பாஜகவுக்கு ஆர்.எஸ்.எஸ் வழி நடத்துகிறது ......

6 மாதத்தில் தமிழக சட்டப் பேரவை தேர்தல் - இல.கணேசன்
April 26, 2009

தமிழக சட்டப்பேரவைக்கான தேர்தல் 6 மாதத்தில் வர உள்ளதாக பாஜக தலைவரும் தென்சென்னை வேட்பாளருமான இல.கணேசன் கூறினார்.
ராஜாஜி பொது நல மையத்தின் சார்பில் ஞாயிற்றுக்கிழமை நடைபெற்ற நிகழ்ச்சியில் பங்கேற்று அவர் பேசியதாவது:
மக்களவை தேர்தலை ஏதோ கருணாநிதியா - ஜெயலலிதாவா என்பது போன்ற மாயையை ஏற்படுத்தி வருகின்றனர். 6 மாதத்தில் சட்டப்பேரவை தேர்தல் வரும்.
தஞ்சாவூரில் பிறந்த நீங்கள் தென் சென்னையில் போட்டியிடலாமா என்று கேட்கிறார்கள். இத்தாலியில் பிறந்த சோனியா இந்தியாவில் போட்டியிடலாமா என்று நீங்கள் கேளுங்கள்.
நான் இந்தியன் எங்கு வேண்டுமானாலும் போட்டியிடலாம். நான் தேசத்துக்கு சொந்தம். என்னை நல்ல பண்போடு ஆர்.எஸ்.எஸ் உருவாக்கியுள்ளது. தேசத்துக்காக பாடுபடும் இயக்கம் ஆர்.எஸ்.எஸ்.காந்திஜிக்கு காங்கிரஸ், திராவிட கழகத்துக்கு ஈ.வெ.ரா என்றால் பாஜகவுக்கு ஆர்.எஸ்.எஸ் வழி நடத்துகிறது என்றார்.