அஸ்ஸலாமு அலைக்கும்,
புரியாதத் தத்துவம்
புருவங்களை உயர்த்தும்;
ரணம் கொடுக்கும் வார்த்தைகளை
தினம் தொடுக்கும் அறிவாளிகள்!
சமதர்ம சமாதனப் பேச
மிடுக்கு ஆடையுடன்
ஒலிக்கும் குரல்
தரங்கெட்ட தரணியிடமிருந்து!
அனாச்சாரத்தில் அமர்ந்து
கலாச்சாரத்தைப் உரைக்கும்;
உலகத்திற்கு எப்போது உறைக்கும்!
மூடிச் செல்லும் எங்களுக்கு
முத்திரையிடும் உலகம்;
பெண்ணடிமை என்று!
மாற்று வண்ணத்தில்
வேற்று மக்கள் அணிந்தால்
ஒட்டுப்போடும் உலகம்;
நாங்கள் அணிந்தால் மட்டும்
வேட்டு வைக்கும் கிரகம்!
காட்டாறு உணர்வுக்கு
அணைப்போட நினைத்து;
அணைத்ததை படம்பிடித்த
பத்திரிக்கைக் கதையுண்டு இங்கே
பாதிரியார்கள் கன்னிகாஸ்திரி
பாதங்கள் கோலம் போடும் அங்கே!
நித்திரையைக் கெடுக்கும்
உன் மனதிற்க்காக நான்
முகத்திரையிட்டு வந்தேன்;
ஆபாசத்திற்கு முத்திரையிட்டுள்ளேன்!
ஒழுக்கத்திற்கு உடையிட்டு
நடைப்போட்டு வந்தோம்;
எதிர்புக்குரல் ஒலித்தாலும்
எதிர்த்து நின்று ஜெயிப்போம்!
No comments:
Post a Comment