உண்மையான அன்பு.

அஸ்ஸலாமு அலைக்கும்,

முகம் இரண்டும்

விலகிச் செல்ல;

முதுகு இரண்டும்

ஒட்டிக் கொள்ள;

கட்டுப்பட்டோம் ஆங்கிலத்திற்கு;

“ஈகோ” என்ற ஒர் எழுத்துக்கு!

துண்டுப்பட்ட மனம் மட்டும்

விம்மி விம்மி கதற;

மெண்டு விழுங்கும்

நினைவுகளோ உன்னைக்

கண்டப்படித் தேட!

வீங்கிப்போனப் பாசத்தாலே

வெடித்து நிற்கும் பிரிவு;

நீர்த்துப்போகும் சண்டை

மட்டும் அணுதினமும் வரவு!

தனித்து நின்று

நினைத்துப் பார்த்தால்

சினம்கூடத் தணிந்துப் போகும்;

கனம்கூட இனித்துப் போகும்!

முற்றிப்போன அன்பினாலே

தொட்டதெற்கெல்லாம் வம்பு;

கண்பட்டவுடன் கலைந்துப் போகும்

மாயமென்ன இயம்பு!

தோற்று ஓடட்டும்

நாற்றமெடுக்கும் கோபம்;

மனம் கசந்து முகம் சிவந்தால்

யாருக்கென்ன இலாபம்!