திரையிட்டு வந்தேன்..

அஸ்ஸலாமு அலைக்கும்,

குறையேதுமில்லை

திரையிட்டு வந்தேன்;

உன் இச்சைக்கொண்ட

பார்வைக்கு எச்சில் துப்பி

எதிர்ப்பேன்!

அரைநிர்வாணம்

அழகாய் தோன்றும் உனக்கு;

உன் அக்காள் தங்கை

காட்டி வந்தாள் முழுக்கோபம் எதற்கு!

மாற்றான் தோட்டத்து

மல்லிகை மட்டும்

மணக்கவேண்டும் உனக்கு;

மானங்கெட்ட மானிடனே

மனைவியை

பூட்டிவைக்கிறாய் எதற்கு!

போர்த்தியிருக்கும் எங்களை

கழட்டச் சொல்லி கேட்கிறாய்;

கழட்டி வந்த பெண்களிடம்

கைவரிசையைக் காட்டுகிறாய்!

மானம் காக்க

மறைத்திருப்பது

சிறையென்று நீ நினைத்தால்;

ஒத்துக்கொள்கிறேன்

ஒளிந்திருக்கிறேன்

உனக்காகத்தான்;

தப்பிப்பதற்கு!