சமசீர் கல்வி குழுவில் – கல்வி கொள்ளைக்கு பெயர் பெற்ற முதலாளிகள் நியமிக்கப்பட்டனர் – பிழைக்குமா தமிழகம்?

அமைப்பிற்க்குட்பட்டு, பாட திட்டங்களை வகுத்து அறிக்கை தாக்கல் செய்ய குழு ஒன்றை நியமித்து  ஜெயலலிதா உத்தரவிட்டுள்ளார்.

உச்ச நீதிமன்ற உத்தரவிற்கிணங்க, தமிழக அரசு அமைத்துள்ள குழுவில் கல்விக்கு, குறிப்பாக ஏழை எளியோருடன் எந்த தொடர்பும் இல்லாத, மேலும் நெருங்க விரும்பாத ஒரு சிலரை தனது குழுவில் நியமித்திருப்பது நகைப்புக்கிடமாகியுள்ளது.

சமச்சீர் கல்வி உறுப்பினர் பட்டியலில் உள்ளவர்கள் கீழ்க்கண்டவர்கள் ஆவர்:
* தலைவர் – தமிழக அரசின் தலைமைச் செயலாளர்

* உறுப்பினர் -  இரு மாநில பிரதிநிதிகள்:
(1) ஜி.பாலகிருஷ்ணன், முன்னாள் இயக்குநர் (கல்வி), மத்திய இடைநிலைக் கல்வி வாரியம்
(2) திருமதி. விஜயலட்சுமி சீனிவாசன், முன்னாள் முதல்வர், லேடி ஆண்டாள் மெட்ரிகுலேசன் பள்ளி, சென்னை.

* உறுப்பினர் -  இரு கல்வியாளர்கள்:
(1) சி.ஜெயதேவ்,  நிறுவனர் மற்றும் செயலாளர், டி.ஏ.வி.பள்ளிகள் குழுமம், கோபாலபுரம், சென்னை.
(2). டாக்டர் திருமதி. ஒயி.ஜி.பார்த்தசாரதி, முதல்வர் மற்றும் இயக்குநர், பத்மா சேஷாத்ரி பாலபவன் பள்ளிகள் குழுமம், சென்னை.

* உறுப்பினர் -  தேசிய கல்வி ஆராய்ச்சி மற்றும் பயிற்சி நிறுவனத்தின் இருபிரதிநிதிகள்
(1) பேராசிரியர் பி.கே. திரிபாதி, அறிவியல் மற்றும் கணிதவியல் கல்வித்துறை, புதுதில்லி.
(2). பேராசிரியர் அனில் சேத்தி, சமூக அறிவியல் துறை,  புதுதில்லி.* உறுப்பினர் – அரசுச் செயலாளர், பள்ளிக் கல்வித்துறை* உறுப்பினர் செயலாளர்- பள்ளிக்கல்வித் துறை இயக்குநர்.மேற்கண்ட குழு உச்ச நீதிமன்ற உத்தரவின்படி வரும்  ஜூலை மாதம் 6ம் தேதிக்குள் தனது அறிக்கையை சென்னை உயர்நீதிமன்றத்திற்கு அளிக்கும்.

மேற்கண்ட பட்டியலில் உள்ள  கல்வியாளர் உறுப்பினர்களான டி.ஏ.வி.பள்ளிகளின், சி.ஜெயதேவ், பத்மா சேஷாத்ரி பாலபவன் பள்ளிகளின் திருமதி. ஒயி.ஜி.பார்த்தசாரதியும் கல்வி கொள்ளைக்கு பேர் போன இரண்டு பள்ளிகளின் ‘முதலாளிகளே’ அன்றி கல்வியாளர்கள் அல்ல என்று பா.ம.க நிறுவன தலைவர் மருத்துவர். ராமதாஸ் கூறியுள்ளார்.

இத்தகையவர்களை கொண்ட இந்த குழு ‘சமச்சீர் குலைவு கல்வியை’ வகுக்க இயலுமே அல்லாமல் உண்மையான சமசீர் கல்வியை இவர்களிடம் இருந்து எதிர்பார்க்க இயலும என்பதை காத்திருந்துதான் பார்க்கவேண்டியுள்ளது.