முஸ்லீம்களின் உரிமையை உறுதி செய்வேன்: சல்மான் குர்ஷித்!

ஃபரூக்காபாத்,பிப்.11- காங்கிரஸ் கட்சி தலைவர்களில் ஒருவரான சட்ட துறை அமைச்சர் சல்மான் குர்ஷித் தனது மனைவி போட்டியிடும் ஃபரூக்காபாத் தொகுதியில் தேர்தல் பிரச்சாரம் மேற்கொண்டார்.

அப்போது பிற்படுத்தப்பட்ட வகுப்பினருக்காக ஒதுக்கப்பட்டுள்ள 27 சதவிகிதத்தில் சிறுபான்மையினருக்கான உள் ஒதுக்கீடு 9 சதவிகிதமாக உயர்த்தப்படும் என கூறியுள்ளார்.

"கப்பல் போக்குவரத்தை நிறுத்த வேண்டும்"

தமிழக முதல்வர் ஜெ ஜெயலலிதா தமிழகத்தின் தூத்துக்குடிக்கும் இலங்கைத் தலைநகர் கொழும்புக்கும் இடையேயான கப்பல் போக்குவரத்து திட்டத்தை இடைநிறுத்த வேண்டும் என்று தமிழக முதல்வர் ஜெயலலிதா இந்தியப் பிரதமரிடம் கோரிக்கை விடுத்துள்ளார். இந்தத் திட்டமானது தமிழக மக்களின் உணர்வுகளுக்கு எதிராக உள்ளதாகவும் அவர் தெரிவித்துள்ளார். பல ஆண்டுகால இடைவெளிக்குப் பின்னர் கடந்த திங்கள் கிழமையன்றுதான் இத் திட்டம் தூத்துக்குடியில் இருந்து ஆரம்பிக்கப்பட்டது. துவக்க விழாவில் மாநில அரசு அதிகாரிகளும், அதிமுக எம் எல் ஏ வும் கலந்து கொள்ளவில்லை. தூத்துக் குடியிலிருந்து திங்கள் மாலை புறப்பட்ட கப்பல் செவ்வாய்க்கிழமை அதிகாலை கொழும்பு சென்றடைந்துள்ளது. அதேபோல இலங்கையில் மீள் குடியேற்றம் எந்த அளவுக்கு இருக்கிறது என்பதை நேரில் கண்டறிய தமிழக சட்டமன்ற உறுப்பினர் குழுவை அங்கு அனுப்ப வேண்டும் என்றும் முதல்வர் கோரியுள்ளார். ப சிதம்பரம் ராஜினாமா செய்யவேண்டும் மத்திய உள்துறை அமைச்சர் ப சிதம்பரம் 2009 ஆம் ஆண்டு நடைபெற்ற நாடாளுமன்றத் தேர்தலின் போது முறை கேடாக ஜெயித்தார் என்றும், அதனால் அவர் பதவி விலக வேண்டும் என்றும் தற்போது டில்லி சென்றுள்ள தமிழக முதல்வர் ஜெயலலிதா கோரியுள்ளார். "சிதம்பரம் தேர்தலில் ஜெயிக்கவில்லை. உண்மையில் தேர்தலில் ஜெயித்தது எங்கள் கட்சி வேட்பாளர்தான். சிதம்பரம் தற்போது நாட்டை ஏமாற்றுகிறார்". என்றார் முதல்வர் ஜெயலலிதா. தேர்தல் முடிவுகள் குறித்த விபரங்களை கணினியில் பதிவு செய்யும் நபர் செய்த மோசடியால் சிதம்பரம் வென்றதாக அறிவிக்கப்பட்டது என்றும் ஜெயலலிதா கூறினார். இது தொடர்பான ஒரு வழக்கு ஏற்கனவே அதிமுக சார்பில் தொடுக்கப்பட்டுள்ளது. வழக்கு விசாரணை நடைபெறும் நிலையில் இதுபோன்ற குற்றச்சாட்டுக்களை கூறுவது நீதிமன்றத்தை அவமதிக்கும் செயலாகும் என்று உள்துறை அமைச்சர் ப சிதம்பரம் தெரிவித்துள்ளார். அதே போல 2ஜி வழக்கில் தற்போது குற்றச்சாட்டுக்களை எதிர்கொண்டுவரும் மத்திய ஜவுளித் துறை அமைச்சர் தயாநிதி மாறன் தாமாக முன்வந்து பதவி விலகாவிட்டால், அவரை பிரதமர் விலக்க வேண்டும் என்றும் ஜெயலலிதா கூறினார். முன்னதாக பிரதமர் மன் மோகன் சிங் அவர்களைச் சந்தித்த ஜெயலலிதா, தமிழகத்துக்கு கூடுதல் மின்சாரத்தை அளிக்க வேண்டும் என்று வற்புறுத்தியுள்ளார். காங்கிரஸ் கட்சியும் திமுகவும் கூட்டணி உறவு பேணும் நிலையில் தாம் காங்கிரஸ் தலைவர் சோனியா காந்தியை சந்திப்பது முறையாக இருக்காது என்றும் முதல்வர் தெரிவித்தார்

உள்துறை அமைச்சர் ப.சிதம்பரம் ராஜினாமா செய்ய வேண்டும் - ஜெயலலிதா!

மத்திய உள்துறை அமைச்சர் ப.சிதம்பரம் மோசடி செய்து மக்களவைத் தேர்தலில் வெற்றிபெற்றார் என்றும் அவர் உடனடியாக தம் பதவியை ராஜினாமா செய்ய வேண்டும் என்றும் தமிழக முதல்வர் ஜெயலலிதா கேட்டுக் கொண்டுள்ளார். 

சிவகங்கை நாடாளுமன்றத் தொகுதியில் போட்டியிட்ட சிதம்பரம் தோல்வியைத் தழுவியதாகவும் அதிமுக வேட்பாளர் ராஜகண்ணப்பனே வெற்றி பெற்றதாகவும் மோசடி செய்து சிதம்பரம் வெற்றி பெற்றதாக அறிவிக்கப் பட்டது என்றும் அது குறித்த வழக்கு நீதிமன்றத்தில் நிலுவையில் உள்ளதாகவும் ஜெயலலிதா தெரிவித்தார்.

தேர்தல் கமிசனின் ஆச்சரியமான செயல்பாடு!

தமிழகம் உள்ளிட்ட 4 மாநில சட்டமன்றங்களுக்கும், புதுச்சேரி யூனியன் பிரதேசத்துக்கும் தேர்தல் நடைபெறும் தேதியை இந்திய தலைமைத் தேர்தல் ஆணையர் எஸ்.ஒய். குரேசி அறிவித்தார். அந்த அறிவிப்பில் தமிழ்நாடு, கேரளா மற்றும் புதுச்சேரிக்கு ஏப்ரல் 13 அன்றும் அஸ்ஸாம் மாநிலத்துக்கு ஏப்ரல் 4 மற்றும் 11 ஆகிய தேதிகளிலும், மேற்கு வங்கத்துக்கு மே 18 ,23 ,27 , மே 3 , 7 மற்றும் 10 ஆகிய தேதிகளில் ஆறு கட்டங்களாகவும் தேர்தல் நடைபெறும் என தெரிவிக்கப் பட்டது.

தேர்தல் முடிந்த பிறகு மொத்தமாக 4 மாநிலங்கள் மற்றும் புதுச்சேரி யூனியன் பிரதேசத்துக்கும் சேர்த்து மே 13 அன்று வாக்கு எண்ணிக்கை நடைபெறும் என்றும் தேர்தல் ஆணையம் அறிவித்துள்ளது. இதன்படி மேற்கு வங்கத்தைத் தவிர மற்ற மாநிலங்கள் வாக்கு எண்ணிக்கை முடிவுக்காக தேர்தல் முடிந்து 1 மாதம் காத்து இருக்க வேண்டும். இந்திய தேர்தல் வரலாற்றிலேயே ஒரு மாத காலம் இடைவெளியில் வாக்கு எண்ணிக்கை நடைபெற இருப்பது இதுவே முதல்முறை. எதற்காக இந்த ஒரு மாத கால இடைவெளி என்று தெரிய வில்லை. கடந்த 2006 தமிழக சட்டசபைத் தேர்தல் மே 8 அன்று தேர்தல் நடத்தப் பட்டு மூன்று நாட்கள் இடைவெளியில் மே 11 அன்றே வாக்கு எண்ணிக்கை நடைபெற்று முடிவு அறிவிக்கப்பட்டது.

மேற்கு வங்கத்திலும் கடந்த 2006 சட்டமன்றத் தேர்தல் ஏப்ரல் 17 முதல் மே 8 வரை 5 கட்டங்களாக நடத்தப் பட்டு மே 11 அன்று மூன்று நாட்களிலேயே வாக்கு எண்ணிக்கை நடைபெற்றது. அது போலவே இந்த முறையும் தமிழகம் உள்ளிட்ட பிற மாநிலங்களில் தேர்தலைத் தாமதமாக நடத்தி வாக்கு எண்ணிக்கையை எல்லா மாநிலங்களுக்கும் சேர்த்து ஒரே நாளில் நடத்த திட்டமிட்டு இருக்கலாம் அல்லது மேற்கு வங்கத்தைத் தவிர்த்து மற்ற மாநிலங்களுக்குத் தேர்தல் நடைபெற்ற மூன்று நாட்களுக்குள் தேர்தல் முடிவை அறிவிக்கலாம். இரண்டையும் தவிர்த்து விட்டு அரசியல் கட்சிகளின் நலனுக்காக தேர்தல் ஆணையம் இத்தகைய முடிவெடுத்து இருக்கிறதோ என்ற சந்தேகம் பரவலாக எழுந்துள்ளது.

மேலும் அதிகபட்சமாக மூன்று நாட்கள் அல்லது ஒரு வார கால அளவிற்குள் வாக்கு எண்ணிக்கையை நடத்தி முடிப்பது வாக்கு இயந்திரங்களை இரவு பகலாக பாதுகாத்து வரும் காவல்துறையினருக்குப் பெரும் உதவியாக இருக்கும். ஒரு மாத கால இடைவெளி இருப்பதால் தவறுகள் நடைபெறவும் பிரச்சனைகள் ஏற்படவும் சாத்தியக் கூறுகள் உள்ளன. மேலும் தமிழகத்தில் புதிய சட்டசபை தேர்ந்தெடுக்கப் பட மே 16 வரை கால அவகாசம் உள்ள நிலையில் ஏப்ரல் 13 அன்றே தமிழகத்தில் தேர்தல் நடத்தி முடிக்க தேர்தல் ஆணையம் முடிவெடுத்து இருப்பது ஏன் என்ற கேள்வியும் நம்முள் எழவே செய்கிறது.

தேர்தல் ஆணையம் என்பது அரசியல் கட்சிகளுக்குக் கட்டுப் படாத சுதந்திரமான ஒரு அமைப்பு. டி.என் சேஷன் போன்ற சிலர் தைரியமாக சில முடிவுகளை எடுத்த போதும் ஆளும் கட்சிகளுக்கு கூட்டணி பேச்சுவார்த்தை நடத்தும் அளவுக்குச் சில ஆணையர்கள் இப்பொறுப்பை வகித்துள்ளனர் என்பதும் நமக்குத் தெரியாததல்ல. 4 மாநில மற்றும் புதுச்சேரி யூனியன் பிரதேச தேர்தல் அறிவிப்பிலும் தேர்தல் ஆணையம் ஆளும் அரசியல் கட்சிகளின் எதிர்பார்ப்பை நிறைவேற்றியுள்ளதோ என்ற சந்தேகமும் எழுகிறது.

இதற்கிடையில், ஏப்ரல் 13 தேர்தல் தேதி அறிவிப்புக்கு எதிராக கிட்டத்தட்ட அனைத்து கட்சிகளும் எதிர்ப்பு தெரிவித்துள்ளன. இறுதியாக தமிழக முதல்வர் கருணாநிதியும் தன் எதிர்ப்பைப் பதிவு செய்துள்ளார். இந்த எதிர்ப்புக்குப் பாஜக, "சித்திரை தமிழ் வருடப்பிறப்பு கொண்டாட்டத்துக்கு இத்தேதி அறிவிப்பு தடையாக இருக்கும்" என்று காரணம் தெரிவித்துள்ளது. பள்ளி இறுதி ஆண்டுத்தேர்வுகள் இதே காலகட்டங்களில் நடைபெறும் என்பதால், தேர்தல் பிரச்சாரம் பள்ளி மாணவர்களின் படிப்புக்கு மிகப்பெரிய இடையூறாக இருக்கவும் வாய்ப்புள்ளது. அதே போன்று தேர்தலுக்காக அரசு ஊழியர்கள் பயன்படுத்தப்படுவர் என்பதால், அதுவும் பள்ளித்தேர்வுகளுக்குப் பல இடையூறுகளை ஏற்படுத்தும்.

இவற்றையெல்லாம் கருத்தில் கொண்டு, இப்போதே பல்வேறு அரசியல் கட்சிகளும் தேர்தல் தேதியை மாற்ற கோரிக்கை விடுத்து வருகின்றன. தமிழக முதல்வரும் தமிழகத் தேர்தல் தேதியை அறிவித்ததில் இவ்வளவு அவசரம் ஏன்? என்று வினவியுள்ளார். ஆனால், தமிழக தலைமை தேர்தல் அதிகாரி, அறிவிக்கப்பட்ட தேர்தல் தேதியை மாற்றும் பேச்சுக்கே இடமில்லை என்று அறிவித்து விட்டார்.

ஏப்ரல் 13ஆம் தேதி தேர்தல் நடத்தி 15 அல்லது 16ஆம் தேதி தேர்தல் முடிவுகளை வெளியிட்டால், அந்த முடிவுகள் மற்ற மாநிலத்தின் தேர்தலில் எதிரொலிக்க வாய்ப்பு உள்ளதாகக் கருதினால், ஒரே கட்டமாகத் தேர்தல் நடத்த உத்தேசித்துள்ள தமிழ்நாடு, கேரளா மற்றும் பாண்டிச்சேரி ஆகிய மாநிலங்களில் தேர்தலை இறுதிக்கட்டமாக நடத்தி இருக்கலாம். அதைவிடுத்து, தேர்தல் முடிவுகளை அறிந்து கொள்ள 1 மாதம் காத்திருக்க வேண்டும் என்ற தேர்தல் ஆணையத்தின் அறிவிப்பு ஏமாற்றத்தையே தருகிறது.

எது எப்படியோ தேர்தல் ஆணையத்தின் இத்தகைய தேர்தல் அறிவிப்பால் பெரிதும் பாதிக்கப் பட போவது மாணவர்களே என்பதில் எவ்வித ஐயமுமில்லை. இன்னும் ஒன்றரை மாத காலம் கூட இல்லாத நிலையில் கல்லூரிகள் அனைத்தும் ஏப்ரல் 13 க்குள் தேர்வுகளை நடத்தி முடிக்க திட்டமிட வேண்டும். தமிழகத்தில் அமைதியான முறையில் மாணவர்களுக்கோ பொதுமக்களுக்கோ பெரிதும் சிரமத்தைத் தராமல் இத் தேர்தல் நடத்தி முடிக்கப் படுவதோடு, ஒரு மாதகாலத்துக்கு ஓட்டு இயந்திரங்களைப் பாதுகாக்கும் விஷயத்தில் பிரச்சனைகள் ஏற்படாமல் இருக்க வேண்டும் என்பதே பொதுமக்களின் விருப்பமாகும்

திக மூலம் காங்கிரஸுக்கு மீண்டும் எச்சரிக்கை!

"திமுக கூட்டணியில் அதிக இடங்களைக் கேட்டுத் தொடர்ந்து நெருக்கடி கொடுத்து வரும் காங்கிரசை கூட்டணியில் இருந்து வெளியேற்றுவது பற்றி திமுக உயர்நிலைக் குழு கூட்டத்தில் முடிவெடுக்க வேண்டும்" என்று திராவிடர் கழக தலைவர் கி. வீரமணி கோரிக்கை விடுத்துள்ளார்.

தொகுதி பங்கீடு விஷயத்தில் நாளுக்கு நாள் காங்கிரஸ் அதிக நெருக்கடிகளைத் திமுகவுக்குக் கொடுத்துவருகிறது. இறுதியாக 51 லிருந்து 60 தொகுதிகள் வரை இறங்கி வந்த கருணாநிதி, இன்று தொகுதி உடன்பாடு கையெழுத்தாகும் என்று எதிர்பார்த்திருந்த வேளையில், நேற்றிரவு "63 தொகுதிகள் மற்றும் கேட்கும் தொகுதிகள்" என்ற புதிய கோரிக்கையைக் காங்கிரஸ் வைத்தது.

இதில் அதிக எரிச்சலடைந்த முதல்வர் கருணாநிதி, "இது முறைதானா?" என்று காட்டமான கேள்வியுடன் இன்று அறிக்கை வெளியிட்டார். அத்தோடு, இன்று கூடும் திமுக உயர் நிலைக்குழு கூட்டத்தில் இது தொடர்பாக இறுதி முடிவெடுக்கப்படும் என்றும் அறிவித்தார்.

இந்நிலையில், "இன்றைய உயர் நிலைக்குழு கூட்டத்தில் காங்கிரஸைக் கூட்டணியிலிருந்து வெளியேற்ற முடிவெடுக்கவேண்டும்" என தி.க தலைவர் கி. வீரமணி கோரிக்கை விடுத்துள்ளார்.

இது தொடர்பாக செய்தியாளர்களிடம் அவர் பேசும் போது, "தொகுதிப் பங்கீடு விஷயத்தில் தொடர்ந்து நெருக்கடி கொடுத்து வரும் காங்கிரசுக்குத் திமுக உடன்படக் கூடாது. கூட்டணியில் காங்கிரசைத் தவிர்ப்பது பற்றி திமுக உயர்நிலைக் குழு கூட்டத்தில் முடிவெடுக்க வேண்டும்.

மக்களிடையே திமுகவிற்குச் செல்வாக்கு இருக்கிறது. இந்தச் செல்வாக்கையும் இப்போது கூட்டணியில் இருக்கின்ற கட்சிகளையும் வைத்து தேர்தலைச் சந்தித்தாலே திமுக வெற்றி பெற்றுவிடும்" என்று கூறினார்.

இதற்கு முன்னரும் ஒருமுறை வீரமணி இத்தகையதொரு அறிக்கை வெளியிட்டிருந்தார். திமுக தலைவர் கருணாநிதியின் சம்மதமின்றி தி.க தலைவர் கி.வீரமணி இது போன்ற அரசியல் விஷயங்களைப் பேசுவதில்லை என்றொரு கருத்து நிலவும் நிலையில், அவருடைய இப்போதைய கருத்து முதல்வர் கருணாநிதியே வீரமணி மூலமாக காங்கிரசுக்கு இறுதி எச்சரிக்கை கொடுப்பதாகவே அரசியல் விமர்சகர்கள் கருதுகின்றனர்.

இரண்டு நாட்களுக்கு முந்தைய வீரமணியின் அறிக்கையில், "இனியும் இனியும் திமுக குட்டக் குட்டக் குனியக் கூடாது. சுயமரியாதையைக் காக்க துணிச்சலுடன் முடிவெடுக்க வேண்டும்" என்று கூறப்பட்டிருந்தது குறிப்பிடத்தக்கது.

"இன்று மாலை கூடும் திமுக உயர் நிலைக்குழு கூட்டத்தில், காங்கிரஸை வெளியேற்றும் முடிவை எடுக்க நாங்கள் தயங்கமாட்டோம்" என்று மறைமுகமாக திமுக காங்கிரஸுக்குக் கூறும் இறுதி எச்சரிக்கையாகவே இப்போதைய வீரமணியின் அறிக்கையையும் எடுத்துக்கொள்ள வழியிருக்கிறது.

ஆனால்,

நடிகர் விஜயகாந்தின் தேமுதிக, அதிமுக கூட்டணியில் போட்டியிடுவது உறுதியாகி விட்ட நிலையில் மூன்றாவது அணி அமைவதற்கான சாத்தியக்கூறுகள் எதுவும் இல்லையாதலால், திமுக கூட்டணியினை விட்டுக் காங்கிரஸை வெளியேற்ற திமுகவும் திமுகவிலிருந்து விலகி தனித்துப் போட்டியிடும் விஷப்பரீட்சை முடிவைக் காங்கிரஸும் எடுக்காது என்பதே இப்போதைய நிலை. என்ன நடக்கப்போகிறது என்பது இன்னும் 24 மணி நேரத்துக்குள் தெளிவாகி விடும்

இலை' தேடும் 'சிறுத்தை'!

தி மு க வின் தோழமைக் கட்சியாக இருந்து வரும் விடுதலைச் சிறுத்தைகள் கட்சியும், அதிலிருந்து விடுபட்டு அதிமுக அணியில் இடம்பெறத் தீவிர முயற்சிகளை மேற்கொள்வதாகத் தகவலறிந்த அரசியல் வட்டாரங்கள் கூறுகின்றன. வர இருக்கும் 2011 சட்டப் பேரவைத் தேர்தலில் திமுக அணியில்தான் விடுதலைச் சிறுத்தைகள் தொடர்கிறது என்று தில்லியில் செய்தியாளர்களிடம் முதல்வர் கருணாநிதி அறிவித்தார் என்றாலும், விடுதலைச் சிறுத்தைகள் இதே அணியில் இருக்குமா என்கிற சந்தேகம் அரசியல் வட்டாரத்தில் எழுந்துள்ளது.

விஜயகாந்த்தின் தே மு தி க அதிமுக ஆதரவு நிலைப்பாட்டுக்குப் பின்னர் சிறுத்தை கட்சி இம்முடிவுக்கு வந்திருப்பதாகத் தெரிகிறது.

பா.ம.க.வுக்கு 31 தொகுதிகள் திமுக அணியில் ஒதுக்கப்பட்டிருக்கும் நிலையில், அதற்கு இணையாகத் தங்களுக்கும் மரியாதையான எண்ணிக்கையில் திமுக அணியில் தொகுதிகளை ஒதுக்க வேண்டும் என விடுதலைச் சிறுத்தைகள் கட்சி எதிர்பார்ப்பதாகத் தெரிகிறது . இந்த முறை இரட்டை இலக்கத்தில் எம்.எல்.ஏ.க்கள் வெற்றி பெறும் அளவுக்கு கூடுதலான தொகுதிகளில் போட்டியிட வேண்டும் என்பது அக்கட்சியின் விருப்பக் கோரிக்கையாக உள்ளது.

கடந்த 2006 ச.ம. தேர்தலில் அதிமுக அணியில் இருந்து 9 தொகுதிகளில் போட்டியிட்ட விடுதலைச் சிறுத்தைகள் 2 இடங்களில் மட்டுமே வெற்றி பெற்றது.

பின்னர் அந்த அணியில் இருந்து வெளியேறி திமுக அணிக்கு ஆதரவு தெரிவித்தது.அதன்பிறகு 2009 மக்களவைத் தேர்தலில் திமுக அணியில் 2 தொகுதிகளில் போட்டியிட்டது. அதில் அக்கட்சியின் தலைவர் தொல்.திருமாவளவன் மட்டும் வெற்றி பெற்றார்.

.காங்கிரஸ் கூடுதல் தொகுதிகள் கேட்பதால், விடுதலைச் சிறுத்தைகளுக்கு அவர்கள் எதிர்பார்ப்பது போல குறைந்தது 15 தொகுதிகளைத் தி.மு.க.வால் தர முடியுமா என்பது சந்தேகம்தான்.

அதுவுமில்லாமல், பா.ம.க.வுடன் சேர்ந்து திமுக அணியில் தேர்தலைச் சந்தித்தால், தங்களுக்கு அரசியல் ரீதியாக பெரிய லாபம் எதுவும் இருக்காது என்பது விடுதலைச் சிறுத்தைகள் கட்சி தலைவர்களின் பரவலான கருத்தாக உள்ளது.

மேலும் ஆளும் திமுக கூட்டணியில் இருந்தும், தங்கள் கட்சியைச் சேர்ந்த சுமார் 50 பேர் குண்டர் சட்டத்தில் சிறையில் அடைக்கப்பட்டிருப்பதும், சில முக்கிய நியமனப் பதவிகளுக்கு திருமாவளவனின் பரிந்துரையை ஏற்காததும் தங்களின் அதிருப்திக்குக் காரணம் என அவர்கள் பட்டியலிடுகின்றனர்.

மேலும், இலங்கைப் பிரச்னையில் காங்கிரஸ் நிலைப்பாடு தங்களுக்கு ஏற்புடையதாக இல்லாத நிலையில் காங்கிரஸ் அங்கம் வகிக்கும் கூட்டணியில் நீடிப்பதிலும் விடுதலைச் சிறுத்தைகளுக்கு தயக்கம் காணப்படுகிறது.

1998-ல் ராஜீவ் காங்கிரஸ் சார்பில் வெற்றி பெற்ற ஒரே ஒரு உறுப்பினராக இருந்த போதும், வாழப்பாடி ராமமூர்த்திக்கு, தேசிய ஜனநாயகக் கூட்டணி அமைச்சரவையில் அமைச்சர் பதவியை அதிமுக தலைமை வாங்கிக் கொடுத்ததுபோல இந்த முறை தொல். திருமாவளவனுக்கு மத்திய அமைச்சரவையில் ஓர் இணையமைச்சர் பதவி கூட திமுக வாங்கித் தரவில்லை என்கிற மனக்குறை விடுதலைச் சிறுத்தைகள் கட்சித் தொண்டர்கள் மத்தியில் காணப்படுகிறது.

பா ம க, வி சி இவ்விரு காட்சிகளின் தொண்டர்கள் இணைந்து செயல்படுவது சாத்தியமில்லை என்கிறார்கள் விவரம் தெரிந்தவர்கள். அப்படி பாமகவும், விடுதலைச் சிறுத்தைகள் கட்சியும் ஒரே அணியில் இருந்து செயல்படுவதாக இருந்தால், இரண்டு கட்சியின் வாக்கு வங்கியிலும் மிகப்பெரிய சரிவு ஏற்பட்டு, அது அதிமுக - தேமுதிக கூட்டணிக்கு சாதகமாகி விடலாம் என்று கணிக்கிறார்கள். குறிப்பாக விடுதலைச் சிறுத்தைகள் கட்சியின் வாக்கு வங்கி கணிசமாக பாதிக்கப்படுமென்று அந்தக் கட்சித் தொண்டர்களே பயப்படுவதாகத் தெரிகிறது.

"திமுகவில் எங்களுக்கு கௌரவமான இடங்கள் தரப்படாத நிலை ஏற்பட்டால் கூட்டணியில் இருந்து வெளியேறுவதைத் தவிர வேறு வழி என்ன இருக்கிறது? தேமுதிகவும் இணைந்து விட்டநிலையில் அதிமுக அணி பலமடைந்து இருக்கிறது. குறைந்த இடங்களில் போட்டியிட்டாலும் அந்த அணியில் வெற்றி உறுதி பெறும்போது, இங்கே திமுக அணியில் குறைந்த இடங்களைப் பெற்று போட்டியிட வேண்டிய அவசியம் என்ன?எங்களுக்கு 15 இடங்கள் தருவதால் திமுக அணிதான் பலப்படுமே தவிர அதனால் நாங்கள் அடையும் பலன், குறைந்த இடங்களில் அதிமுக அணியில் போட்டியிடுவதால் கிடைக்கும் வெற்றிக்குத்தான் சமமாக இருக்கும்' என்கிறார் தொல்.திருமாவளவனின் நம்பிக்கைக்குப் பாத்திரமான தளபதி ஒருவர்.

அதெல்லாம் சரி, பல தொகுதி பங்கீடுகள் முடிந்து விட்ட நிலையில், விடுதலைச் சிறுத்தைகள் கட்சியை அதிமுக அணியில் ஏற்றுக்கொள்வார்களா என்கிற கேள்விக்கு, தங்களுக்கு "தட்டுங்கள் திறக்கப்படும்' என்ற சமிக்ஞை வந்திருப்பதாக வி.சி யின் தளபதி ஒருவர் தெரிவித்துள்ளார்

சோனியா காந்தி - அன்புமணி சந்திப்பு - கருணாநிதி அதிருப்தி

பாமகவின் முன்னாள் மத்திய அமைச்சர் அன்புமணி ராமதாஸ் நேற்று புது டில்லியில் சோனியா காந்தியைச் சந்தித்து தனது வீட்டு திருமணத்திற்கு அழைப்பு விடுத்தார். இது திமுகவை எரிச்சலடைய செய்துள்ளது.

சென்ற மாதம் சோனியாவை சந்தித்த கருணாநிதி, பாமகவைத் துரோகி என சோனியா விமர்சனம் செய்ததாக திமுக பொது குழு கூட்டத்தில் கூறியிருந்தார். சென்ற பாராளுமண்ற தேர்தலுக்கு முன் அமைச்சரவையில் பங்கேற்று, தேர்தல் சமயத்தில் அதிமுகவுடன் கூட்டணி அமைத்த பாமக விஷயத்தில் கவனமாக இருக்குமாறு சோனியா கூறியதாக கருணாநிதி கூறியது பாமக வட்டாரத்தில் கூர்ந்து கவனிக்கப்பட்டது. சோனியா அவ்வாறெல்லாம் பேசக் கூடியவர் அல்ல என்றும், தொகுதி எண்ணிக்கை ஒதுக்கீடு விஷயத்தில் பாமகவிற்குத் திமுக "செக்" வைப்பதற்காக கருணாநிதி அவ்வாறு சொனியா கூறினார் என புரளி கிளப்பி விடுவதாக அரசியல் வட்டாரத்தில் பேசப்பட்டது.

தற்போது அன்புமணியைச் சோனியா சந்தித்தன் மூலம், சோனியா அவ்வாறு கூறியிருக்கமாட்டார் என பாமக வட்டாரங்கள் தெரிவிக்கின்றன. பாமக மீது சோனியா கோபமாக இருந்தால் அன்புமணியைச் சந்தித்து இருக்கமாட்டார் என்றும், அதேபோல் தற்போது மத்திய சுகாதார அமைச்சராக இருக்கும் குலாம் நபி ஆசாத்தும் சந்திப்பின் போது கூட இருந்தது பாமகவிற்குப் புது தெம்பைப் கொடுத்துள்ளது. ஏனெனில் குலாம் நபி ஆசாத் தமிழக காங்கிரஸ் பொறுப்பாளர். ஆகவே அவரும் கூட இருந்தது திமுக தலைமைக்கு எரிச்சலை உண்டு பண்ணியுள்ளது. சோனியாவை அன்புமணி சந்தித்த போது, பாமக குறித்து சோனியா கூறியதாக திமுக கூறியது குறித்து தெரிவித்து இருக்கலாம் என்றும், அவ்வாறு கூறியிருக்கும் பட்சத்தில் சோனியாவின் அதிருப்திக்குக் கருணாநிதி ஆளாக நேரிடலாம் என அரசியல் ஆய்வாளர்கள் நம்புகின்றனர்.

இது திமுக-காங்கிரஸ் கூட்டணி பேச்சுவார்த்தையை வெகுவாக பாதிக்கலாம் எனவும் கருதப்படுகிறது. இதுவரை திமுக பாமக கட்சிகளிடையே உடன்பாடு எதுவும் ஏற்படவில்லை என்பது குறிப்பிடத்தக்கது

மனித நேய மக்கள் கட்சிக்கு 2 தொகுதிகள்?

அதிமுக கூட்டணியில் உள்ள மனித நேய மக்கள் கட்சிக்கு 2 தொகுதிகள் ஒதுக்கப்பட்டுள்ளதாக தகவல்கள் கூறுகின்றன.

தமிழக சட்டமன்றத் தேர்தல் நெருங்கி வருவதால், அரசியல் கட்சிகளிடையே கூட்டணி பேச்சு வார்த்தை நடந்து வருகிறது. அ.தி.மு.க. கூட்டணியில் ம.தி.மு.க., மார்க்சிஸ்டு கம்யூனிஸ்டு, இந்திய கம்யூனிஸ்டு, புதிய தமிழகம், நாடாளும் மக்கள் கட்சி, மனித நேய மக்கள் கட்சி, குடியரசு கட்சி, பார்வார்டு பிளாக், மூவேந்தர் முன்னணி கழகம் ஆகிய கட்சிகள் உள்ளன.

இந்த கட்சிகளுக்கான தொகுதிப் பங்கீடு பற்றிய பேச்சுவார்த்தை நடந்து வந்தது. இந்நிலையில் அ.தி.மு.க. கூட்டணியில் உள்ள சில கட்சிகளுடன் தொகுதி உடன்பாடு முடிந்து விட்டதாக கூறப்படுகிறது.

மனித நேய மக்கள் கட்சி, டாக்டர் கிருஷ்ணசாமி தலைமையிலான புதிய தமிழகம் ஆகிய கட்சிகளுக்கு தலா 2 தொகுதிகள் ஒதுக்கப்பட்டுள்ளதாக கூறப்படுகிறது. நடிகர் கார்த்திக் தலைமையிலான நாடாளும் மக்கள் கட்சிக்கு அ.தி.மு.க. கூட்டணியில் ஒரு தொகுதி ஒதுக்கி உள்ளதாக தெரிகிறது.

டாக்டர் சேதுராமன் தலைமையிலான மூவேந்தர் முன்னணி கழகம், செ.கு. தமிழரசன் தலைமையில் உள்ள இந்திய குடியரசு கட்சி, பி.வி.கதிரவன் பொதுச் செயலாளராக உள்ள அகில இந்திய பார்வர்டு பிளாக் ஆகிய கட்சிகளுக்கும் தலா ஒரு சீட் ஒதுக்க முடிவு செய்யப்பட்டுள்ளதாக தெரிய வந்துள்ளது.

இதுபற்றிய அறிவிப்பு இன்று மாலை அல்லது நாளை வெளியாகலாம் என்று எதிர்பார்க்கப்படுகிறது. ம.தி.மு.க., மார்க்சிஸ்டு கம்யூனிஸ்டு, இந்திய கம்யூனிஸ்டு கட்சிகளுக்கான தொகுதி பங்கீடு குறித்து அ.தி.மு.க. மேலிடத்தில் ஆலோசனை நடத்தி வருகிறது.

அ.தி. மு.க. கூட்டணி கட்சிகளின் தொகுதி பங்கீடு பெரும்பாலும் முடிவடைந்து விட்டதாகவும் வரும் 18ஆம் தேதி அதிகாரப்பூர்வ அறிவிப்பு வெளியாகலாம் என்றும் கூறப்படுகிறது.

கடந்த நாடாளுமன்றத் தேர்தலில் திமுக கூட்டணி 1 தொகுதி ஒதுக்கியதால் மட்டும் அந்தக் கூட்டணியை விட்டு வெளியேறிய மனிதநேய மக்கள் கட்சி, சட்டமன்றத் தேர்தலில் 2 தொகுதிகளுடன் திருப்தி அடையுமா என்பது போகப்போகத் தெரியும்

ஷொராபுதீன் ஷேக் போலி எண்கவுன்ட்டர் ரிப்போர்ட்!

புது டெல்லி: குஜராத் முதலமைச்சர் நரேந்திர மோடியை கொல்ல வந்ததாக கூறி ஷொராபுதீன் என்ற வாலிபர் சில வருடங்களுக்கு முன்னால் சுட்டுக்கொல்லப்பட்டார். அது போலியான என்கவுண்டர் என்ற உண்மை ஏற்க்கனவே வெளிவந்த நிலையில் இன்று அவருடைய பிரேத பரிசோதனை அறிக்கையை ஆர்.டி.ஐ வெளியிட்டுள்ளது. அவருடையை உடம்பில் 5 முறை குண்டு துளைக்கப்பட்டது கண்டு பிடிக்கப்பட்டுள்ளது. அதில் 1 முறை அவரது மூளையிலும், 3 முறை கால்களிலும், மீதி ஒரு முறை உடம்பின் மேற்பகுதியிலும் துளைத்தது என்று கண்டு பிடிக்கப்பட்டுள்ளது. அதிலே தலையில் சுடப்பட்டதால், குண்டு மூளையை துளைத்து பிடறி வழியாக வெளியேறியுள்ளது.
ஆர்.டி.ஐ யில் பணிபுரியும் அஃப்ரோஸ் ஆலம் ஷாஹில் என்பவர் இந்த பிரேத பரிசோதனை அறிக்கையை வெளியிட்டார். ஷொராபுதீன் மற்றும் அவரது மனைவி கவுஸர்பீ-யின் கொலை வழக்கில் எத்தனையோ கைது நடவடிக்கைகள் மேற்கொள்ளப்பட்டும் இக்கொலைக்குற்றத்தின் முக்கிய ஆவணாமாக கருதப்படும் பிரேத பரிசோதனை அறிக்கை முதன்முறையாக வெளியிடப்பட்டுள்ளது.
பீ.ஜே மருத்துவக்கல்லூரி, மற்றும் அகமதாபாதில் உள்ள சிவில் மருத்துவமனையைச்சேர்ந்த 5 மருத்துவர்கள் கொண்ட குழுவால் ஷொராபுதீனின் உடல் பிரேத பரிசோதனை செய்யப்பட்டது. கடந்த வருடம் நவம்பர் மாதம் 26ஆம் தேதி மாலை 4.00 மணி அளவில் பரிசோதனை தொடங்கியதாக மருத்துவர் குழு தெரிவிக்கிறது. அம்மருத்துவர்கள் கூறும்போது ஷொராபுதீன் அவர்கள் பரிசோதனை செய்யபட்ட நேரத்திலிருந்து சமார் 12 மணி நேரத்திற்க்கு முன்பாகவே கொலை செய்யப்பட்டிருக்கலாம் என்றனர்.
பிரேத பரிசோதனை அறிக்கை கூறும் மற்றொரு முக்கியமான விஷயம் என்னவென்றால், ஷொராபுதீன் மிக அருகாமையில் இருந்துதான் சடப்பட்டுள்ளார் என்றும், அப்படி சுடப்பட்டபொழுது அவர் படுத்து இருந்த நிலையிலோ அல்லது குனிந்து இருந்த நிலையிலோ இருந்திருக்கலாம் என்று கூறுகிறது. ஆனால் காவல் துறையின் அறிக்கையோ ஷொராபுதீன் தப்பி ஓட முயன்ற பொழுதுதான் சுட்டதாக தெரிவித்துள்ளனர்.
குஜராத் மாநிலத்தில் நடைப்பெற்ற பல எண்கவுன்ட்டர் வழக்குகளை விசாரித்து வரும் சுப்ரதீப் சக்ரவர்த்தி கூறும்போது தன்னுடைய விசாரனைக்கு சாதகமாக இந்த பிரேத பரிசோதனை அறிக்கை வெளிவந்துள்ளது என்றும், இது உண்மையிலேயே போலி எண்கவுன்ட்டர் தான் என்றும் நீரூபனமாகியுள்ளது என்றார்.
இந்த பரிசோதனை அறிக்கை மட்டும் முன்பே வெளியிடப்பட்டிருந்தால் காவல்துறையினர் கூறுவது படவர்த்தனமான் பொய் என்பது முன்பே தெரிந்திருக்கும் என்று கூறினார். காவல்துறையினர் கொடுத்த அறிக்கையையும் இந்த பிரேத பரிசோதனை அறிக்கையையும் ஒப்பிட்டு பார்த்தால் காவல்துறையினரால் எந்த அளவிற்க்கு பொய் கட்டவிழ்த்து விடப்பட்டுள்ளது என்பதை அறியலாம் என்று கூறினார்.
சகரவர்த்து கூறும்போடு வழக்கறிஞர் ஹுஜேஃபா அஹமதி கூறியதும், இந்த பிரேத பரிசோதனை அறிக்கையும் ஒன்றாகியுள்ளது. கொலை நடைப்பெற்று பல மாதங்களுக்கு பின்னால் இன்று அது போலியான எண்கவுன்ட்டர் என்ற உண்மை தெரியவந்துள்ளது என்றார்..
ஷொராபுதீன் அவர்கள் கடந்த 2005 ஆம் ஆண்டு நவம்பர் மாதம் 26ம் நாள் அகமதாபாதில் வைத்து குஜராத மற்றும் ராஜஸ்தான் காவல்துறையினரால் சுட்டு கொலை செய்யப்பட்டார். அந்த சமயத்தில் காவல்துறையினர் கூறியது ஷொராபுதீன் லக்ஸர்-இ‍-தொய்பா தீவிரவாத இயக்கத்தைச்சார்ந்தவர் என்றும் தப்பி ஓட முயன்ற போது சுட்டுக்கொன்றதாகவும் கூறினர்.

ஆனால் உண்மை என்னவெனில், ஷொராபுதீன் மற்றும் அவரது மனைவி கவுஸர்பீ குஜ்ராத மாநிலத்தின் தீவிரவாத எதிர்ப்பு படையைச்சேர்ந்த காவல்துறையினரால் 2005ஆம் ஆண்டு நவம்பர் மாதம் 23ஆம் தேதி அன்று கடத்தப்பட்டனர். ஷொராபுதீன் ஒரு அரசு பேருந்திலே ஹைதராபாதிலிருந்து குஜராத் வந்து கொண்டிருந்த போது நவம்பர் மாதம் 26 தேதி அன்று அதிகாலையில் நெடுஞ்சாலையில் வைத்து சுட்டுக்கொல்லப்பட்டுள்ளார். பின்னர் 2007 ஆண்டு ஷொராபுதீனின் மனைவி கவுஸர்பீயும் சுட்டுக்கொல்லப்பட்டுவிட்டதாக குஜராத் அரசாங்கம் கூறியது.
இதனைத்தொடர்ந்து சந்தேகத்திற்க்கு இடமான இந்த கொலை வழக்கை பிரசாந்த் தாயல் மற்றும் தாயினிக் பாஸ்க்கர் என்ற இருவர்களை நீதி மன்றத்தின் உத்தரவில் பேரில் இந்த வழக்கை விசாரித்து வந்தனர். பின்னர் இந்த கொலை ஒரு போலியான எண்கவுண்ட்டர் என்ற உண்மையை வெளிப்படுத்தி, டெபுடி கமிஷ்னர் டி.ஜி. வன்சாரா, ஐ.பி.எஸ் அதிகாரி அபே சுதசாமா, மற்றும் குஜராத் மாநிலத்தின் உள்துறை அமைச்சர் அமித்ஷா ஆகியோர் கைது செய்யப்பட்டனர்.

பாஜக ஆட்சியில் ரூ. 1,60,000 கோடி ஊழல்!

பாஜக ஆட்சியில் தொலைத் தொடர்புத் துறையில் ரூ. 1,60,000 கோடி ஊழல் நடைபெற்றுள்ளதாக மத்திய தகவல் தொழில்நுட்பத் அமைச்சர் ஆ. ராசா குற்றம் சாட்டியுள்ளார்.

இதுகுறித்து அவர் மேலும் கூறியது:

பாஜக தலைமையிலான அரசு பதவியில் இருந்தபோது செல்போன் சேவை அளித்த நிறுவனங்களுக்கு அலைக்கற்றைகள் இலவசமாக ஒதுக்கப்பட்டன. டெலிகாம் வரலாற்றில் நடைபெற்ற மிகப் பெரிய முறைகேடு இதுவேயாகும்.

ஸ்பெக்ட்ரம் ஒதுக்கீட்டில் முரண்பட்ட முடிவுகள் உருவானதற்கும் பாஜக அரசுதான் காரணம். ஸ்பெக்ட்ரம் அலைக்கற்றையை ஒதுக்கீடு செய்வது தொடர்பான முடிவு முதலில் கிடப்பில் போட்டதும் பாஜகதான். பின்னர் மிகவும் வசதியான சமயத்தில் 500 மெகாஹெட்ஸ் அலைக்கற்றையை பாஜக அமைச்சரவை ஒதுக்கியது.

2004-ம் ஆண்டு இத்துறை அமைச்சராயிருந்த அருண் செüரி, லைசென்ஸ் கட்டணத்தை 2 சதவீதமாகக் குறைத்தார். அருண் செüரி எடுத்த முடிவினால் மட்டும் ரூ. 900 கோடி இழப்பு ஏற்பட்டதாக ராசா குற்றம் சாட்டினார்.


நன்றி:
http://www.dinamani.com/edition/story.aspx?Title=பாஜக+ஆட்சியில்+ரூ.+1.6+லட்சம்+கோடி+டெலிகாம்+ஊழல்:+ஆ.+ராசா+குற்றச்சாட்டு&artid=147228&SectionID=164&MainSectionID=164&SEO=&SectionName=Latest

உறுப்பினர் சேர்க்கையை புதுப்பிக்கவில்லை; பா.ஜனதாவில் இருந்து திருநாவுக்கரசர் நீக்கம்?- கட்சி மேலிடம் முடிவு.

திரைப்படம்

சென்னை, அக்.6-

பாரதீய ஜனதா கட்சியின் அகிலஇந்திய செயலாளராக இருப்பவர் திருநாவுக்கரசர். டெல்லி மேல்-சபை எம்.பி. ஆக பதவி வகித்து வருகிறார். புதுச்சேரி உள்பட 3 மாநிலங்களுக்கு பா.ஜனதாவின் மேலிட பார்வை யாளராகவும் இருக்கிறார். வாஜ்பாய் மந்திரி சபையில் இணை மந்திரியாக இருந்தார்.

சமீப காலமாக திருநாவுக்கரசர் கட்சியின் செயல் பாடுகளில் பங்கேற்காமல் விலகி இருக்கிறார். பா.ஜனதா மாநில நிர்வாகிகள் கூட்டம், மாநில செயற்குழு கூட்டத்தில் கலந்து கொள்ளவில்லை. இவரது ஆதரவாளர்களும் கட்சியை புறக்கணித்து வருகிறார்கள்.

தற்போது பா.ஜனதாவின் அடிப்படை உறுப்பினர்கள், தீவிர உறுப்பினர்கள் சேர்க்கும் பணி நடந்து வருகிறது. பா.ஜனதாவில் உறுப்பினர்களாக இருப்பவர்கள் தங்கள் உறுப்பினர் சேர்க்கையை புதுப்பித்துக்கொண்டால்தான் கட்சியில் நீடிக்க முடியும்.

பா.ஜனதாவின் தீவிர உறுப்பினர் சேர்க்கையை புதுப்பிக்கும் காலக்கெடு செப்டம்பர் மாதம் 30-ந் தேதியுடன் முடிவடைந்து விட்டது. ஆனால் திருநாவுக்கரசர் தனது உறுப்பினர் சேர்க்கையை இதுவரை புதுப்பிக்கவில்லை.

திருநாவுக்கரசரின் ஆதரவாளரான புதுக்கோட்டை மாவட்ட பா.ஜனதா தலைவர் முருகேசன் உள்பட 16 பேர் கடசியின் தீவிர உறுப்பினர் சேர்க்கையை புதுப்பிக்கவில்லை எனவே பா.ஜனதாவின் மாநில செயற்குழுவில் இதுபற்றி விவாதிக்கப்பட்டது.

கூட்டத்தில் எடுக்கப்பட்ட முடிவின்படி புதுக்கோட்டை மாவட்ட பா.ஜ.க. தலைவர் முருகேசன், தேசிய பொதுக்குழு உறுப்பினர் துரை. திவ்யநாதன், மாநில செயலாளர் சுந்தர்ராஜன், மாநில செயற்குழு உறுப்பினரும், முன்னாள் எம்.எல்.ஏ.வுமான மாதப்பன் மற்றும் வீரண்ணசாமி, பண்ணைவயல் தியாகராஜன் உள்பட 16 பேர் கட்சியில் இருந்து நீக்கப்பட்டனர்.

திருநாவுக்கரசர் அகில இந்திய செயலாளராக இருப்பதால் அவரை கட்சியில் இருந்து நீக்கும் அதிகாரம் மாநில கட்சிக்கு இல்லை. அகில இந்திய தலைவர் ராஜ்நாத்சிங் மட்டுமே நடவடிக்கை எடுக்க முடியும்.

எனவே திருநாவுக்கரசரை கட்சியில் இருந்து நீக்குவது குறித்து கட்சி மேலிடம் முடிவு எடுக்க வேண்டும் என்று மாநில செயற்குழு கட்சி மேலிடத்துக்கு பரிந்துரை செய்வது என்று தீர்மானிக்கப்பட்டது.

ஏற்கனவே திருநாவுக்கரசர் கட்சி உறுப்பினர் சேர்க்கையை புதுப்பிக்கவில்லை. அவரது ஆதரவாளர்களை தமிழக பா.ஜனதா கட்சியை விட்டு நீக்கிவிட்டது. எனவே திருநாவுக்கரசரை கட்சியில் இருந்து நீக்குவது குறித்து கட்சி மேலிடம் பரிசீலித்து வருகிறது. விரைவில் நீக்கப்படலாம் என்று கட்சி வட்டாரங்கள் தெரிவிக்கின்றன.

மக்களவை எதிர்க்கட்சித் தலைவராகிறார் சுஷ்மா சுவராஜ்? RSS சமரசத் திட்டம்!

பாரதிய ஜனதா கட்சியில் ஏற்பட்டுள்ள உட்கட்சிப் பூசலை முடிவிற்குக் கொண்டுவர அத்வானியை எதிர்க்கட்சித் தலைவர் பொறுப்பில் இருந்து விலகச் செய்துவிட்டு, அவருக்கு பதிலாக சுஷ்மா சுவராஜை நியமிப்பது என்று (RSS)ராஷ்ட்ரிய சுயம் சேவக் சங் ஒரு சமரசத் திட்டத்தை முன்வைத்துள்ளதாகத் தெரிகிறது.

புது டெல்லியில் தங்கியுள்ள ராஷ்ட்ரிய சுயம் சேவக் சங்கின் தலைவர் மோகன் பகவத், பாரதிய ஜனதா கட்சியின் தலைவர்களைச் சந்தித்து அவர்களின் கருத்துகளை கேட்டறிந்தார். அதனடிப்படையில் பா.ஜ.க. கட்சி அமைப்பிலும், நாடாளுமன்றத்திலும் பொறுப்பிலுள்ளவர்களை மாற்றும் ஒரு சமரசத் திட்டத்தை தயாரித்துள்ளதாகச் செய்திகள் தெரிவிக்கின்றன.

மோகன் பகவத் தாயாரித்துள்ள அந்த சமரசத் திட்டத்தின்படி, இந்த ஆண்டு இறுதியில் பா.ஜ.க. தலைவர் பதவியில் இருந்து விலகும் ராஜ்நாத் சிங்கிற்கு பதிலாக தற்போது மாநிலங்களவையில் அக்கட்சியின் தலைவராக உள்ள அருண் ஜெய்ட்லி கட்சியின் தலைவராக பொறுப்பேற்பார் என்று கூறப்படுகிறது.

பாரதிய ஜனதா கட்சியின் தலைவராக இருந்து தற்போது அக்கட்சியின் துணைத் தலைவராக உள்ள வெங்கையா நாயுடு, மாநிலங்களவைக் கட்சித் தலைவராவார் என்றும் கூறப்படுகிறது.மக்களவை எதிர்க்கட்சித் தலைவராக உள்ள அத்வானி அப்பொறுப்பில் இருந்து விலகிக்கொள்ள, அவருக்கு பதிலாக சுஷ்மா சுவராஜ் எதிர்க்கட்சித் தலைவராவார் என்று கூறப்படுகிறது. பா.ஜ.க.வின் பிரதமர் பதவி வேட்பாளராக அறிவிக்கப்பட்ட அத்வானிக்கு எதிராக கட்சிக்குள் கடுமையான எதிர்ப்பு தோன்றியுள்ளதையடுத்து அவரை அனைத்துப் பொறுப்புக்களில் இருந்தும் விடுவிப்பது என்பது முடிவாகிவிட்ட ஒன்று என்று கூறப்படுகிறது. கட்சியின் உள்கட்சிப் பூசலிற்கு முடிவு கட்ட மோகன் பகவத் உருவாக்கியுள்ள சமரசத் திட்டம் இறுதி செய்யப்ட்டுள்ள நிலையில், இன்று மாலை அவரை அத்வானி சந்தித்துப் பேசுகிறார்.இந்தச் சந்திப்பிற்குப் பிறகு எடுக்கப்படும் சில முடிவுகளின்படி அனைத்துத் தலைவர்களும் செயல்படுவார்கள் என்று எதிர்பார்க்கப்படுகிறது.

தமிழக இடைத்தேர்தல்:படு கேவலமாக தோற்ற பா.ஜ.க‌

தமிழகத்தில் நடைபெற்ற 5 சட்டமன்றஇடைத்தேர்தலில் தனியாக போட்டியிட்ட பாரதீயஜனதா கட்சியை அத்தொகுதிகளின் மக்கள்முற்றிலும் ஒதுக்கி தள்ளிவிட்டனர்.

மதவாதக்கட்சிக்கு தமிழகத்தில் இடமில்லை என்பதை மீண்டும் ஒருமுறை நிரூபித்துள்ளனர் தமிழக வாக்காளர்கள்.

முகவரியில்லாமல் இருந்த சங்க்பரிவாரத்தின் அரசியல் கட்சியான பாரதீய ஜனதா கட்சியை தமிழக வாக்காளர்களுக்கு அறிமுகப்படுத்தி அண்ட இடம் கொடுத்தவர்கள் தமிழகத்தின் திராவிடக்கட்சிகளான தி.மு.க மற்றும் அ.தி.மு.க கட்சிகள்.பின்னர் இக்கட்சிகள் பா.ஜ.க வை கைக்கழுவியதை அடுத்து கடந்த பாராளுமன்றத்தேர்தலில் நடிகர்கள் சரத்குமார்,கார்த்திக் ஆகியோரின் சில்லறைக்கட்சிகளுடன் இணைந்து போட்டியிட்டது.ஆனால் ஒரு இடத்தில் கூட வெற்றிபெறாமல் களத்திலிருந்து துரத்தப்பட்டது.இந்நிலையில்தான் தமிழகத்தின் 5 சட்டமன்றத்தொகுதிகளுக்கு நடைபெற்ற இடைத்தேர்தலில் நம்பிக்கையிழக்காமல் போட்டியிட்டது.அ.தி.மு.க இடைத்தேர்தலை புறக்கணித்ததால் சந்தடிசாக்கில் ஒரு தொகுதியிலாவது வெற்றி பெற்றுவிடலாம் என்ற நப்பாசையில் இருந்த பா.ஜ.க விற்கு கேவலமான தோல்வியை வழங்கி 5 சட்டமன்ற தொகுதி வாக்காளர்கள் தீர்ப்பளித்துள்ளனர்.

ஆப்பசைத்த குரங்கான பா.ஜ.க எதிர்காலத்தை நினைத்து விழி பிதுங்கி நிற்கிறது.பாசிச பா.ஜ.க விற்கு தமிழக மண்ணில் இடம் இல்லை என்று மீண்டும் ஒரு முறை தீர்ப்பளித்த 5 சட்டமன்ற வாக்காளர்களுக்கும் மனித நேயம் கொண்டவர்கள் நன்றியினை தெரிவித்துக்கொள்கிறார்கள்.

5 தொகுதியில் பா.ஜ.க பெற்ற வாக்குகள் விபரம்:

இளையாங்குடியில் 1,487, தொண்டாமுத்தூரில் 9,045, பர்கூரில் 1,482, கம்பத்தில் 946, ஸ்ரீவைகுண்டத்தில் 1,797 வாக்குகளையே பெற்றுள்ளது. இந்தக் கட்சி 5 தொகுதிகளிலும் சேர்த்து 14,757 வாக்குகளைத் தான் பெற்றுள்ளது.

Social Democratic Party - News

New Delhi, Jul 29 (PTI) With the objective of working for the empowerment of "marginalised groups" like Muslims and Dalits, a new political outfit called Social Democratic Party came into being today.

The party is being backed by the Popular Front of India (PFI), a confederation of minority organisations active in southern India, particularly Kerala, Karnataka and Tamil Nadu.

The PFI had supported the Congress-led United Democratic Front in Kerala during the 2009 Lok Sabha elections.

The Social Democratic Party will work against the "capitalistic development model" and for ensuring "adequate representation and equal justice to all classes of people," its President E Abubacker said at a press meet held here to announced the formation of the new party.

மீண்டும் ஒரு ர(த்)த யாத்திரை அத்வானி திட்டம்

நாடாளுமன்றத் தேர்தலில் தோல்வியடைந்த பாஜக, இன்னும் அதிலிருந்துமீளவில்லை. தோல்வியையடுத்து, மேல்மட்ட தலைவர்களுக்கு இடையேயானஉட்கட்சி பூசல். இதிலிருந்து மீள தனது பிரபலமான ஆயுதமான "யாத்ரா' வைதூசி தட்டி பாஜகவிற்கு உயிரோட்டமளிக்க அத்வானி முடிவு செய்துஇருக்கிறார்.
இதுகுறித்து மூத்த தலைவர்களுடன் ஆலோசித்து வருவதாகவும், இந்த யாத்ராபிரச்சாரமாக இல்லாமல், கட்சியின் அடிமட்ட தொண்டனை ஊக்குவிக்கும்வகையில் இருக்குமென தெரிகிறது. ஜனநாயக நாட்டில் வெற்றியும்தோல்வியும் சகஜம், ஆகவே அதிலிருந்து மீள்வதற்கான வழியைகண்டுபிடிக்கும் கட்டாயத்திற்கு பாஜக தள்ளப்பட்டிருக்கிறது. பாஜக மீதுகட்சியின் தொண்டர்களுக்கு மீண்டும் நம்பிக்கையூட்டுவதுதான் யாத்திரையின்நோக்கமாக இருக்கும் என அத்வானிக்கு நெருக்கமானவர்கள் தெரிவித்தனர்.

முன்பு இதுபோன்ற பல்வேறு ர(த்)த யாத்திரைகளில் தனது முஸ்லிம் விரோதபேச்சுக்களின் மூலம் பாசிசவாதிகளை சூடேற்றி முஸ்லிம்களுக்கு எதிராகபெரும் கலவரங்களை தூண்டிவிட்டவர் அத்வானி என்பது குறிப்பிடத்தக்கது.

Slighted Navjot Sidhu 'resigns'?

Amritsar: Speculation was rife on late Friday that cricketer-turned-politician Navjot Singh Sidhu had resigned from the Bharatiya Janata Party (BJP) and as an MP, apparently peeved over the party promoting his rival. BJP general secretary Arun Jaitley said the matter would be sorted out. The sudden 'resignation' move by Sidhu came just hours after Punjab BJP leader Rajinder Mohan Singh Chhina assumed office as chairman of the Amritsar Improvement Trust. The trust looks after development projects in the city and has an annual budget running into millions of rupees. BJP sources said that Sidhu had sent his resignation to senior BJP leader LK Advani and a copy to senior BJP leader Arun Jaitley. The sources added that the 'resignation' had not been sent to the Lok Sabha speaker as yet. Jaitley told a TV news channel that it was 'an internal party matter and would be sorted out within a few hours'. Sidhu could not be reached as he did not pick up his mobile throughout the day. He is presently in New Delhi. Sidhu had opposed Chhina's appointment to the public office and the BJP leadership had put his assuming the office on hold till the matter was sorted out. However, Chhina, who has the backing of top Punjab BJP leaders, Friday morning joined the new post. Chhina is the Punjab BJP secretary and had unsuccessfully contested the Amritsar-west assembly seat election in February 2007 assembly polls. Sidhu had accused Chhina of working against him in the Amritsar Lok Sabha seat elections in May this year. Sidhu managed to win the seat by a small margin of only over 8,000 votes. The former Indian cricket vice captain, who is a nationally recognized face because of his cricketing exploits and being a commentator and TV show host, was called by the BJP to campaign at over 300 rallies across India, but was ignored by the Punjab BJP. At a recent meeting of BJP leaders in Jalandhar last month, Sidhu had openly blamed Punjab BJP ministers and leaders for the party's debacle in the Lok Sabha polls. Sidhu was first elected from the Amritsar Lok Sabha seat in May 2004.

மலேசியாவில் புதிய கட்சி உதயம் :இன்ட்ராப் தலைவர் துவக்கினார்

கோலாலம்பூர் : மலேசியாவில் இன்ட்ராப் தலைவர்களில் ஒருவரான உதயகுமார், மனித உரிமை கட்சியை துவக்கியுள்ளார்.

மலேசியாவில் உள்ள இந்துக்களுக்கு சம உரிமை கோரியும், இந்து கோவில்கள் இடிக்கப்படுவதை கண்டித்தும் இரண்டு ஆண்டுகளுக்கு முன், கோலாலம்பூரில் இந்தியர்கள் பலர் போராட்டம் நடத்தினர். இந்த போராட்டத்தில் ஏற்பட்ட வன்முறை காரணமாக உதயகுமார், கணபதி ராவ் உள்ளிட்ட 15 பேர் தேசிய பாதுகாப்பு சட்டத்தில் சிறையில் அடைக்கப்பட்டனர்.இதில் உதயகுமார் 17 மாத சிறை தண்டனை முடிந்து கடந்த மே மாதம் விடுதலையானார். வக்கீலாக பணியாற்றி வந்த உதயகுமார் தற்போது, "மனித உரிமை கட்சி' என்ற பெயரில் புதிய கட்சியை துவக்கியுள்ளார். இதற்கான விழாவில், இரண்டாயிரம் பேர் கலந்து கொண்டனர்.இக்கட்சியின் பொதுச் செயலராக உதயகுமார் பெயர் அறிவிக்கப்பட்டுள்ளது. மற்ற நிர்வாகிகள் பெயர் வெளியிடப்படவில்லை.

புதிய கட்சி துவக்கியது குறித்து உதயகுமார் குறிப்பிடுகையில், "மலேசிய ஆளும் கட்சி கூட்டணியும், எதிர்க்கட்சியும் இந்தியர்களின் வேலை வாய்ப்பு உள்ளிட்ட பல்வேறு குறைகளை தீர்க்க முயற்சிக்கவில்லை. இந்தியர்களின் உரிமைக்காக போராடவே வக்கீல் தொழிலை துறந்து புதிய கட்சியை துவக்கியுள்ளேன். இன்ட்ராப் அமைப்பை, லண்டனில் உள்ள எனது சகோதரர் வேதமூர்த்தி வழிநடத்துவார்' என்றார்.அடுத்த பார்லிமென்ட் தேர்தலில் 15 தொகுதிகளில் போட்டியிடவும், சட்டசபை தேர்தலின் போது 38 தொகுதிகளில் போட்டியிடவும் மனித உரிமை கட்சி திட்டமிட்டுள்ளது.

திக்கு தெரியாத காட்டில் தத்தளிக்கும் பா.ஜ.,

லோக்சபா தேர்தலில் பா.ஜ., படுதோல்வியை சந்தித்தது ஏன் என்பது பலரும் அறியாத புதிராக இருந்தது. அக்கட்சியில் நடந்த உட்கட்சி மோதல்கள், தோல்விக்கான காரணத்தை மக்களுக்கு வெளிச்சம் போட்டு காட்டி விட்டன. கட்டுக்கோப்பான கட்சியாகத் தோற்றமளித்த பா.ஜ., உண்மையில் அவ்வாறில்லை என்பதையும், அக்கட்சித் தலைவர்கள் தேர்தலில் ஒருங்கிணைந்து செயல்படவில்லை என்பதையும் வெளியே வந்த சச்சரவுகள் காட்டி விட்டன.கட்சியின் இரும்பு மனிதராக முன்னிறுத்தப்பட்ட அத்வானியின் முன்னிலையில் இரண்டாம் நிலைத் தலைவர்கள் மோதிக்கொண்டது, இது தான் முதல் முறை. தேர்தல் தோல்விக்கான காரணங்களை ஆராய வேண்டிய நேரத்தில், பா.ஜ.,வின் முழு கவனமும் கட்சியை சிதறாமல் காப்பாற்றுவதில் திரும்பிவிட்டது.மாற்றுக் கட்சியைச் சார்ந்த பிரதமர் மன்மோகன் சிங் கவலைப்படும் அளவுக்கு பா.ஜ.,வின் நிலை மாறியது விதிவசம் என்றே சொல்ல வேண்டும். லோக்சபா தேர்தலின்போது, மன்மோகன், சோனியா கூட்டுத் தலைமையில் காங்கிரஸ் பலவீனமாகக் காட்சியளித்தது. மாறாக, அத்வானி தலைமையில் தேசிய ஜனநாயக கூட்டணி மிக வலுவானதாகக் காணப்பட்டது. இயல்பு நிலையில், அது ஒரு போலித்தோற்றமே என்பதை, ஜஸ்வந்த் சிங், யஷ்வந்த் சின்கா, முரளி மனோகர் ஜோஷி ஆகியோரின் கண்டனங்கள் வெளிப்படுத்திவிட்டன. பா.ஜ.,வின் பலவீனம், காங்கிரசின் பலமாக மாறிவிட்டது.நடந்து முடிந்த தேர்தலை, பா.ஜ., கட்சி ரீதியாகவோ, கூட்டணி ரீதியாகவோ ஒருங்கிணைந்து சந்திக்கவில்லை. நவீன பிரசார உத்திகள் மட்டும் போதும் என்று பா.ஜ., தலைவர்கள் கருதிவிட்டனர். அதன் எதிரொலியாகவே தற்போது உயர்மட்டத் தலைவர்கள் ஒருவரை ஒருவர் குறை கூறிக் கொண்டிருக்கின்றனர். "வெற்றிக்கு ஆயிரம் தந்தைகள்; தோல்விக்கு ஒரு அனாதை' என்ற ஆங்கிலப் பழமொழியை பா.ஜ., தலைவர்கள் நிரூபித்துவிட்டனர்.உட்கட்சிப் பூசல் களால்தான் உ.பி., டில்லி, ராஜஸ்தான் மாநிலங்களில் பா.ஜ., ஆட்சியை இழந்தது; அம்மாநிலங்களில் எம்பி.,க்களின் எண்ணிக்கையும் சரிந்தது. இதை பா.ஜ., மத்தியத் தலைமை இன்னமும் சரிசெய்யவில்லை. அதற்குள் உத்தரகண்ட், கர்நாடகாவிலும் பூசல்கள் துவங்கிவிட்டன. "மக்கள் சேவையே மகேசன் சேவை', "சுயநலமற்ற அரசியல் தனித்தன்மை' ஆகியவற்றை அடிப்படையாகக் கொண்டு, தீனதயாள் உபாத்யாய கட்டியமைத்த ஜனசங்கத்தின் தற்போதைய வடிவமான பா.ஜ., சுயநலமிகளின் கூடாரம் ஆனது எப்படி என்று அத்வானி சிந்திக்க வேண்டும். உட்கட்சிக் குழப்பம் இல்லாமல் இருந்திருந்தால் "இந்தி பெல்ட்' மாநிலங்களில் பா.ஜ., முழுமையான வெற்றி பெற்றிருக்கும்; அப்போது தேசிய அரங்கிலும் காட்சி மாறியிருக்கும். பா.ஜ., தற்போது தும்பை விட்டு விட்டு வாலைப் பிடித்துகொண்டு தவிக்கிறது. இந்த உண்மையை மறந்துவிட்டு, "இந்துத்துவமே உயிர்மூச்சு' என்ற தீர்மானத்துடன் பா.ஜ., தேசிய செயற்குழு கலைந்திருக்கிறது. "தோல்விக்கான காரணங்களை உளப்பூர்வமாக ஆராய வேண்டும்' என்ற அருண் ஷோரியின் குரல், கட்சியைக் காக்கும் வேகத்தில் அமுக்கப்பட்டது. தோல்வி குறித்து ஆராய ரகசிய தனிக்குழு அமைக்கப்பட்டிருப்பதாக, தலைவர் ராஜ்நாத் சிங் சப்பைக்கட்டு கட்டினார்.தேர்தல் முடிவு வந்து ஒரு மாதம் முடிந்த நிலையிலும் அதை பரிசீலிக்காமல் தவிர்ப்பது, பா.ஜ.,வின் மெத்தனத்தையே காட்டுகிறது. துடிப்புள்ள தலைவர் ராகுலின் தலைமையில் காங்கிரஸ் புத்துணர்வு பெற்றுவரும் நிலையில், பா.ஜ., கிழட்டுத்தன்மையுடன் தத்தளிக்கிறது.இது பா.ஜ.,வுக்கு சோதனையான காலகட்டம். அத்வானி கூறியதுபோல, இத்தேர்தல் முடிவு பா.ஜ.,வை 1984 போல துடைத்தெறிந்துவிடவில்லை; சிறு சரிவுதான். ஆனால், 1984ல் பா.ஜ., தலைவர்களிடமிருந்த கூட்டுத் தலைமையும், லட்சிய வேகமும், தற்போதைய தலைமுறையினரிடம் இல்லை என்பதை சுட்டிக்காட்டியாக வேண்டும்.வெறும் இரண்டு எம்.பி.,க்களாக இருந்த பா.ஜ.,வை தனது தலைமைப் பண்பாலும், அதிரடி வியூகத்தாலும் வளர்த்தவர் அத்வானி தான் என்பதில் சந்தேகமில்லை. "வாஜ்பாய் பிரதமராவதற்கு அத்வானி உழைத்தது போல, அத்வானி பிரதமராக அடுத்தநிலைத் தலைவர்கள் உழைக்கவில்லை' என்று, கட்சியின் சிந்தனாவாதி சுதீந்திர குல்கர்னி கூறியதும் உண்மையே. இந்த ஏற்றத்தாழ்வுக்கு என்ன காரணம் என்பதை தேசிய செயற்குழு ஆலோசித்திருக்க வேண்டும்.செயற்குழுவின் இறுதியில் பேசிய அத்வானி, இதைக் கோடிட்டுக் காட்டினார்; "மூன்றாம் நிலை, நான்காம் நிலைத் தலை வர்களை வளர்க்க வேண்டும்' என்று அவர் குறிப்பிட்டார். ஆலமரம் போன்ற முதிய தலைவர்கள் நிலைபெற்றிருக்கும் போது, அதன் நிழலில் புதிய கன்று முளைக் காது என்பதை அவர் மறந்துவிட்டார்.கட்சியின் முன்னாள் சித்தாந்தியான நானாஜி தேஷ்முக், "அறுபது வயதுக்கு மேல் அரசு ஊழியர்கள் போலவே அரசியல்வாதிகளும் ஓய்வு பெற வேண்டும்' என்று கூறியதுடன், அவரே அரசியலிலிருந்து விருப்ப ஓய்வு பெற்று, சமூகசேவகராகி விட்டார். ஆனால், சித்தாந்த அடிப்படையிலானது என்று கூறிக்கொள்ளும் பா.ஜ., இன்னும் தனிநபர் சார்ந்து தான் செயல்பட்டு வருகிறது.உடல்நலச் சீர்கேட்டால் பாதிக்கப்படாமல் இருந்திருந்தால், இம்முறையும் வாஜ் பாய் தான் அத்வானிக்கு பதிலாக முன்னிறுத்தப்பட்டிருப்பார். வாஜ்பாய், அத்வானி, ஜோஷி என்ற மும்மூர்த்திகளுக்கு பதிலாக புதிய தலைவர்கள் இனம் காட்டப்பட்டிருந்தால், பா.ஜ., தற்போது சந்திக்கும் பூசல்கள் நேரிட்டிருக்காது. இரண்டாம் நிலைத் தலைவர்கள் மிகுதியாக இருந்தபோதும், அவர்களது சக்தியை ஒருங்கிணைக்கவும், "ஈகோ' இல்லாமல் அவர்களை வைத்திருக்கவும் கட்சியால் இயலவில்லை.காங்கிரஸ் கட்சியின் வாரிசு அரசியலைக் கண்டிக்கும் பா.ஜ.,வும், வாரிசு அரசியல்மயமாகி வருவது கவலைக்குரியது. ஜஸ்வந்த் சிங், விஜயராஜே சிந்தியா, மேனகா, எடியூரப்பா ஆகியோரின் வாரிசுகள் புதிய தாரகைகளாக உதயமாகியிருப்பது, பல்லாண்டுகளாக உழைத்துவரும் தொண்டர்களை யோசிக்கச் செய்துள்ளது. தேசிய செயற்குழுவில் ஷாநவாஸ் கான், முக்தார் அப்பாஸ் நக்வி ஆகியோரும் மேனகாவும் மோதிக்கொண்டதற்கு வாரிசு மீதான பாசம் தான் காரணம். கர்நாடகாவில் எடியூரப்பாவுக்கு எதிர்ப்பு கிளம்பியிருப்பதற்கும் வாரிசு அரசியலே காரணம். இதை விவாதிக்கவும் பா.ஜ., தேசிய செயற்குழு மறந்துவிட்டது. நடந்து முடிந்த லோக்சபா தேர்தலில் பா.ஜ.,வின் தீவிர முயற்சிகளே காங்கிரஸ் வெற்றிக்கு அடிப்படைக் காரணமாக மாறின என்பதை அக்கட்சி இன்னமும் உணரவில்லை. காங்கிரசை பா.ஜ., முந்திவிடும் என்ற தோற்றம் ஏற்பட்டதால், அதன் எதிரிகள் காங்கிரஸ் பக்கம் ஒட்டுமொத்தமாக சாய்ந்தனர். நாகர்கோவில் தொகுதியில் பா.ஜ., வேட்பாளர் பொன்.ராதாகிருஷ்ணன் தோற்கடிக்கப்பட்டதை இங்கு நினைவுகூரலாம். நாடு முழுவதும், ஐம்பதுக்கும் மேற் பட்ட தொகுதிகளில் பத்தாயிரத்துக்கு குறைவான ஓட்டுகளில்தான் பா.ஜ., தோற்றது.சிறுபான்மையின விரோதத்தால், நாட்டு மக்கள் அனைவரது கட்சி என்ற தோற்றத்தை இழந்ததும் பா.ஜ.,வின் தோல்விக்கு காரணம். உபி.,யில் வருண் பேச்சால் முஸ்லிம் வாக்காளர்கள், காங்கிரசுக்கு ஆதரவான நிலைப்பாட்டை எடுத்தனர். இதுகுறித்து, தேசிய செயற்குழுவில் விவாதம் நடந்திருப்பது ஆரோக்கியமான அறிகுறி. பா.ஜ., மீதான மதவாத முத்திரை நீங்காத வரை, நாடு முழுவதும் சிறுபான்மையினர் தீர்மானிக்கும் சக்தியாக உள்ள 150 தொகுதிகளில் பா.ஜ.,வின் எதிரிகளே வெற்றி பெறுவர். மொத்தமுள்ள 543 தொகுதிகளில் 150 தொகுதிகளை கைகழுவிவிட்டு, மீதமுள்ள தொகுதிகளில் வென்று ஆட்சியமைப்பது கனவாகவே இருக்க முடியும்.போதாக்குறைக்கு தென்மாநிலங்களிலும் (கர்நாடகா நீங்கலாக) வடகிழக்கு மாநிலங்களிலும் தக்க வளர்ச்சி அடையாமல் வடமாநிலங்களை மட்டும் நம்பினால், அதிர்ச்சித் தோல்வியை ஜீரணிக்க முடியாமல் புலம்ப வேண்டியது தான். இதைப் பற்றியும் பா.ஜ., தலைவர்கள் ஆலோசிக்கவில்லை. கட்சி நியமித்த குழுவாவது, இதுபற்றி ஆராய்வது பா.ஜ.,வுக்கு மட்டுமல்லாது நாட்டிற்கும் நன்மை தரும். எது எப்படி இருப்பினும், பா.ஜ., கட்சிக்குள் உட்கட்சி ஜனநாயகம் சிறிதளவேனும் நிலவுவது திருப்தி அளிக்கிறது. சோனியா, கருணாநிதி, ஜெயலலிதா, முலாயம், பாதல், லாலு என்ற தனிநபர்களை சார்ந்துள்ள அரசியல் கட்சிகள் போலல்லாது, கட்சிக்கு மாறுபட்ட கருத்துகளையும் கூட தேசிய செயற்குழுவில் விவாதிக்க முடிந்தது, பா.ஜ.,வின் பலம். இந்நிலை இந்தியாவில் பா.ஜ.,- இடதுசாரி கட்சிகளிடம் மட்டுமே உள்ளது. இந்த உட்கட்சி ஜனநாயகத்தை வலுப்படுத்தினால், பா.ஜ.,வின் தற்போதைய சரிவு, ஏணிப்படியாக வாய்ப்புண்டு. அகில இந்திய அளவில் காங்கிரசுக்கு மாற்றாக பா.ஜ., மட்டுமே வலுவான கட்சியாக இருப்பது, நாட்டின் அரசியலை நல்ல திசையில் திருப்பியுள்ளது. பிரதான எதிர்க்கட்சியான பா.ஜ., இந்த வாய்ப்பை நல்ல முறையில் பயன்படுத்த வேண்டும். அதற்கு, கட்சிக்குள் நிலவும் குழப்பங்களை சரிப்படுத்த வேண்டியது அவசியம்.எரிமலை போன்ற நிலையில் பா.ஜ., தவிப்பதாக, லோக்சபா எதிர்க்கட்சி துணைத் தலைவர் சுஷ்மா சுவராஜ் கூறியுள்ளார். நடந்து முடிந்த பா.ஜ., தேசிய செயற்குழு, எரிமலை மீது சிறிதளவு தண்ணீரை மட்டுமே ஊற்றியுள்ளது; எரிமலையின் மையத்தை அமைதிப்படுத்துவது தான் அக்கட்சியின் மூத்த தலைவரான அத்வானி மீது சுமத்தப்பட்டுள்ள சுமை; அதை அவர் மட்டுமே சுமக்க முடியாது.

BJP-PFI clashes in south Kerala

Kochi: Clashes between the activists of the Popular Front of India and the Bharatiya Janata Party continue in Ambalappuzha in south Kerala. One more person was stabbed yesterday even as police forces were present in the area. Several houses were attacked. Vehicles and household equipments were widely destroyed. Now the total number of those stabbed has increased to five. Measures have been taken to send more police forces to the place if any emergency situation arises.

The BJP had called for a bandh yesterday after last day’s clashes. Ambalappuzha Komana Kannankaramadathil Prakashan (29) was stabbed yesterday afternoon around 3.30 pm. Prakashan is an activist of the RSS and works in a temple nearby. He was admitted to Alappuzha Medical College Hospital.

Attacks on houses began around 4.30 pm and continued for hours. Houses near the Vellanjili Masjid in the Purakkad Panchayat were attacked. Properties worth lakhs of rupees were destroyed, in addition to damaging cars and scooters. People resisted the attackers’ move to damage the Masjid.

The police had not paid much attention since the bandh was generally peaceful in the morning. None of the attackers could be caught.

The houses of three activists of the BJP were attacked on Thursday night.

Hundreds of armed police and senior police officers of many police stations of the district are camping in the area under the leadership of six DySPs. Vinson M Paul, IG, went to the place to analyse the situation

பாஜகவிலிருந்து விலக திருநாவுக்கரசர் முடிவு?

சென்னை: தமிழகத்தில் பாஜகவுக்கு ஏற்பட்ட தோல்வி குறித்து விவாதிக்க நடைபெற்ற ஆலோசனை கூட்டத்தை அதன் அகில இந்தியச் செயலாளர் திருநாவுக்கரசர் புறக்கணித்தார். அவர் விரைவிலேயே பாஜகவில் இருந்து விலகுவார் என்று தெரிகிறது.

மக்களவைத் தேர்தலில் சரத் குமாரின் அகில இந்திய சமத்துவ மக்கள் கட்சி , நடிகர் கார்த்திக்கின் நாடாளும் மக்கள் கட்சி , ஐக்கிய ஜனதா தளம் ஆகிய கட்சிகளுடன் இணைந்து பாஜக 12 இடங்களில் போட்டியிட்டது.

இதில் கன்னியாகுமரி , ராமநாதபுரம் தவிர மற்ற தொகுதிகளில் பாஜகவுக்கு டெபாசிட் கூட கிடைக்கவில்லை.

இந்தப் படுதோல்வி குறித்து சென்னை தியாகராயர் நகரில் உள்ள பாஜக தலைமை அலுவலகமான கமலாலயத்தில் பாஜக மாநிலத் தலைவர் இல. கணேசன், துணைத் தலைவர் பொன். ராதாகிருஷ்ணன், பொதுச் செயலாளர் டாக்டர் தமிழிசை சௌந்திரராஜன், அகில பாரத இணை அமைப்பு பொதுச் செயலாளர் சதீஷ் உள்ளிட்டோர் கலந்து கொண்ட முக்கிய ஆலோசனைக் கூட்டம் நடந்தது.

ஆனால், ராமநாதபுரம் தொகுதியில் போட்டியிட்டு தோல்வியடைந்த அக் கட்சியின் ராஜ்யசபா எம்பியான திருநாவுக்கரசர் இந்தக் கூட்டத்தைப் புறக்கணித்தார்.

இப்போது பாஜக மாநிலங்களவை எம்பியாக உள்ள திருநாவுக்கரசர் தேர்தல் தோல்விக்குப் பின் கட்சியின் எந்தத் தலைவர்களையும் சந்திக்கவும் இல்லை, அவர்களுடன் பேசவும் இல்லை.

இனியும் தமிழகத்தில் பாஜகவில் இருப்பது தனது அரசியல் எதிர்காலத்துக்கு நல்லதல்ல என்று அவர் கருதுவதாக அவரது ஆதரவாளர்கள் கூறுகின்றனர்.

இதனால் மிக விரைவிலேயே திருநாவுக்கரசர் பாஜகவில் இருந்து விலகுவார் என்று தெரிகிறது.

இதற்கிடையே நேற்று நடந்த ஆலோசனைக் கூட்டத்தில் திமுக, அதிமுகவின் பணபலமும், மின்னணு வாக்குப்பதிவு இயந்திரங்களில் நடத்தப்பட்ட முறைகேடுகளுமே பாஜகவின் மோசமான தோல்விக்குக் காரணம் என்று நிர்வாகிகள் கருத்து தெரிவித்ததோடு கூட்டம் முடிந்து.

தமிழக மக்கள் பாஜகவை ஏன் ஏற்க மறுக்கிறார்கள் என்ற உண்மையான காரணம் குறித்து விவாதிக்கப்படவில்லை.