நோக்கியாவின் ஆஷா 305!!

இரண்டு சிம் இயக்கத்துடன் கூடிய ஆஷா வரிசையில், நோக்கியா ஆஷா 305 மாடல் போனை அண்மையில் விற்பனைக்கு வெளியிட்டுள்ளது. நோக்கியா ஸ்டோரில் இதன் அதிக பட்ச விலை ரூ.4,668. 240 x 400 பிக்ஸெல் திறனுடன் கூடிய டிஸ்பிளே தரும் 3 அங்குல திரை, ரெசிஸ்டிவ் டச் ஸ்கிரீனாக உள்ளது.

46 மாடிகள் கொண்ட தென் இந்தியாவின் மிக உயர அபார்ட்மெண்ட்

பெங்களூரு: 46 மாடிகள் கொண்ட, தென் இந்தியாவிலேயே மிக உயரமான அபார்ட்மெண்ட் பெங்களூரில் கட்டப்பட்டு வருகிறது. பண்ணரகட்டா சாலையில் மீனாட்சி மால் கட்டடத்துக்கு அருகே கட்டப்படும் இந்தக் கட்டடம் தான் தென் இந்தியாவிலேயே மிக உயரமான வசிப்பிடமாகும். மந்த்ரி பினாக்கிள் என்ற இந்த கட்டடத்தில் ஒவ்வொரு அபார்ட்மெண்டும் 3 மாடிகளைக் கொண்டதாக இருக்குமாம்.

ஜனநாயக அமைப்புகள் மீதான தாக்குதலை ஏற்றுக்கொள்ள முடியாது – குடியரசு தலைவர் உரை!

புதுடெல்லி:ஜனநாயக அமைப்புகள் மீதான தாக்குதலை ஏற்றுக்கொள்ள முடியாது என்றும், பாராளுமன்றம்தான் தேச மக்களின் ஆன்மா என்றும் குடியரசு தலைவர் பிரணாப் முகர்ஜி தனது சுதந்திர தின செய்தியில் தெரிவித்துள்ளார்.

இந்திய நாட்டின் 66-வது சுதந்திர தினத்தையொட்டி குடியரசு தலைவர் பிரணாப் முகர்ஜி வெளியிட்டுள்ள செய்தியில் கூறியிருப்பது: ஊழலுக்கு எதிராகக் கோபம் கொள்வதும், போராட்டம் நடத்துவதும் நியாயமானதுதான்.

ஆனால், இந்தப் போராட்டங்களின் போது சில சமயங்களில் மக்கள் தங்கள் பொறுமையை இழந்து விடுகின்றனர். ஆனால், அதற்காக ஜனநாயக அமைப்புகள் மீது தாக்குதல் நடத்துவதை ஒருபோதும் ஏற்றுக்கொள்ள முடியாது.

நிரபராதிகளான முஸ்லிம் இளைஞர்களை உ.பி அரசு விடுதலை செய்கிறது!

புதுடெல்லி:தீவிரவாத முத்திரைக் குத்தி உத்தரபிரதேச சிறைகளில் அடைக்கப்பட்டுள்ள நிரபராதிகளான முஸ்லிம் இளைஞர்களின் விடுதலை சாத்தியமாகிறது.

பிரம்மபுத்ரா நதி, திடீரென்று வறண்ட சம்பவம்!

இடாநகர் : ஆசியாவின் முக்கிய ஜீவநதியான பிரம்மபுத்ரா நதி, திடீரென்று வறண்ட சம்பவம் அருணாச்சல பிரதேசத்தில் பெரும்பரபரப்பை ஏற்படுத்தியுள்ளது. இந்த நிகழ்வை, அருணாச்சல் பிரதேச மாநில முதல்வரின் அரசியல் ஆலோசகரும், மாநில அரசின் செய்தித் தொடர்பாளருமான டாக்கோ தாபி உறுதி செய்துள்ளார். இது, சீனாவின் சதி வேலையாக இருக்கலாம் என்று கருதப்படுகிறது.

ப.சிதம்பரத்துக்கு எதிராக மேல்முறையீடு செய்வேன்: சுவாமி!!

புதுடெல்லி: 2ஜி ஸ்பெக்ட்ரம் வழக்கில், அமைச்சர் ப.சிதம்பரத்துக்கு மேல்முறையீடு செய்யவுள்ளதாக, ஜனதா கட்சித் தலைவர் சுப்பிரமணியன் சுவாமி தெரிவித்தார். 

2ஜி ஸ்பெக்ட்ரம் ஊழல் வழக்கில், உள்துறை அமைச்சர் ப.சிதம்பரத்தையும் விசாரிக்கக் கோரும் சுப்பிரமணியன் சுவாமியின் மனுவை தள்ளுபடி செய்து, டெல்லி சிபிஐ சிறப்பு நீதிமன்றம் இன்று தீர்ப்பு அளித்தது. 

இதுகுறித்து ஏமாற்றம் தெரிவித்த சுப்பிரமணியன் சுவாமி, "இந்தத் தீர்ப்பை நான் எதிர்பார்க்கவில்லை. எனது மனு தள்ளுபடி செய்யப்பட்டதற்கான காரணம் இன்னும் தெரியவில்லை. ஆனாலும் இதுபற்றி நான் கவலைப்படவில்லை. 

ப.சிதம்பரத்துக்கு எதிராக இன்னும் அதிகமான ஆதாரங்களுடன் டெல்லி உயர் நீதிமன்றத்தை நாடுவேன். அத்துடன், இந்த வழக்கில் உச்ச நீதிமன்றத்தை நேரடியாக அணுகுவது பற்றி பரிசீலித்து வருகிறேன். 

முதலில் ப.சிதம்பரத்துக்கு எதிரான ஆதாரங்களைத் தருவேன். பிறகு, சோனியாவுக்கு எதிரான ஆதாரங்களை சமர்ப்பிப்பேன். இந்த வழக்கில் ப.சிதம்பரத்தை நிச்சயம் குற்றம்சாட்டப்பட்டவர்கள் பட்டியலில் சேர்ப்பேன்," என்றார் சுப்பிரமணியன் சுவாமி. 

தமிழகம்-கேரளா இடையேயான உறவை சீர்குலைப் பவர்களுக்கு தண்டணை : உம்மன் சாண்டி!!!

திருவனந்தபுரம்: முல்லை பெரியாறு விவகாரத்தை பயன்படுத்தி, தமிழகம் மற்றும் கேரளா இடையேயான உறவை சீர்குலைக்கும் வகையில் கலவரம் செய்பவர்கள் மீது கடுமையான நடவடிக்கை எடுக்கப்படும் என, அம்மாநில முதல்வர் உம்மண் சாண்டி எச்சரிக்கை விடுத்துள்ளார்.

முல்லைப் பெரியாறு அணை விவகாரத்தைப் பயன்படுத்தி தமிழர்கள் மீதான வன்முறையை கேரளாவில் சிலர் ஏவியுள்ளனர். குறிப்பாக இடுக்கி மாவட்டத்தில் பல பகுதிகளிலும் தமிழக சுற்றுலாப் பயணிகள், ஐயப்ப பக்தர்கள், தொழிலாளர்களைக் குறி வைத்து கடும் தாக்குதல் நடந்துள்ளது. தமிழர்களின் கடைகள் அடித்து நொறுக்கப்பட்டுள்ளன. வாகனங்கள் தாக்கப்பட்டுளளன.

குஜராத்:இன​ப்படுகொலைக்​கு உதவியதன் மூ​லம் மோடியிடம் ஆதாயம் பெற்ற ஐ.பி.எஸ் அதிகாரிகளி​ன் பட்டியல்

புதுடெல்லி:மோடிக்கு எதிராக குரல் எழுப்பிய மூத்த ஐ.பி.எஸ் அதிகாரி சஞ்சீவ் பட் சிறையில் வாடும் வேளையில் குஜராத்தில் முஸ்லிம் இனப்படுகொலை நடைபெற்ற வேளையிலும் அதனைத் தொடர்ந்தும் மோடியின் கட்டளைகளை தவறாமல் நிறைவேற்றி ஹிந்துத்துவா பயங்கரவாதிகளுக்கு உதவிய ஐ.பி.எஸ் அதிகாரிகளுக்கு மோடி அளித்தது பதவி உயர்வும், ஓய்வுப்பெற்ற பிறகும் பதவியில் நீடிப்பதற்கான அனுமதியுமாகும்.

பி.சி.பாண்டே(1970பாட்ச்):- 
இனப்படுகொலை நடைபெற்ற வேளையில் அஹ்மதாபாத் மாநகர போலீஸ் கமிஷனர். ஹிந்துத்துவா பயங்கரவாதிகள் கூட்டுப் படுகொலை நிகழ்த்துவதற்கு உதவும் விதமாக போலீஸை செயலற்றதாக்கினார்.

1000 முஸ்லிம்கள் அஹ்மதாபாத்தில் கொல்லப்பட்ட வழக்கில் ஆதாரங்களை அழித்ததும், தொடர்ந்து நடந்த போலி என்கவுண்டர்களில் பங்கு வகித்ததும் நிரூபணமானது.

சமூக நீதி மாநாடு!!!

சமூக நீதியையும்,சம உரிமைகளையும் தேடி இந்தியாவில் ஒடுக்கப்பட்ட சிறுபான்மை சமூகங்கள் நடத்தி வரும் நீண்ட நெடிய போராட்டத்தின் மகத்தான வளர்ச்சிதான் கடந்த 26,27 தினங்களில் டெல்லி ராம் லீலா மைதானத்தில் நடந்த பாப்புலர் ஃப்ரண்ட் ஆஃப் இந்தியாவின் சமூக நீதி மாநாடு.

இந்தியாவின் நாலா புறங்களிலும் இருந்து வந்த பிரதிநிதிகள் ஒன்றிணைந்த மாநாட்டின் இரண்டாவது நாள், தேசத்தின் தலைநகரையே ஆச்சரியப்படவைக்கும் வகையில் பெரும் சக்தி பிரகடனத்தின் சாட்சியாக மாறியது.

என்றும் நம் நினைவில்…! நீதிக்காக ஏங்கும் பாபரி!

என்றும் நம் நினைவில்…!

பாபரி மஸ்ஜித் என்றதும் நம் நினைவில் நிழலாடுவது சிதிலமடைந்த மூன்று கும்பங்கள் கொண்ட ஒரு கட்டடமும், பின்னர் அது மணல் மேடாகத் தகர்க்கப்பட்டதும், பயங்கரவாத ஃபாசிச ஹிந்துத்துவ கோர முகங்களும், நாடு முழுவதும் அதனையொட்டி நடந்த முஸ்லிம் இனப் படுகொலைகளும், இழந்த முஸ்லிம்களின் ரத்தமும், சதையும், அதனை மீட்டெடுப்பதற்கான முஸ்லிம்களின் நீண்டகாலப் போராட்டமும்தான்!

ஹிந்துத்துவ கயவர்கள் 1992 டிசம்பர் 6 அன்று பாபரி மஸ்ஜிதைச் சுற்றி குழுமியிருந்த பொழுது எப்படியும் நம்துனை இராணுவம் மஸ்ஜிதைக் காப்பாற்றிவிடும் என்ற நப்பாசை நம் இதயத்தில் ஓடியது. ஒவ்வொரு கற்களாக பாபரி தகர்க்கப்பட்ட பொழுது நம் நப்பாசையும் தகர்ந்து தரைமட்டமானது.

ரூ.32 ரூபாய் செலவு வறுமைகோடு பயனாளிகளை பாதிக்காது: ஜெய்ராம்- அலுவாலியா கூட்டாக பேட்டி

புதுடில்லி: வறுமைக்‌கோட்டுக்கு கீழ் வாழும் நபர்கள் யார் என்பதிலும் , அவர்கள் வருமான செல்வு என்ன என்பதை நிர்ணயித்தது தொடர்பாக சர்ச்சை எழுந்தது. இதனையடுத்து திட்டக்கமிஷன் துணை தலைவர் மாண்டேசிங், மத்திய அமைச்சர் ஜெய்ராம்ரமேஷ் ஆகியோர் சந்தித்து பேசினர்.

ஹஸாரே மீது அருந்ததிராய் கடுமையான விமர்சனம்

ஹைதராபாத்:அன்னா ஹஸாரேவின் போராட்டத்திற்கு எதிராக பிரபல மனித உரிமை ஆர்வலரும், எழுத்தாளருமான அருந்ததிராய் கடுமையான விமர்சனங்களை வெளியிட்டுள்ளார். ஹஸாரேவின் வழிகள் காந்திய வழியாக இருக்கலாம். ஆனால் அவரது கோரிக்கைகள் ஒருபோதும் காந்தியக் கொள்கை அல்ல என அவர் கருத்து தெரிவித்துள்ளார்.

’தி ஹிந்து’ பத்திரிகையில் எழுதிய கட்டுரையில் அருந்ததிராய் கடுமையான விமர்சனங்களை ஹசாரே மீது சாட்டியுள்ளார். மேலும் அவர் கூறியிருப்பதாவது: ‘நாட்டில் அவசரமாக கவனம் செலுத்தவேண்டிய ஒரு விஷயத்தில் கூட ஹஸாரே குரல் எழுப்பவில்லை. தனது மாநிலமான மஹாராஷ்ட்ராவில் விவசாயிகள் தற்கொலை தொடர்பாக ஹஸாரே வாயை திறக்கவில்லை. ஹஸாரே முன்வைக்கும் லோக்பால் மசோதா காந்தியடிகளின் அதிகார பரவலாக்கல் கொள்கைக்கு எதிரான அடக்கியாளும் சட்டமாகும்.

அரசின் பாரம்பரிய பொறுப்புகள் கார்ப்பரேட்டுகளுக்கும், அரசு சாரா நிறுவனங்களுக்கும் பெருமளவில் பகிர்ந்தளிக்கும் சூழலில் ஹஸாரேவின் லோக்பால் மசோதா கார்ப்பரேட்டுகளையும், அரசு சாரா நிறுவனங்களையும் முற்றிலும் தவிர்த்துள்ளது.

கார்ப்பரேட் ஊடகங்கள் பொதுமக்களின் விருப்பங்களை கட்டுப்படுத்த முயலும் வேளையில் ஊடகங்களையும், கார்ப்பரேட்டுகளையும், அரசு சாரா நிறுவனங்களையும் லோக்பால் மசோதாவின் வரம்பிற்குள் கொண்டுவருவதற்கு பதிலாக ஹஸாரே இவற்றை முற்றிலும் தவிர்த்துள்ளார்.

இடஒதுக்கீட்டுக் கொள்கையை எதிர்ப்பதில் முன்னணியில் உள்ள ’யூத் ஃபார் இக்யுவாலிட்டி’ என்ற அமைப்புடன் ஹஸாரே குழுவினருக்கு தொடர்புள்ளது. இவ்வமைப்பின் கீழ் செயல்படும் அமைப்புகளுக்கு கொக்கோ கோலா, லெமன்ப்ரதர்ஸ் ஆகிய பன்னாட்டு நிறுவனங்களிலிருந்து பெருமளவிலான பணம் கிடைக்கிறது.

ஹஸாரேவின் குழுவைச் சார்ந்த அரவிந்த் கேஜ்ரவாலின் அமைப்பு ஃபோர்ட் ஃபவுண்டேசனிலிருந்து நான்கு லட்சம் அமெரிக்க டாலரை பெற்றுள்ளது. ஹஸாரேவின் போராட்டத்திற்கு தலைமை வகிக்கும் ’இந்தியா எகைன்ஸ்ட் கரப்ஷன்’ என்ற அமைப்பு பெரும் இந்திய நிறுவனங்களிடமிருந்து உதவி பெற்றுவருகிறது. இப்பொழுது ஊழல் வழக்கிலும், இதர குற்றங்களிலும் சிக்கி விசாரணையை எதிர்கொள்பவர்களும் இதில் உட்படுவர்.

ஹஸாரே கைதுச் செய்யப்பட்டவுடன் ஊழலுக்கு எதிரான போராட்டம் எதிர்ப்பு தெரிவிப்பதற்குரிய உரிமைக்கான போராட்டமாக மாறிவிட்டது. ஆனால், இந்த ஆதரவு, போராடுவதற்கு அனுமதி மறுக்கப்பட்ட ஒரிஸ்ஸாவின் போஸ்கோ நிறுவனத்தால் பாதிக்கப்பட்டவர்களுக்கு நிலத்தை திரும்ப பெறுவதற்காக விவசாயிகள் நடத்திவரும் போராட்டத்திற்கு கிடைக்கவில்லை. இவ்வாறு அருந்ததிராய் கூறியுள்ளார்

ஹஸாரே மதசார்பற்றவராக இருந்தால் முஸ்லிம்கள் ஏன் அவருடைய குழுவில் இடம்பெறவில்லை – டெல்லி இமாம் கேள்வி

புதுடெல்லி:அன்னா ஹஸாரே மதசார்பற்றவராக இருந்தால் முஸ்லிம்களை ஏன் அவருடைய குழுவில் இடம்பெற செய்யவில்லை என டெல்லி ஜும்ஆ மஸ்ஜித் இமாம் செய்யத் அஹ்மத் புகாரி கேள்வி எழுப்பியுள்ளார்.

மதவாதம்தான் ஊழலை விட தேசத்திற்கு அச்சுறுத்தலானது. மதவாதத்தை குறித்து ஹஸாரே வாயை திறப்பதில்லை. ஹஸாரே அவரின் பின்னணியில் செயல்படும் அரசியல் சக்தியிடமிருந்து விடுபடவேண்டும்.

குஜராத்தில் முஸ்லிம்களை கூட்டுப் படுகொலைச் செய்வதற்கு தலைமை வகித்த நரேந்திரமோடிக்கு புகழாரம் சூட்டியவர்தாம் ஹஸாரே.

முஸ்லிம்களின் நம்பிக்கைக்கு வந்தேமாதரம், பாரத் மாதா கீ ஜெய் போன்ற முழக்கங்கள் எதிரானதாகும். இஸ்லாமிய மார்க்கத்தில் தேசத்தை வணங்கச் சொல்லவில்லை. சில முஸ்லிம்கள் ஹஸாரேவின் போராட்டத்தில் பங்கு பெற்றாலும் கூட அவர்கள் நாட்டின் 25 கோடி முஸ்லிம்களின் பிரதிநிதிகள் அல்லர். இவ்வாறு டெல்லி இமாம் கூறியுள்ளார்.

கஷ்மீரில் கல்லறைகள்:பதிலளிக்க தயங்கும் மாநில அரசு..

ஸ்ரீநகர்:ஜம்மு கஷ்மீர் மாநிலத்தில் மூன்று வடக்கு மாவட்டங்களில் அடையாளப்படுத்தப்படாத 38 கல்லறைகளிலிருந்து 2156 அடையாளம் காணமுடியாத இறந்த உடல்கள் கண்டுபிடிக்கப்பட்டதாக மனித உரிமை கமிஷனின் புலனாய்வு குழுவினரின் அறிக்கை தொடர்பாக பதிலளிக்க மாநில அரசு தயாராக இல்லை.

அறிக்கையை பார்க்கவில்லை எனவும், கிடைத்தவுடன் ஆராய்ந்த பிறகு மட்டுமே பதில் அளிப்போம் என கஷ்மீர் மாநில உள்துறை அமைச்சர் நாஸில் அஸ்லம் வாணி தெரிவித்துள்ளார்.

பாரமுல்லா, பந்திபூர், குப்வாரா ஆகிய மாவட்டங்களில் கல்லறைகள் கண்டுபிடிக்கப்பட்டன. இறந்த உடல்களில் பெரும்பாலானவை துப்பாக்கியால் சுடப்பட்டு கொல்லப்பட்டவர்களுடையாதாகும் என அறிக்கையில் கூறப்பட்டுள்ளது.

கஷ்மீரிலிருந்து காணாமல் போனவர்களின் உடல்கள் இதில் உட்படும் என கமிஷன் அறிக்கை கூறுகிறது. மனித உரிமை கமிஷனனின் புலனாய்வு அதிகாரிகளின் அறிக்கை தங்களது விசாரணை அறிக்கைகளை உறுதிச்செய்கிறது என கஷ்மீரில் மனித உரிமை அமைப்புகளின் கூட்டமைப்பான ஜெ.கெ.சி.சி.எஸ் ஒருங்கிணைப்பாளர் குர்ரம் பர்வேஸ் தெரிவித்துள்ளார்.

அடையாளப்படுத்தப்படாத கல்லறைகள் குறித்து தாங்கள் அறிக்கைகளை வெளியிட்டபொழுது ராணுவத்தை அவமதிப்பதாக எங்கள் மீது குற்றம் சாட்டப்பட்டது என பர்வேஸ் கூறினார்.

டக்ளஸை ஏன் கைது செய்யவில்லை: மத்திய அரசுக்கு உயர் நீதிமன்றம் நோட்டீஸ்...

தேடப்பட்டு வரும் குற்றவாளியான டக்ளஸ் தேவானாந்தா டெல்லி வந்தபோது அவரை ஏன் கைது செய்யவில்லை என்பதற்கு விளக்கம் அளிக்க வேண்டும் என மத்திய அரசுக்கு சென்னை உயர் நீதிமன்றம் நோட்டீஸ் அனுப்பியுள்ளது.

கடந்த 1986ஆம் ஆண்டு சென்னை சூளைமேட்டில் ஈழப் போராளிகள் நடத்திய துப்பாக்கிச் சூட்டில் திருநாவுக்கரசர் என்பவர் சுட்டுக் கொல்லப்பட்டார். இது தொடர்பாக ஈ.பி.ஆர்.எல்.எப். இயக்கத்தைச் சேர்ந்த டக்ளஸ் தேவானந்தா மீது கொலை வழக்குப்பதிவு செய்யப்பட்டது. இது தொடர்பான வழக்கு விசாரணை 4ஆவது கூடுதல் செசன்ஸ் கோர்ட்டில் நடந்து வருகிறது.   தமிழ்நாட்டில் இருந்து இலங்கைக்கு தப்பிச் சென்ற டக்ளஸ், இலங்கை அரசின் ஆதரவாளராக மாறினார். அதன் பயனாக ராஜபக்சே தலைமையிலான அமைச்சரவையில் அமைச்சராகப் பதவி வகித்து வருகிறார். 

இதற்கிடையே கொலை வழக்கு விசாரணைக்கு டக்ளஸ் வராததால் அவரை கைது செய்ய உத்தரவு பிறப்பிக்கப்பட்டது. அதோடு அவர் தேடப்படும் குற்றவாளியாகவும் அறிவிக்கப்பட்டார்.   கடந்த ஆண்டு அவர் டெல்லிக்கு அரசு விருந்தினராக வந்தபோது அவரை கைது செய்யக்கோரி பொது நல வழக்கு தொடரப்பட்டது. 

இதனால் பயந்துபோன டக்ளஸ் தனக்கு எதிரான கைது வாரண்டு உத்தரவையும், தேடப்படும் குற்றவாளி என்ற உத்தரவையும் ரத்து செய்யக் கோரி மனு செய்தார். தனக்கு ஜாமீன் வழங்க வேண்டும் என்றும் மனுவில் கூறி இருந்தார். 

இந்த மனு மீதான விசாரணை  நீதிபதி நாகமுத்து முன்னிலையில் நடந்தது.   அப்போது டக்ளசுக்கு ஜாமீன் கொடுக்க அரசு வக்கீல் கடும் எதிர்ப்பு தெரிவித்தார். இதையடுத்து டக்ளசுக்கு ஜாமீன் வழங்க இயலாது என்று நீதிபதி உத்தரவிட்டார். டக்ளஸ் ஐகோர்ட்டில் சரண் அடைந்து தன் மீதான உத்தரவுகளை திரும்ப பெற்றுக் கொள்ளலாம் என்றும் நீதிபதி கூறினார். 

ஆனால் இதுவரை அவர் சரண் அடையவில்லை . இந்த நிலையில், டக்ளஸை எதிராக  தொடரப்பட்டுள்ள பொது நல  வழக்கை விசாரித்த சென்னை உயர்நீதிமன்றம், டெல்லிக்கு வந்தபோது டக்ளஸ் தேவானந்தாவை மத்திய அரசு ஏன் கைது செய்யவில்லை. தேடப்படும் குற்றவாளியாக அறிவிக்கப்பட்டவரை கைது செய்ய முடியாத நிலை ஏன் ஏற்பட்டது என்பது குறித்து விளக்குமாறு மத்திய அரசுக்கு நோட்டீஸ் அனுப்ப உத்தரவிட்டுள்ளது.

சுப்ரமணியசாமி வீடு மீது தாக்குதல்!

டெல்லியில் உள்ள ஜனதா கட்சி தலைவர் சுப்பிரமணிய சாமி வீடு ஞாயிற்றுக் கிழமை மாலையில் தாக்கப்பட்டது.  அந்த வீட்டுக்குள்  சுமார் 15 பேர் கொண்ட மர்ம கும்பல் ஒன்று அதிரடியாக புகுந்து கற்களை வீசித் தாக்கியது.

அதில் சிலர்,  வீட்டின் சுவரில்  ஏறிக்குதித்து உள்ளே சென்று தோட்டத்தில் இருந்த மலர் தொட்டிகளை உடைத்தனர். மேலும், சுப்பிரமணிய சாமிக்கு எதிராகவும் காங்கிரஸ் கட்சிக்கு ஆதரவாகவும் கோஷம் எழுப்பினர். 

சம்பவம்  நடந்தபோது, வீட்டில் சுப்பிரமணிய சாமி இல்லை. அவருடைய பேத்தி மட்டுமே இருந்தார். தாக்குதல் நடத்திய அந்த மர்ம கும்பலை காவல்துறையினர் தேடி வருகின்றனர்.

எதிர்க்கட்சிகள் அமளியால் பார்லிமென்ட் இன்று முடங்கும்?

புதுடில்லி: காமன்வெல்த் போட்டி தொடர்பாக, டில்லி முதல்வர் ஷீலா தீட்சித் மீது கூறப்பட்டுள்ள புகார், ஸ்பெக்ட்ரம் ஒதுக்கீடு தொடர்பாக, பிரதமர் அலுவலகம் மீது கூறப்பட்டுள்ள புகார் ஆகிய விவகாரங்களை பார்லிமென்டில் எழுப்பி, சபையில் புயலைக் கிளப்ப, பா.ஜ., திட்டமிட்டுள்ளது. பார்லிமென்ட் மழைக்கால கூட்டத் தொடர், கடந்த வாரம் துவங்கி, நடந்து வருகிறது. இரண்டு நாள் விடுமுறைக்குப் பின், சபை இன்று மீண்டும் கூடுகிறது. இதற்கிடையே, மத்திய கணக்கு தணிக்கை அலுவலகம் தாக்கல் செய்த அறிக்கையில், டில்லி காமன்வெல்த் போட்டிகளில் பெரிய அளவில் முறைகேடு நடந்ததாகவும், இதில், டில்லி முதல்வர் ஷீலா தீட்சித்துக்கு தொடர்பு இருப்பதாகவும் தெரிவிக்கப்பட்டது. மேலும், "2ஜி' ஸ்பெக்ட்ரம் ஒதுக்கீட்டில் நடந்த முறைகேட்டில், பிரதமர் அலுவலகத்துக்கு தொடர்பு இருப்பதாக, சிறப்பு கோர்ட்டில் நடந்து வரும் விசாரணையில் தெரிவிக்கப்பட்டது. இந்த இரண்டு விவகாரங்களையும் முன்வைத்து, பார்லிமென்டின் இரு சபைகளிலும், பெரும் புயலை கிளப்ப, பா.ஜ., திட்டமிட்டுள்ளது. குறிப்பாக, "2ஜி' ஒதுக்கீடு தொடர்பாக, பார்லிமென்டில் விவாதம் நடத்துவதற்கு, அரசு தரப்பில் அனுமதி மறுக்கப்பட்டால், பார்லிமென்டில் அமளியை ஏற்படுத்தவும், பா.ஜ., தரப்பில் திட்டமிட்டுள்ளதாக தகவல் வெளியாகியுள்ளது. இதற்கிடையே, இந்த விவகாரங்களை, பார்லிமென்டில் எப்படி கையாளுவது என்பது குறித்து விவாதிப்பதற்காக, பா.ஜ., பார்லிமென்ட் கமிட்டி கூட்டம் நேற்று டில்லியில் நடந்தது. 

இந்த கூட்டத்துக்கு, கட்சியின் மூத்த தலைவர் அத்வானி தலைமை வகித்தார். கூட்டம் முடிந்ததும், பா.ஜ., மூத்த தலைவர்களில் ஒருவரான எஸ்.எஸ். அலுவாலியா கூறியதாவது: கடந்த சில நாட்களாக, ஊழல் தொடர்பான முக்கிய தகவல்கள் வெளியாகி வருகின்றன. இந்த விவகாரத்தை பார்லிமென்டில் எப்படி கையாளுவது என்பது குறித்து, இன்று (நேற்று) விவாதிக்கப்பட்டது. எனினும், கூட்டணி கட்சிகளுடனும் இதுகுறித்து விவாதிக்க வேண்டியுள்ளது. தே.ஜ., கூட்டணி கட்சிகளின் கூட்டம், இன்று நடக்கிறது. இதில், இந்த விவகாரங்கள் தொடர்பாக இறுதி முடிவு எடுக்கப்படும். காமன்öவ்ல்த் போட்டிகளில் நடந்த முறைகேட்டில், டில்லி முதல்வர் ஷீலா தீட்சித் மீது, மத்திய தணிக்கை கணக்கு அலுவலகம் குற்றம் சாட்டியுள்ளது. எனவே, அவர், தன் பதவியை ராஜினாமா செய்ய வேண்டும் என்ற, எங்கள் கோரிக்கையை தொடர்ந்து வலியுறுத்துவோம்.இவ்வாறு அலுவாலியா கூறினார்.

சி.பி.ஐ., விசாரணை: பா.ஜ., தகவல் அறியும் உரிமைப் பிரிவின் தேசிய ஒருங்கிணைப்பாளர் விவேக் கார்க் கூறியதாவது: டில்லி காமன்வெல்த் போட்டிகளில் நடந்த ஊழலில், முதல்வர் ஷீலா தீட்சித்துக்கு தொடர்பு இருப்பதாக, மத்திய கணக்கு தணிக்கை அலுவலகம் குற்றம் சாட்டியுள்ளது. சாலைகள் அமைத்தது, தாழ்தள பஸ்கள் வாங்கியது, தெரு விளக்குகள் அமைத்தது, வீரர்கள் தங்குவதற்கு விடுதிகள் அமைத்தது போன்ற விஷயங்களில், டில்லி மாநில அரசு முறைகேடு செய்ததாக, குற்றம் சாட்டப்பட்டுள்ளது. எனவே, இதுகுறித்து டில்லி முதல்வர் ஷீலா தீட்சித்துக்கு எதிராக, சி.பி.ஐ., விசாரிக்க வேண்டும் என, பா.ஜ., வலியுறுத்துகிறது. இது தொடர்பான மனுவை, சி.பி.ஐ., இயக்குனர் ஏ.பி.சிங், பிரதமர் மன்மோகன் சிங், மத்திய கணக்கு தணிக்கை துறையின் முன்னாள் ஆடிட்டர் ஜெனரல் சுங்குலு ஆகியோருக்கு அனுப்பி வைத்துள்ளோம். மேலும், இதுகுறித்து சி.பி.ஐ., விசாரணைக்கு உத்தரவிடக்கோரி, கோர்ட்டையும் அணுகவுள்ளோம். இவ்வாறு விவேக் கார்க் கூறினார்.

பதில் அளிக்க முதல்வர் ஷீலா தீட்சித் தயார் : காமன்வெல்த் போட்டிகள் தொடர்பாக டில்லி அரசு மீது கூறப்பட்டுள்ள குற்றச்சாட்டுகளுக்கு, பதில் அளிப்பதற்கான நடவடிக்கைகளை, முதல்வர் ஷீலா தீட்சித் முடுக்கி விட்டுள்ளார். கடந்தாண்டு டில்லியில் நடந்த காமன்வெல்த் போட்டிகளில் மிகப் பெரிய அளவில் ஊழல் நடந்ததாக, புகார் தெரிவிக்கப்பட்டது. போட்டி ஏற்பாட்டுக் குழு தலைவராக இருந்த சுரேஷ் கல்மாடி கைது செய்யப்பட்டுள்ளார். இந்நிலையில், காமன்வெல்த் போட்டிகளில் நடந்த முறைகேடுகள் மூலம், டில்லி மாநில அரசுக்கு இழப்பை ஏற்படுத்தியதாக, முதல்வர் ஷீலா தீட்சித் மீது, மத்திய கணக்கு தணிக்கை அலுவலகம் அறிக்கை தாக்கல் செய்தது. இதுகுறித்து, டில்லி மாநில அரசு அதிகாரி ஒருவர் கூறியதாவது: காமன்வெல்த் போட்டிகள் தொடர்பாக, ஏற்கனவே சுங்குலு கமிட்டி அறிக்கை தாக்கல் செய்துள்ளது. இதற்கு பதில் அளிப்பதற்காக, சம்பந்தப்பட்ட துறைகள் போதிய நடவடிக்கைகளை மேற்கொண்டுள்ளன. தற்போது, மத்திய கணக்கு தணிக்கை அலுவலகமும் அறிக்கை தாக்கல் செய்துள்ள நிலையில், ஒவ்வொரு அலுவலகம் மீதும் கூறப்பட்டுள்ள புகாருக்கு, தகுந்த பதில்களை தயார் செய்யும்படி, முதல்வர் உத்தரவிட்டுள்ளார். எனவே, சம்பந்தப்பட்ட துறைகள், இதற்கான நடவடிக்கைகளை முடுக்கி விட்டுள்ளன. ஒவ்வொரு துறையும் இது தொடர்பான விரிவான அறிக்கையை, விரைவில் தயார் செய்யவுள்ளன. இவ்வாறு அந்த அதிகாரி கூறினார். 

ஸ்பெக்ட்ரம் ஆய்வறிக்கையை மறு ஆய்வுக்கு அனுப்புவதா? : ஜோஷி மீது காங்கிரஸ் பாய்ச்சல்

புதுடில்லி: "2ஜி' ஸ்பெக்ட்ரம் ஒதுக்கீடு தொடர்பான ஆய்வறிக்கையை, பொதுக் கணக்கு குழு உறுப்பினர்களின் மறு ஆய்வுக்கு அனுப்ப, முரளிமனோகர் ஜோஷி முடிவு செய்துள்ளது, உள்நோக்கம் கொண்டது' என, காங்கிரஸ் கட்சி குற்றம் சாட்டியுள்ளது. காங்கிரஸ் செய்தி தொடர்பாளர் அபிஷேக் சிங்வி கூறியதாவது: "2ஜி' ஸ்பெக்ட்ரம் ஒதுக்கீட்டில் நடந்த முறைகேடு குறித்து, முரளிமனோகர் ஜோஷி தலைமையிலான பார்லிமென்ட் பொதுக் கணக்கு குழு, ஏற்கனவே ஆய்வு செய்தது. இது தொடர்பாக, ஜோஷி தாக்கல் செய்த அறிக்கையில், பிரதமர் மன்மோகன் சிங், முன்னாள் நிதி அமைச்சர் சிதம்பரம் ஆகியோரின் செயல்பாடுகள் குறித்து, கேள்வி எழுப்பப்பட்டது.
ஜோஷியின், இந்த தன்னிச்சையான அறிக்கையை, பொதுக் கணக்கு குழு உறுப்பினர்கள் ஏற்கவில்லை. சபாநாயகர் மீரா குமாரும் நிராகரித்து விட்டார். இந்நிலையில், பழைய பார்லிமென்ட் பொதுக் கணக்கு குழுவின் பதவிக் காலம் முடிவடைந்து விட்டது. புதிய பொதுக் கணக்கு குழுவின் தலைவராக, முரளி மனோகர் ஜோஷியே, மீண்டும் பதவியேற்றுள்ளார். இதையடுத்து, ஏற்கனவே தாக்கல் செய்த அறிக்கையில் திருத்தம் செய்து, பொதுக் கணக்கு குழுவின் உறுப்பினர்களின் மறு ஆய்வுக்கு அனுப்ப, ஜோஷி திட்டமிட்டுள் ளார். இது, உள்நோக்கம் கொண்டது. பாரபட்சமானது. ஏற்கனவே நிராகரிக்கப்பட்ட அறிக்கையை, மீண்டும் ஆய்வுக்கு அனுப்புவது சரியான நடவடிக்கை அல்ல. ஏற்கனவே இறந்துபோய் விட்ட அறிக்கைக்கு உயிர் கொடுப்பதற்கு, பார்லிமென்ட் பொதுக் கணக்கு குழு தலைவர் ஒன்றும் மருத்துவர் அல்ல. இவ்வாறு அபிஷேக் சிங்வி கூறினார்.
காங்., மூத்த தலைவரும், பொதுக் கணக்கு குழுவின் உறுப்பினருமான சஞ்சய் நிருபம் கூறுகையில், "முரளி மனோகர் ஜோஷியின் அறிக்கையை, குப்பைத் தொட்டியில் தான் போட வேண்டும். இந்த விஷயத்தை அரசியலாக்குவதால், ஜோஷி தன் பதவியை ராஜினாமா செய்ய வேண்டும். அவருக்கு பதிலாக, வேறு ஒருவரை, பொதுக் கணக்கு குழு தலைவராக நியமிக்க வேண்டும்' என்றார்.

பா.ஜ., ஆவேசம்: பா.ஜ., மூத்த தலைவர் எஸ்.எஸ்.அலுவாலியா கூறுகையில், ""ஏற்கனவே தாக்கல் செய்யப்பட்ட அறிக்கை, நிராகரிக்கப்பட்ட சூழ்நிலையில், அதை மறுஆய்வு செய்வதில் என்ன தவறு இருக்க முடியும். அதைத் தான், தற்போது ஜோஷி செய்கிறார். இந்த விஷயத்தை, காங்கிரஸ் கட்சி, தேவையில்லாமல், அரசியலாக்குகிறது,'' என்றார். 

காவி மயமாக போகும் இந்தியா, கருவர்க்கப்போகும் காங்கிரஸ்

‘ஊழலை ஒழிக்கிறோம்’ என்ற புதிய முகமூடியுடன் இந்துத்துவா மதவாதி சக்திகள், பாபா ராம்தேவ், அன்னா ஹசாரே போன்ற ரூபத்தில் புதிய உண்ணாவிரத நாடகங்களை தலைநகர் டெல்லியில் அரங்கேற்றுகின்றன.

சுமார் 18 கோடி ரூபாய் செலவில் டெல்லி ராம்லீலா மைதானத்தில் மின்விசிறிகள், மேடைகள் முதலிய தடபுடல் ஏற்பாடுகள்.

தொலைக்காட்சி ஊடகங்கள், ஏடுகள் இவற்றுக்கு அபார விளம்பரங்கள் தருவதோடு, இப்படி இரட்டை வேடதாரிகள் “தூய யோவான்களாகவும் சித்திரித்து, படித்த பாமரர்களையும் ஏமாற்றிடத் துணை போகின்றன ஹிந்துத்துவா சக்திகள்!

அரசியலில் ஊழலை ஒழிக்குமுன் ஆன்மீகத்தைச் சரி செய்யுங்கள்!

அரசியலைத் தூய்மைப்படுத்தும் முன்பு இவர்கள் சார்ந்த ஆன்மீகம், மதங்களில் அன்றாடம் நடக்கும் கொலை, கொள்ளை, மோசடிகளைத் தடுத்து நிறுத்த முதலில் உழைக்க வேண்டாமா?

அப்பாவி மக்களைக் கவருவதற்காக கறுப்புப் பணம், வெளிநாட்டு வங்கிகளில் உள்ள பணத்தை கொண்டு வருதல் போன்ற பல்வேறு திட்டங்களை முன் வைத்து மத்திய அரசாங்கத்தை “பயமுறுத்திட” இப்படி ஒரு உண்ணாவிரத நாடகத்தைத் துவக்கி, ஊடகங்கள் ஊதிப் பெருக்குவதால் நடத்திட முன் வந்துள்ளனர்; பாபா ராமதேவ், அன்னாஹசாரே போன்றவர்கள் புதிய அவதாரங்கள்!

மத்தியில் உள்ள அய்க்கிய(அ)யோக்கிய முற்போக்குக் கூட்டணி குறிப்பாக காங்கிரஸ் தலைமையில் உள்ள ஆட்சிக்கு எதிராக பா.ஜ.க. காவி ஆட்சியை மீண்டும் கொண்டு வரவே இப்படிப்பட்ட திடீர் ஊழல் ஒழிப்பு திடீர்க் காட்சிகள்!

டில்லியில் இதில் அரசியல்வாதிகள் மேடையில் இருக்க அமைதிக்கப்பட மாட்டார்களாம்! மாறாகக் கலந்து கொள்பவர்கள் யார் யார் தெரியுமா?

1. விசுவ இந்து பரிஷத் அமைப்பின் தலைவர் அசோக் சிங்கால்.
2. சாத்வி ரிதம்பரா
3. ஆர்.எளி.எளி.அமைப்பினர்
4. இந்து அமைப்புகள்.

பாபர் மசூதி இடிப்புக் குற்றவாளிகள்., இதில் அசோக் சிங்கால், சாத்வி ரிதம்பரா போன்றவர்கள் பாபர் மசூதி இடிப்பில் சம்பந்தப்பட்டு, குற்றம் சுமத்தப்பட்டவர்கள்; ஜளிடீளி லிபரான் கமிஷன் என்ற அறிக்கையை காங்கிரளி கட்சி செயல்படுத்தாமல் கிடப்பில் போட்டு விட்டதே! அதிலும் அலகாபாத் உயர்நீதிமன்ற வழக்கிலும் இவர்கள் எல்லாம் உள்ளனர்!

இதை அய்க்கிய (அ)யோக்கிய முற்போக்கு முன்னணி ஆட்சித் தலைமை, பிரதமர், அமைச்சர்கள் எவருமா புரிந்து கொள்ளவில்லை?

ஊழலை ஒழிக்க தயங்காது என்று கூறும் மத்திய அரசு தலைமை, இந்த சாமியார்களிடம் ஏன் கெஞ்ச வேண்டும் அமைச்சர்களை தூது அனுப்பி இதை நிறுத்திடும்படிக் கெஞ்சுதல், கொஞ்சுதல் செய்ய வேண்டும்? அவ்வளவு பலவீனமான அரசாக இயங்குவது நல்லதா? இந்த அரசாங்கம் எதற்கு.

இந்த அரசியல் அலங்கோலங்கள்பற்றி நினைத்தால் ஜனநாயகம் இப்படி கேலிக் கூத்தாக்கப்படுகிறதே என்று எண்ணி வேதனைப்பட வேண்டியுள்ளது!

மீண்டும் காவிகள் அரியணை ஏறவே இந்த ஆயத்தங்கள் என்பதை புரிய வைக்க வேண்டியது முற்போக்குச் சிந்தனை உடைய தலைவர்களின் கடமையாகும்.

பார்பன பத்திரிக்கைகளும் ஒத்து ஊதுகிறது

கர்நாடக முதல்வர் பதவியேற்பு விழாவை புறக்கணித்தனர் 40 எம்.எல்.ஏ.,க்கள்

 கர்நாடகாவின் புதிய முதல்வராக பொறுப்பேற்றுள்ள சதானந்த கவுடா முதல் நாளிலேயே சிக்கலை சந்தித்தார். அவரது பதவியேற்பு விழாவை, ஜெகதீஷ் ஷெட்டார் மற்றும் அவரது ஆதரவு எம்.எல்.ஏ.,க்கள் புறக்கணித்ததால் பரபரப்பு ஏற்பட்டது.

சுரங்க மோசடி குறித்த லோக் ஆயுக்தா அறிக்கையை அடுத்து, கர்நாடக முதல்வர் பதவியிலிருந்து எடியூரப்பா விலக வேண்டிய சூழ்நிலை ஏற்பட்டது. எனினும் தனது ஆதரவாளரான சதானந்த கவுடாவை முதல்வர் பதவியில் அமர்த்துவதன் மூலம் கட்சியிலும், ஆட்சியிலும் செல்வாக்கை தொடர முடிவெடுத்தார் எடியூரப்பா. இதற்கு எடியூரப்பாவின் எதிர்ப்பாளர்களான அனந்த குமார், மாநில பா.ஜ., தலைவர் ஈஸ்வரப்பா மற்றும் அமைச்சர் ஜெகதீஷ் ஷெட்டார் ஆகியோர் கடும் எதிர்ப்பு தெரிவித்தனர். அவர்கள் ஜெகதீஷ் ஷெட்டாரை முதல்வராக்க வேண்டும் என கோரிக்கை விடுத்தனர்.

இது தொடர்பாக, பா.ஜ., மூத்த தலைவர்கள் அருண் ஜேட்லி, ராஜ்நாத் சிங் ஆகியோர் சமரச பேச்சு நடத்தியும் எந்த வித உடன்பாடும் ஏற்படவில்லை. இதையடுத்து, நேற்று ரகசிய ஓட்டெடுப்பு நடத்துவது என முடிவு செய்யப்பட்டு, ஓட்டெடுப்பில் சதானந்த கவுடா வெற்றி பெற்றதாக பா.ஜ., மேலிடம் அறிவித்தது. இதைத்தொடர்ந்து, கவர்னரை சந்தித்த சதானந்த கவுடா, ஆட்சியமைக்க உரிமை கோரினார். அவரது பதவியேற்பு விழா இன்று நடந்தது.

எம்.எல்.ஏ.,க்கள் புறக்கணிப்பு: சதானந்த கவுடாவின் பதவியேற்பு விழாவை, ஜெகதீஷ் ஷெட்டாரும், அவரது 40க்கும் மேற்பட்ட எம்.எல்.ஏ.,க்களும் புறக்கணித்தனர். இதனால் பதவியேற்ற முதல் நாளிலேயே கடும் சங்கடத்தை சந்தித்தார் சதானந்த கவுடா. மேலும் ஜெகதீஷ் ஷெட்டாருக்கு துணை முதல்வர் பதவி மற்றும் முக்கிய துறைகளை எதிர்பார்க்கும் அவர்களால், புதிய அரசு மேலும் சிக்கல்களை சந்திக்கும் என எதிர்பார்க்கப்படுகிறது.