இந்தியச் சுதந்திரத்தில் நாங்கள்

சுதந்திரத்தில் நாங்கள்

உதிரம் சூடேறி;

பற்றி எரியும் சரித்திரத்தின்

பக்கங்களுக்குச் சொந்தக்காரன்;

மேனியின் சதையை

விதையாக்கி;

அந்நியன் ஆடையை

அந்தோ! தீயிற்கு இரையாக்கி;

முத்தமிட்டு மரணத்தை

முண்டியடித்து;

மண்ணைக் காக்க;

சுதந்திரப் போரை

புனிதப் போராக்கி;

புரட்சி செய்து – ஆங்கிலேயனை

மிரட்டிவைத்த சமூகம்;

இன்று தேசத்துரோகிகளாக

சித்தரிக்கும் அவலம்!

நாடி வெடிக்க;

உதடுத் துடிக்க;

வரலாறு உரைக்கும்;

நாங்கள் துரோகிகள் அல்ல;

சரித்திரத்தை மாற்றிப் பேசும்

மாந்தரின் இதயத்தைக்

கிழிக்க வேண்டும்;

எங்காவது ஒர் மூலையில்

உண்மை ஒட்டியிருக்கா என்று!