இஸ்லாமியனாக நான்

அஸ்ஸலாமு அலைக்கும்,

எல்லோருக்கும்

எல்லாம் உண்டு

பொத்தாம் பொது

தத்துவம் சோஷியலிசம்;

ஆண்மைக்கு அறிகுறியாய்

ஆண்மீகத்திற்கு அடிப்படையாய்

கழிக்காமல் என் கன்னத்தோடு

உறவோடும் முடி வளர்த்தால்

தாலிபானிஸம்!

பாரபட்சம் கொண்டப்

பார்வையால்;

வருத்தெடுக்கும் வார்த்தையால்

நொறுக்கித்தள்ளும் எங்களை

அறுத்தெறியும் உலகம்!

மதம் கொண்டு

வதம் செய்யத் துடிக்கும்

காவிகள் சுமந்தால்

சாமியார்;

ஒருக் கன்னத்திற்கு

மாற்றுக் கன்னம் என்று

அமைதிப் போர்வைக்குள்

குர் ஆன் எரிப்புக்கு

குரல் கொடுத்த வெள்ளைக்

கொள்ளையன் சுமந்தால்

பாதிரியார்;

உரம் கொண்டு

வாளைக் கரம் கொண்ட

வகையினர் சுமந்தால்

சர்தார்;

எல்லோருக்கும் உள்ள;

எல்லோரையும் போல

நான் வளர்த்தால்;

தாடிக்கு தடித்த வார்த்தையால்

கடித்து துப்பும் மனநோயாளிகள்

தந்தப் பட்டங்கள்

தீவிரவாதி பயங்கரவாதி!

சமநிலை சறுக்கி

சமநோக்கிற்கு

சாவு மணி அடித்து;

சமதர்மம் ரணதர்மமாய்

குத்தப்பட்டு பிதைக்கப்பட்டு;

பாதிக்கப்பட்ட வரலாற்றுக்கு
நாயகனாய் இஸ்லாமியனாக நான்!