற்பட்டுள்ளது. எனவே தமிழக அரசு மற்றும் காவல்துறை இது விஷயத்தில் அதீத சிரத்தை எடுத்து கலவரக்காரர்கள் மீது கடுமையான நடவடிக்கை மேற்கொள்ள வேண்டும் என பாப்புலர் ஃப்ரண்ட் ஆஃப் இந்தியாவின் மாநிலத் தலை ஏ.எஸ் இஸ்மாயில் தமிழக முதல்வர் அவர்களை கேட்டுக்கொண்டார்.

மேலும் தலித்கள் மற்றும் தலித் இளைஞர்கள் ஃபாசிஸ்டுகளின் வஞ்சக எண்ணத்திற்கு பலியாகி விடக்கூடாது என்றும், இது விஷயத்தில் கவனம் செலுத்தி முஸ்லிம் - தலித் ஒற்றுமையை பலப்படுத்த முஸ்லிம் மற்றும் தலித் தலைவர்கள் தேவையான நடவடிக்கைகளை மேற்கொள்ள வேண்டும் எனவும் பாப்புலர் ஃப்ரண்டின் மாநில தலைவர் ஏ.எஸ் இஸ்மாயில் கேட்டுக்கொண்டதுடன் கலவரத்தில் பாதிக்கப்பட்டோருக்கு தகுந்த இழப்பீடு வழங்க வழிவகை செய்ய வேண்டும் எனவும் தமிழக அரசை கேட்டுக்கொண்டார்.

மத்திய அரசின் உணவு பாதுகாப்பு சட்டம் வேண்டாம்: தமிழக அரசு கடும் எதிர்ப்பு!!!

2012-02-08T23:13:00.003+05:30

புதுடில்லி: ""மத்திய அரசின் உணவுப் பாதுகாப்பு சட்டத்திற்கு தமிழக அரசு கடும் எதிர்ப்பு தெரிவித்துள்ளது. இந்த சட்டத்திலிருந்து தமிழகத்துக்கு விலக்கு அளிக்க வேண்டும்'' என்றும், தமிழக அரசு கேட்டுக் கொண்டுள்ளது.

உணவுப் பாதுகாப்பு சட்டம் ஏற்கனவே பார்லிமென்டில் தாக்கல் செய்யப்பட்டு, அது நிலைக்குழு முன் பரிசீலனையில் இருக்கிறது. இந்நிலையில், அந்த சட்டத்தை தமிழக அரசு கடுமையாக எதிர்த்துள்ளது. டில்லியில் நடைபெற்ற உணவு அமைச்சர்களின் மாநாட்டில், தமிழக அரசின் சார்பில் உணவு அமைச்சர் காமராஜ், விவசாய அமைச்சர் தாமோதரன் ஆகியோர் கலந்து கொண்டனர்.

இந்த மாநாட்டில் அமைச்சர் காமராஜ் பேசியதாவது: தமிழகத்தை பொறுத்தவரை எந்த பாகுபாடும் இல்லாமல் எல்லா தரப்பு மக்களுக்குமே பொது வினியோக கடைகளில் அரிசி, பருப்பு உள்ளிட்ட உணவு பொருட்கள் வழங்கப்படுகின்றன. ஆனால், மத்திய அரசு கொண்டு வரும் திட்டம் என்பது சமூகத்தில் ஏற்றத்தாழ்வுகளை ஏற்படுத்தும். மத்திய அரசின் இத்திட்டம் மூலம், கிராமப்புறங்களில் வசிக்கும் 75 சதவீத மக்களுக்கு பயன் கிடைக்கும். நகர்ப்புறங்களில் வசிக்கும் 50 சதவீத மக்களை மட்டுமே பயனளிக்கும். மீதமுள்ள மக்கள் எல்லாரும் இத்திட்டத்தில் பயன் பெறுவதற்கு தகுதியற்றவர்கள் என்றாகி விடுவர். இதை தமிழக அரசு ஒப்புக் கொள்ளாது. தமிழக அரசின் சார்பில் எண்ணற்ற நலத்திட்ட உதவிகள் தற்போது நிறைவேற்றப்படுகின்றன.

14 வயதுக்குட்பட்ட குழந்தைகளுக்கு சத்துணவு அளிக்கப்படும் திட்டத்தை வெற்றிகரமாக தமிழகம் நிறைவேற்றி வருகிறது. தற்போதைய பொது வினியோக திட்டமே நல்ல முறையில் உள்ளது. விலைவாசி உயர்வை இத்திட்டங்கள் மூலம் சமாளிக்க முடிகிறது. தவிர புதிய சட்டத்தின் மூலம், புதிதாக கூடுதல் செலவினங்கள் ஆகும். ரேஷன் கார்டுகளை கணிணி மயமாக்குவதற்காக, 700 கோடி ரூபாயில், தமிழக அரசு திட்டம் தீட்டி, நடவடிக்கை எடுத்து வருகிறது. 1.97 கோடி ரேஷன் கார்டுகள் தமிழகத்தில் உள்ளன. இந்த கணினி மயமாக்கும் திட்டத்திற்கு ஆகும் செலவிற்கு மத்திய அரசு நிதியுதவி அளித்திட வேண்டுமென்ற கோரிக்கைக்கு இதுவரை பதில் இல்லை. இந்த சட்டத்தை தமிழக அரசு கடுமையாக எதிர்க்கிறது. அப்படியே கொண்டுவர முடிவெடுக்கப்பட்டால், அதில் தமிழக அரசுக்கு விலக்கு அளிக்க வேண்டும். இவ்வாறு காமராஜ் பேசினார்.