ஆற்றில் விழுந்த விமானம்: விசாரணையில் தடங்கல்

நியூயார்க்
ஹட்சன் ஆற்றில் விழுந்த அமெரிக்க ஏர்வேஸ் ஏர்பஸ் விமானத்தின் இன்ஜின்களைத் தேடிப் பிடிப்பதில் சிரமம் ஏற் பட்டுள்ளது.
ஆற்றின் நீரோட்டம் பலமாக இருப்பதால், முக்குளிப்பாளர்களால் விமானத்தின் இயந்திரங்களைக் கண்டு பிடிக்க முடியவில்லை. இதனால், விமானம் எப்படி விபத்துக்குள்ளானது என்பதை அறியும் முயற்சிக்கு முட்டுக்கட்டை ஏற்பட்டுள்ளது.
சென்ற வியாழக்கிழமை, விமானம் புறப்பட்டு சிறிது நேரத்தில், இன்ஜின்கள் இரண்டும் செயல் படாததால், ஹட்சன் ஆற்றில் விமானம் விழுந்தது.
ஆனால் விமானியின் திறமையாலும் துணிச்சலாலும் விமானத்தின் 150 பயணிகளும் ஐந்து பணியாளர்களும் உயிருடன் காப்பாற்றப் பட்டனர்.